Ушбу расмдаги йигит “Камолотчи”га 30.000 сўм бериб фотоаппаратини қайтариб олган.
Ишсизлик муаммоси Ўзбекистонда тобора долзарблашиб бораётгани бугунги кунда ҳеч кимга сир эмас. Наманганлик Ҳусанбой ҳам Россияга бориб ишлаб келганлардан бири. Ҳозир эса вақтинчалик бекорчи. Сабаб иш йўқ. У бахорда яна Россияга кетмоқчи.
Лекин унгача тирикчилик килиш керак. Россиядан ишлаб топиб келган пулларни ёлғиз колган онасига бериб қўйган ва баҳорда яна Россияга бориб, иши яхши бўлиб анча-мунча тўплаб олиб келса уйланмокчи.
Вақтинча бекор қолган Хусанбой Россиядан олиб келган хусусий фото аппаратида суратга олиб, уни сотиб яъни сураткашлик қилиб тирикчилик килиш илинжида Наманган шаҳрининг “Бобур” номли боғига бориб ҳоҳлаган фуқароларни суратга олишни бошлайди.
Бир оз фурсат ўтгач халқни назорат қилиш учун юборилган, собиқ “Комсомол”ни муносиб ворийси булган “КАМОЛОТ ЁШЛАР ИЖТИМОИЙ ХАРАКАТИ” фаолларидан бири, ўзини Зиёвуддин, – деб таништирган шахс Хусанбойни фото аппаратини тортиб олиб қўяди ва ундан ўттиз минг сўм (30.000 сўм) пул талаб қилади.
Хусанбой бу пулни тўлаб аппаратини олди. Лекин савол туғилади. Собиқ “Комсомол” вориси нима учун инсонларнинг шахсий ишларига аралашиб юрибди? Ахир уларни вазифаси ёшларни шахсий мулкини тортиб олиш эмас, уларни муаммоларини ечишда ёрдам бериш эмасми?
Совет замонида “Комсомол”чилар компартияни даволовчилар сифатида жамоат ишларига даъват этиларди. Лекин Горбачев замонига келиб “Комсомол” демократик ҳаракатларни жадаллашида анча ўрнак кўрсатган эди.
Бироқ Ўзбекистон мустакиликка эришгач номини ўзгартирган (худи акаларига ўхшаб) “Камолот”чилар яна Горбачевгача бўлган тизимига қайтган кўринади. Компартия номини ХДП қилиб ўзгартириб амалда коммунистча фаолият олиб бораётганлардан «КАМОЛОТ» ҳам ўрнак оляпти шекилли.
Инсон Хуқуқлари жамиятининг Наманган вилояти бўлими хабари.