Ўзбекистон Республикаси Мустақилликни қўлга киритганига ҳам 17 йилдан ошиб бормоқда. Шу ўтган давр мабайнида Республиканинг ҳар бир вилоят, шаҳар, туман ва қишлоқлари марказида “Мустақиллик майдон” лари ташкил қилинди. Хусусан Бойсун туманинг Ат-Термизий кўчасида ҳам 1995 йил Мустақиллик майдони ташкил қилинган эди. Бироқ “Бойсунда ё зўр яшайди! Ёки шўр яшайди!”-деб бежиз айтилмагани яна бир бора ўз тасдиғини топди ва туманда бир “зўр” чиққиб қолди.
Бу “зўр” Мажид Ҳолиқов бўлиб, бойсунлик фуқароларни Россия давлатига ишга олиб бориб ишлатиш билан шуғилланади.
Ўз ватандошлари бўлган меҳнат муҳожирларини ишлатиб, шу фаолияти ортидан орттирган пулларига Бойсун туманидаги “110 автокорхона”, “Супермаркет”, “Серҳаркат” каби уюшма ва ташкилотларини сотиб олди.
Лекин шуларнинг ўзи билан мол-мулкка бўлган эҳтиёжини қондира олмаган Мажид Ҳолиқов Бойсун туман ҳокими Э.Бойниёзов билан “келишган” ҳолда, туман марказидаги Мустақиллик майдонини ҳам ўз мол-мулки қаторига киритиб олди. Ҳозир бу жойда қурулиш ишлари кетмоқда. 1995 йил катта пуллар эвазига қурилган, Мустақиллик майдонида чирой очиб турган, “Хумо” қуши, ўз жойидан “бадарға” қилиниб, туман кўчаларининг бир чеккасига ўрнатилди. Яна ҳам аниқроқ қилиб айтадиган бўлсак, “Хумо” қуши “Хароб” қушга айлантирилди…
Қурилиш ишлари эса давом этмоқда.
ЗОҲИР АЛЛАМ.
Сурхондарё вилояти.