Алишержон халқимизнинг чопқир тулпор оёғи етмаган ерни, той босади деганларидек, сизнинг жаҳон демократиясида чўққига етган улуғ бир мамлакатнинг энг улуғ кишисига, унинг президенти жаноб Обамага қилаётган бу мурожаатингиз, шерюрак ва ватанпарвар отангизга бўлган садоқат ва меҳр булоғининг сиздаги қайнаб тошгани, бугунга келиб шундай отанинг ўғли ҳам, диктатор Каримовга қарши улғайиб етилганининг натижасидир.
Бу қолаверса бошига сизнингдай ташвиш тушган минглаб Ўзбекистонликларнинг ер чизиб индамай ўтирганларида Сизнинг, қайтариб катта ҳарфлар билан ёзаман СИЗНИНГ ҳам катта жасоратингиздир! Шу билан бир қаторда ўзбек халқига буюк келажакни ваъда қилиб, салкам 20 йилдан бери Каримовнинг ярим очлик, ишсизлик. ва мисли кўрилмаган коррупция, чексиз қамашлар, миллионлаб ўзбекларнинг иш излаб “ихтиёрий ватангадоларга” айланиб дунёнинг чортараф мамлакатлари томон қувилиб, тўзиб кетишига олиб келди.Мен дадангизнинг Европа банкирларининг Тошкент саммитида биринчи сўз ” Яқинда қамоқдан чиққан шоир Юсуф Жумаевга берилади деганида, Юсуфнинг юксак минбардан туриб Каримовга юзига тик боқиб туриб: Ўзбекистонда турмалар кўп, Уларнинг катталари ва кичиклари ҳам бор. Лекин шундай турма ҳам борки, унда 25 миллион маҳбус бор, бу турма Ўзбекистондир, деганда 4000 кишига яқин
Европа ва бошқа мамлакатлардан келган банкир ва журналистларга бу қисқагина ва жуда катта маънога эга бу нутқнинг таржима қилинганданоқ меҳмонларннинг қаҳ-қахаси саммит биносини ларзага солган, ажабтовур қулоғига кийиб ўтирган наушнигини Каримов аламидан столга уриб унинг ўрнидан туриб зални тарк этишга унинг бир баҳия қолганини яхши эслайман.
Ўша куни ЕХХТ банкирлар саммитини раиси Жан Лиммер Ўзбекистон Марказий телевидениясида бу саммитнинг трансляция қилинишини талаб қилган ва унга Каримовни кўндирган эди. Каримовнинг кутилмагандаги бу ноқулай ҳолатини кўрсатиб юборган Тошкент телевидениясининг ўша куни ишлаган бирнеча ходимлари ишдан қувилган ҳам эдилар.
Бизлар саммит бошлангунча эса 50 нафарга яқин инсон хуқуқ фаоллари саммит ўтаётган “Интерконтинентал” биноси олдидаги кўчада пикетда турган эдик.
Қисқаси дадангизнинг қаторида яна 20 нафардан ортиқ узоқ муддатлардан бери шахсан Каримовнинг кўрсатмаси билан хечқандай амнистя ва муддати белгиланмаган қамоқ азобларини чекаётганларнинг ҳам озод қилинишиларини
Каримовдан сўраш эмас, диктатордан талаб қилиш республиканинг ички ва ташқаридаги барча инсон хуқуқлари жамият ва ташкилотларининг долзарб ва биринчи масаласи бўлиши керак. Аҳиллик ва қўрқмасдан темир панжаралар ортидаги қийноқларга чек қўйиш ва бу маҳбусларни ўз талабларимиз орқали озод қилинишига эришсак, бу бизларнинг оғир шароитларда юксак жасорат билан олиб бораётган курашларимизнинг натижаси бўлиб.
Женева Инсон Хуқуқлари Деклерациясининг 20009 йилнинг октябр ойидаги ўтказиладиган унинг 60 йиллик юбилей тўйига қўшган катта совғамиз ҳам бўлар эди.
Худди шу зайилдаги курашлар натижасида куни кеча Россия Инсон Хуқуқлари ташкилотлари вакилларининг Россиядаги барча терговдаги қамоқ изоляторларига кириб тутқунларнинг аҳволлари билан танишиш ва уларни мониторинг қилиш хуқуқига эга бўлишган.
. Бу тўғрида чиққан Россия Ички Ишлар Вазирининг буйруғи матбуотда эълон қилинган. Албатта бизлар ҳам шундай харакат қилсак ва курашсак катта ютуқларга эришишимиз мумкин. Алишержон эзгу ниятингиз ва қилаётган сай харакатингизнинг амалга ошишини ва дадангизнинг албатта озод қилиниши тилаб қоламан.
Ёдгор