Қарши шаҳри Аэропорт даҳаси Саркисово кўчаси 22Б уйда рўйхатда турган Абдуллаев Анвар исмли намозхон жорий йилнинг январ ойида Россиядан ушлаб келтирилиб қамоққа тиқилган эди .Шу кунларда унинг феврал ойида суди бўлиб ўтганлиги маълум бўлди.Унга жиноят кодексининг 159,242,244(1,2қисмлари)моддалари қўйилиб, узил-кесил 12 йил муддатга озодликдан маҳрум қилинган.
Ижро учун Яккасарой зонасига жўнатилган. Айтиб ўтиш жоизки Ҳукуматнинг режаси бўйича 2004- йил апрель ойида Қарши шаҳрида қамалган 18 та йигитлар билан шу Абдуллаев Анвар ҳам қамалиши керак эди. Аммо у сал илгари яъни унга нисбатан жиноий иш очилмасдан бурун мамлакатдан легал тарзда
Россияга ишлаб келиш учун чиқиб кетган эди.Унга нисбатан қидирув эълон қилинганини эшитиб Ватанга қайтиб келишга қўрқиб мажбурий равишда ҳижратда юрган эди. Аммо оила соғинчи устун келиб шу йил бошида Ватанга қайтиш вақтида,
яъни Россия чегарасидан Қозоғистонга кириш пайтидаги паспорт текшируви жараёнида унинг қидирувда эканлиги Россия таможнисининг паспортларни компютерда текшириши жараёнида аниқ бўлиб қолган ва шу заҳоти у хибсга олинган ва кейинчалик Ўзбекистон органлари вакилларига топширилган.
Нодир Ахатов Қарши ш.