“Бирдамлик” ҳаракатининг Жиззах вилоят бўлими раҳбари Саида Қурбонова
 |
|---|
Қозоғистон ғалла экспортини тақиқлаганидан буён Ўзбекистон республикасида оғир аҳвол ҳукм сурмоқда. Ҳамиша Қозоғистон унидан ширмой нонлар пишиб келган ўзбек нонвойининг аҳволи бугун анчайин оғир. Сабаб бугуги кунда деярлик ҳеч ким бозордан нон сотиб олмайди.
Бундай оғир вазият қачонгача сақланиб қолиши номалумлигича қолмоқда. Ҳар ҳолда узоқ чўзилмаслигига умид қиламиз. Қолаверса бугунги айрим вилоятларда ғалла йиғим теримига киришилди. Жумладан Жиззах вилоятининг барча туманларида ҳам.
Бу йил ёғингарчиликни сероб бўламагани Жиззах туманларидаги экин майдонларини эгаллаб ётган ғалла ҳосилига хеч қандай таъсир этмайди. Сабаб ерларнинг аксари суғориладиган ерлар бўлиб, лалми ҳосил олиш имконини берадиган экин майдонлари жуда ҳам камдир.
Умид қиламизки, ғалла йиғим терими якунлаб бориши билан юртимизда ҳукмронлик қилаётган нон маҳсулотлари етишмовчилиги ва узоқ вақт нон олиш учун навбат кутишлар ўз ниҳоясига етади.