Узбекистон халкаро инсон хукукларини химоя килиш кумитаси Жиззах вилояти Зарбдор тумани булими рахбари Абулкосим Мамарасуловнинг мониторинглари
Хурматли Президентимиз И. Каримов томонидан чикарилган фермер хужаликларни йириклаштириш хакидаги фармойиш хеч кимни бефарк колдирмаяпти. Зеро, кишлокларда энг асосий тирикчилик воситаси бу – ер. Ер эгаси – фермер. Фермер ердан ажраб колса, демак, унинг, ва ундан бошка шу ерда ишлаётган кишиларнинг оиласи тирикчилик манбаидан ажраб колди дегани бу.
Шу сабабли, купгина фермерлар тушуниб-тушунмай, аризани бериб куйиб, энди нима килишларини билмай, бошларини чангаллаб колишмокда. Жумладан, менга Бахмал туманидан Хикматулла исмли фермер мурожаат килиб, нима килиш кераклиги тугрисида мендан маслахат суради. Маълум булишича, тумандан вакил кишлокка келиб, барча фермерларни йиккан. Президент фармойишини уз билганича фермерларга тушунтирган. Ва барча фермерлардан узи эгалик килаётган ерни туман хокимлиги захирасига топшириш тугрисида ариза ёзиб беришларини талаб килган.
Ва барча фермерлар бу амрга буйсунишган.
– Ёз деса, индамай ёзиб беравердингизми? – сурадим мен.
– Нима килай, хеч ким эътироз билдирмади. Президент топшириги экан, деб ёзиб бераверди. Эл нима булса мен хам шу, дедим-да, мен хам ёздим.
– Унда тез хокимиятга боринг-да, топширган аризангизни кайтариб олинг, ёки узингизга бирон фермерни кушиб олмокчи эканингизни рахбарларга билдиринг, – дедим мен.
2008 йил 2 ноябр куни Хикматулла мен айтгандай килганини, фермерлар уюшмаси рахбарига учраб, узининг фермер хужалигини асраб колишни илтимос килганини, фермерлар уюшмаси рахбари ваъда килганини айтди.
Ва бугун уни туман хокимлигига: «мухринг билан кел», дея чакиришаётганини, аммо у куркиб, олдин менга учраш учун келганини айтди.
2 ноябрга келиб, вилоятда аксарият фермерлардан ерни топшириш тугрисида ариза олиб булинган, эндиликда уларни йириклаштириш жараёни давом этаётган, шу сабабли йириклашаётган фермерлар кушиб оладиган фермерининг ер контурини курсатиб, шу ерни кушиб бериш тугрисида туман хокимига ариза ёзиб бераётган эди.
Мен Хикматуллага, кечикмай Бахмал тумани хокимлигига етиб боришини, ундан шунака ариза керак булаётганини айтдим. Агар мабодо «мухрингни топшир» дейишса, топширма, менга телефон кил, дея тайинладим.
Хозир Хикматулла уз ерини саклаб колди, хатто йириклашган фермерга айланди.
Ким ариза топшириб, ортидан югурмаган булса, у еридан ажради..
Узбекистон халкаро инсон хукукларини химоя килиш кумитаси Жиззах вилояти Зарбдор тумани булими рахбари
Абулкосим Мамарасулов