Бундан икки ой илгари 2008-йилнинг декабр ойи бошларида ишлаб, пул топиб келиш максадида бир олам орзулар билан Россияга кетган Нурматов Ахмад 2009-йилнинг январ ойи охирларида ҳушсиз холда Ўзбекистонга қайтди. Ўртокларининг айтишича у бола-чақа боқиш, рўзғор тебратиш, қизининг ўқиши учун контракт пулини тўлашда қийналган. Шу сабабли айни кунларда Россияда ишлаётган Ўзбекистонлик ўртоқларининг олдига ишга кетган.
Яқингинада бир олам орзулар билан кузатиб қолган болалар ўз оталарини хушсиз ҳолда кутиб олдилар. Минг афсуски уни орзулари етаклаган йўлда фалокат кутиб турганми ё бошқа сабабми уйидан соғ-омон чиқиб кетган Ахмад болалари олдига хушсиз холда келди. Ахмадни ўртоқлари хушсиз холда Россиядан Тошкентга самолётда жўнатган ва Тошкенда кариндошлари кутиб олган.
Уни кариндошлари аввал Жиззах шахрида сўнгра Тошкентга олиб бориб даволатишган. Бироқ натижа булмади. Нурматов Ахмад 2009-йилнинг 5-феврал куни 45 ёшида оламдан ўтди. Ўтган йили оналаридан ажралган болалар энди оталаридан ҳам ажралди.
Биз Оллоҳдан болаларга хаётнинг бу оғир синовларига дош беришлари учун тоғдек сабр
тилаб қоламиз.
Саида Курбон.
Жиззах вилояти
Пахтакор тумани
20.02.2009 йил.