16- ноябр куни Вашингтон шаҳрига келган “Бирдамлик” ҳаракати раҳбари Баҳодир Ҳасанни ва ушбу ҳаракатнинг энг фаол аъзоси Ёдгор Турлибековни “Бирлик” партияси раҳбари жаноб Абдураҳим Пўлатов ўз уйига таклиф этди.
Мазмунли ва мароқли ўтган ушбу давра учрашуви асосан ўзбек мухолифатининг шу кунга қадар амалга оширган ишлари ва бундан кейинги амалга оширилиши керак бўлган ишларини муҳокама қилишга бағишланди. Учрашувда иштирок этган ўзбек мухолифатиниг яна бир фидокор вакили Абдуманноп Пўлатов ҳам ўз фикрларини ватандошлари билан ўртоқлашди.
Шу ўринда алоҳида урғу бериб эслатиб ўтишимиз керакки, жаноб Абдураҳим Пўлатов етакчилик қилаётган “Бирлик” партияси ўзбек жамиятининг демократлашуви учун кўплаб тадбирларни амалга оширди ва қисқа вақт давомида йирик мувафақиятларга эришди.
Биз бундан бир муддат муқаддам табаррук 63 ёшни қаршилаган жаноб Абдураҳим Пўлатовни ишларига ривож тилаймиз ва 20 йилдан буён она юртининг, меҳмондўст ҳалқининг фаровонлиги учун жонини фидо айлаётган шундай инсон билан ҳамнафас яшаётганимиздан ғурурланамиз.
“Бирдамлик” ҳаракати ахборот маркази.