 |
|---|
Йиллар ўтган сайин нурайберади.
Кимларнинг шакли бу: Сағирми, султон-
Қушларга барибир. Сайрайберади.
Вужуд- ер қаърида. Руҳ қайда сарсон…
Тош кўзин ўргумчак ўрайберади.
Сассиз нидоларни босса ҳам хазон-
Қушларга барибир. Сайрайберади.
Одамлар келади йўқлаб ҳарзамон,
Гоҳ эслаб, гоҳ эснаб жўнайберади.
Ўзи шундай бўлгач аслида инсон-
Қушларга барибир. Сайрайберади.
Уларнинг қабри йўқ. Йўқ сўнгги макон.
Дунёдан кулгандай яйрайберади.
Бу ер ҳайкалзорми ёки қабристон-
Қушларга барибир. Сайрайберади.