 |
|---|
 |
|---|
Эрон телевидениесининг чоршанба куни хабар беришича, ракета икки минг чақирим масофадаги нишонни бемалол ура олади.
Бу эса, ракетанинг Исроил ҳудудига қадар етиб бора олишини англатади. Ҳамда у қуруқ саҳродаги полигонда синовдан ўтказилган тўққиз ракетадан биридир.
Синовнинг «Буюк пайғамбар-3» номли тайёргарлик дастури доирасида ўтказилгани айтилмоқда.
«Биз Эрон давлатининг яхлитлигини ҳимоя қилишга ҳозирмиз,»-деб айтган Ислом инқилоби қўриқчилари ҳарбий-ҳаво кучлари қумондони Ҳусайн Саломий.
‘Эрон очиқчасига огоҳлантирмоқда’ми?
Эрон томонидан ўтказилган сўнгги ракета синови Исроил ҳарбийлари яқинда олиб борган ҳарбий машқларга жавоб амали сифатида баҳоланмоқда.
Аввалроқ Исроил ҳарбийлари Эроннинг ядровий иншоатларига қаратилган ҳаво ҳужумларини машқ қилиб кўрганликларига оид хабарлар тарқалганди.
Эрон томонига кўра, синов жараёни бир вақтнинг ўзида ҳам қисқа, ҳам ўрта ва ҳам олис масофга мўлжалланган ракеталарнинг парвозини назарда тутган.
Расмий Теҳрон эса, Исроил томонидан ҳужум остида қолса, қарши ҳужум билан жавоб қайтришини айтиб, таҳдид қилиб келмоқда.
Ислом инқилоб қўриқчилари қумондонининг айтишича, ракеталар исталган манзилни исталган вақтда нишонга олишга ҳозирдир.
Эронлик мулозим мамлакати бу каби ракеталарни катта сонда ишлаб чиқариши мумкинлигини ҳам қистириб ўтган.
Бошқа қумондонлар эса, аллақачон Эрон ҳужумга тутилган тақдирда йирик ҳажмдаги нефть олиб ўтиладиган Ҳормуз бўғозини ёпиш ва Америкаю унинг Форс Кўрфази дохил дунёдаги бошқа иттифоқчиларини нишонга олиш билан пўписа қилиб улгуришган.
Синовдан бир неча соат ўтиб, Америка расмий Теҳронни яна бу каби амалларга қўл уришдан тийилишга ундаган.
Саноати ривожланган саккизлик давлатларининг Япониядаги саммитида чиқарилган баёнотда АҚШ маъмуриятининг билдиришича, синов Бирлашган Миллатлар Хавфсизлик Кенгаши резолюцияларининг бузилишидир.