Хуқуқ ҳимоячиси ва “Бирдамлик харакати” фаоли
 |
|---|
Чунки, Каримовнинг президентлик курсисига учинчи бора зўравонлик билан ўтириб олишининг ўзи жаҳон давлатчилиги кўзи олдида рўй бериб, ҳаммани танг қолдирди.
Унинг ўз халқини газ, электр энергияси билан таъминлашдаги чегаралаш, ун, ёғ ва шакар ва нонларнинг нархларини ошириш билан қийнагани етмагандай, инсон хуқуқ ҳимоячиларининг қамоқдан биттасини бўшатса, эртасига яна уларнинг учтасини қамашдай “эркалиги” чўққисига чиқиб, кетди.
Бундай ўз халқини тирноқча менсимай, унинг минглаб бегуноҳ фарзандларини республика бўйича яна қамашларни бошлаб юборгани, умумжаҳон демократияси деймизми, Бирлашган Миллатлар Ташкилотими, Европа Иттифоқими, боринг ўша Рим ва Гаага Судларига ҳам тупуриб қўядиган шахснинг дунёда бор эканлиги аниқ бўлди ва бундай улуғвор шахснинг эса, Ўзбекистон президенти Ислом Каримов эканлиги жаҳонга намоён бўлди.
Демак харқандай бўлганда ҳам, хозирги замонда фақатгина учта ҳолат юз берганида, бундай воқеанинг рўй бериши мумкин.
Биринчи шартни айтсак, бу оллоҳнинг ирода-ҳоҳиши бўлса, иккинчи ҳолат, коррупциянинг чўққисига чиққан бугунимизда Ўзбекистон президенти Ислом Каримовнинг юртбошилик “тахтини”ни умирбодга сотиб олган мультимиллиардер ва учинчи ҳолатда унинг хақиқатан ҳам кучли сиёсатчи эканлигини тан олишимиз керак бўлади.
Мана сизларга довруғи достон ўша Ғарб ва Шарқингиз демократияси-ю, ва яна керак бўлса БМТнинг Умумжаҳон Инсон Хуқуқларининг Женева Деклерацияси тамойиллари талабларига жавоб бераоладиган Ўзбекистон Давлат Конституцияснинг кучи қаергача етар экан.
Жуда қизиқ, жаҳоннинг барча халқлари қатори мустақил бўлиб, ўзининг ривожланиш йўлини бозор иқтисоди ислоҳотлари билан боғлаб, Ўзбекистонда хуқуқий демократик давлат қуришни режалаган ўзбек халқининг тоат-ибодат ва орзу-армонлари амалга ошмай, тескари натижаларни берди.
Натижаларга келсак, ўша орзу-тилаклар, боридан ҳам кўпайиб, халқнинг кўзича Конституциянинг қарийиб 99 фойиз моддаларини Каримов, ўша конституция тузилган 1992 йилдан бошлаб, қаторлаштириб бузиб келса ҳам, барибир унинг айтгани, айтган ва дегани, деган бўлиб келаётир.
Буларни сиёсатчилар кўп гапириб чарчагандан сўнг, ҳатто бундай шароитларга улар кўникиб қолаётган вақтда, атрофимиздаги эртанги келажак ёшларига эса: “ конституция дегани, бу халқнинг келажакдаги яхши орзу-тилаклари ёзилган эртак китобча,” — деб қўйишга тўғри келаётир!
Бу эса бугунги дунёмизнинг бузилиши ва инсониятнинг қадимдан ва кечагина ўтган оталаримизнинг ҳам одатларига синггиб кетган мантиқнинг Ўзбекистондаги ёниб кул бўлиши эмасми?
Ўлик қайта тирилса, мантиқ бузилади ва бундай бўлиши мумкин эиас, деймиз, аммо оллоҳнинг иродаси билангина мантиқ бузилиб, ўликка жон кирмаса, мантиқ бузилмайди ва хали хеч кимнинг тирилгани ҳам йўқ.
Буларни ўйлаб-ўйлаб Ислом Каримовнинг мантиқни бузаолган қудратига қойил қоламан, унинг ойналаригча қорайтирилган Лимузинларнинг 10 таси олиб юрса, унинг олди ва орқасида 20 машинада қуролланган соқчилари қўриқлаб юришса, бундай кетишда Каримовнинг жонига Азроил ҳам яқинлашаолмаса керак