Бойсун туман С.Айний кўчасида яшовчи фуқаро, 1968 йилда туғилган Ҳолиқов Баҳромнинг ўлик жасадини 2008 йилнинг 15 сентябрь куни Бойсун туман Марказий шифохонасига қарашли бўлган, “Тез ёрдам” қоравулхонасидан топишди.
Баҳром Ҳолиқов тумандаги “Серҳаракат” уюшмасида оддий ишчи бўлиб ишлар эди. Унинг яқин дўсти Эшонқулов Зиёдуллонинг сўзларига қараганда у:
-Мен бир мазза қилайин. Сен автомашиналарни “рейс”га бир тартиб билан қўяйвергин. Мен кўпи билан бир соат ичида қайтиб келаман,-деб туман “тез ёрдам” бўлимининг қоравулхонасига югурганча кириб кетган.
Эшонқулов Зиёдулло:
-Баҳром айтганидек, бир соат ҳам ўтди. Мен бу орада ўзимни ишларим билан машғул бўлдим. Орадан яна икки соатлар ўтди ҳамки, Баҳромдан хабар бўлмади. Шундан сўнг ўзим Баҳромдан хабар олгани борсам, унинг кўзлари очиқ. Чап қўлли “жугут” билан қаттиқ қилиниб боғланган. Ўнг қўлида “шприс” экан. Аввалига Баҳромни ўлик
ҳолатда бўлганини тушунмадим. Тезлик билан “тез ёрдам” бўлмида ишлаётган ҳамшира ва шифокорларни чақиртирдим…
Биз Баҳром Ҳолиқовни ўлик жасадини текширган шифокор Ш.Абдураҳмонов билан ҳам суҳбатлашдик. Суҳбат давомида Ш.Абдураҳмонов бизга қуйдагиларни айтиб берди:
-Мен 15 сентябрь куни “тез ёрдам” бўлмида навбатчилик вазифасини ўтаётгандим. Фуқаро Эшонқулов Зиёдулло илтимос қилганидан сўнг, Баҳром Ҳолиқовнинг ўлик танаси билан чамаси ярим соатлар “кураш”дим. Афсуски, Баҳром Ҳолиқов бир саотлар олдин вафот этган экан.
Барчаси ойдинки Баҳром Ҳолиқов героин моддасини ўз танасига ҳаддан ошиқ кўп миқдорда юборган. Юрак бу “доза”га дош беролмаган. Баҳромнинг танасини бир неча бор кўздан кечириб чиқдик. Танасида “укол” излари жуда кўп экан.
“Мен олдинроқ Баҳромни героин моддасини истеъмол қилганлишини кўп эшитардим. Аммо шу йилларга қадар ҳеч ўз кўзим билан кўрган эмасман. Героиннинг “куч”ига қойил қолдим…”-дейди З.Эшонқулов.
ЗОҲИР АЛЛАМ!
Сурхондарё вилояти.