Зоҳир Шоҳ
Бойсун туманига ташриф бюрган киши шахсий автомашиналарнинг кўплигидан нолийди. Кўчалар тор, машиналар эса тирбанд. Хозир Бойсунда ҳам кун кечиришнинг саноқлигина имконлари қолган бўлиб, булардан бири киракашлик қилишдир. Онасидан янги туғилган бола ҳам, киракашлик қилиш учун машина сотиб олишга ҳаракат қилади. Зеро қандай қилиб бўлса-да, кун кечирмоқ лозим.
Бўлмаса ҳаёт бир жойда “тўхтаб” қолади. Туман “Серҳаракат” уюшмасининг раҳбари Жўра Ҳамроевнинг сўзиларига қараганда Бойсун туман “Кўк-тепа” маҳалласида яшовчи
фуқаро Иззат Норбоевнинг Исомиддин деган ўғли Корея давлатидан, Японияда
ишлаб-чиқарилган “Мисси-Бусси-Коорпорешйин” русумли автомашинани 50 минг АҚШ доллари ҳисобида сотиб олиб, ўз юртига олиб келибди.
Бойсунда бир қизиқ ва ўзига хос пойга бошланиб кетанига анчагина бўлиб қолди. Бу пойганинг номи –“ким ўзар”. Яъни кимки бир зўр машина сотиб олиб келса, тамом. Ўзгалар ҳам ўша машинадан албатта сотиб олиш учун елиб-югуради. Мен зўрми, Сен зўрми?-қабилида иш кўришаади.
Бизнинг уюшма рўйхатидан ўтган барча енгил машиналар, “Истана”, “ВМW” ва “ФОЛСФАГЕН” русумли автоуловлар бўлиб буларнинг барчаси чет элдан келтирилмоқда, -дейди туман “Серҳаракат” уюшмасининг раҳбари Жўра Ҳамроев. Унинг айтишича Ўзбекистонда ишлаб-чиқарилган “Нексия”, “Дамас”, ва “Тико” каби автомашиналар билан киракашлик қилиб бўлмайди. Сабаб “клент”лар бундай машиналарга деярлик минишмай қўйишган. Ҳа, йўловчиларимиз ҳам, машиналарнинг маркаларига қараб, минишмоқда.
Бойсунда ҳукумрон бўлган ушбу ҳолатни ва ўзига хос “ким ўзар”ни кўриб ўйланиб қоламан.Бундан чиқди, хориждан олиб келинаётган автоуловларга қўйилган божхона тўловлари салгина бўлса-да камайтирилганда юртимизда ишлаб чиқарилаётган машиналарни ҳеч ким минмай қўяр экан-да.