 |
|---|
Бу хақда бугун, шоирнинг Ўзбекистондан ташқарида яшаётган рафиқаси Гулнора Отиева, “Исёнкор” сайтига телефон орқали маълум қилди.
“Озодлик ва ББСдаги эшиттиришдан кейин, Миллий Хафсизлик хизмати ходими, бир танишимизга “Юсуф Жума Жаслиққа кетди” деб айтган” дейди Гулнора опа.
Ўз хаётий позицияси учун камоқда азобланаётган шоир Юсуф Жуманинг ахволи нихоятда оғирлиги хақида унинг қариндошлари ва яқинлари гувохлик беришади. Айтишларича, шоирни мисилсиз қийноқларга солишяпти. Унинг қамоққа олинган ўғли Машраб эса қамоқхонадан ғойиб бўлган ва унга нисбатан қидирув эълон қилинган.
Яқинлари Машрабни жисмонан йўқ қилинган деб хисоблашаяпти.
“Хозир Юсуф Жуманинг ахволи хақида аниқроқ билишга харакат қилишимиз керак. Агар у кишини қутқариш бўйича астойдил харакат қилинмаса, камоқхонадан уни тирик чиқаришмайди” деб айтади яна Гулнора Отиева.