АЛИШЕР
2007-йил 6-ноябрь куни Қоракўл туман ИИБ ходими Шухрат Ҳаитобоев шоир Юсуф Жумаевнинг уйига
келиб шоирнинг турмуш ўртоғи Олтиева Гулнорага 2007-йил 6-нояр куниннинг ўзида-ёқ Бухоро вилоят МХХ идорасига бориши такидланган чақирув қоғози бериб кетган.
Чақирув қоғозида чақирилиш сабаблари кўрсатилмаган. Шухрат Ҳаитовнинг айтишича, Олтиева Гулнорага Бухоро вилоят МХХ жиноят иши очилган шу жиноят иш тафсилотлари билан танишиш учун терговчи Ахмедов Отабекка учраши лозимлигини айтган.
Агар Олтиева Гулнорага ўз ихтиёри билан бормаса, куч ишлатиб олиб кетилишидан огоҳлантирилган. Номини айтмасликни сўраб Юсуф Жумага маълумот берган Қоракўл туман ИИБ рахбарларидан бирининг айтишича Олтиева Гулнорага Ўзбекистон рахбарларини ўринсиз танқид қилганликда ва туҳмат қилганликда айблаб ҳамда Ўзбекистон Жиноят Кодексининг 159-моддаси билан жиноят иши очганлар.
Ҳозирги кунда Олтиева Гулнора Ўзбекистон Республикасига ноқонуний номзод бўлган Ислом Каримовни тахтда қолишини сўраб халқ номидан ташкил қилинаётган хатлардаги сохта ва мажбурий имзо қўйдириш ҳоллари бошланиб кетган.
Олтиева Гулноранинг “президентлик сайлови” деб номланмиш саҳна кўринишини амалдорлар истагича “хамирдан қил суғургандек” бундай лаганбардорлик ишларини олиб бораётган порахўр амалдорларга ёқмаяпди шекилли.
Олтиева Гулнора Каримов ҳокимиятга келган пайтдан бошлаб, турмуш ўртоғи Юсуф Жумаев билан биргаликда уни танқид қилиб келаётган эди.
Олтиева Гулнора 2004-йилда Президент Ислом Каримов, Бухоро вилоят хокими Самоиддин Хусенов, Бухоро МХХ раҳбари Геннадий Якубовларнинг истеъфосини ва ёзувчи Мамадали Махмудовнинг озод этилишини талаб қилиб ПИКЕТ ўтказган ва бу пикетда унга юздан ортиқ одамлар қўшилганди.
2007-йил 25-июл куни ўғли Машрабжон Юсуф ҳибсга олинганда ҳам унинг озод қилинишини талаб қилиб пикетлар ўтказганди.
Олтиева Гулнора 2007-йил 19-сентиябр куни шоир Юсуф Жумаевга жиноий иш очилганда, шоирни ўлдириш учун ёлланма қотил ёллашганларида Коракўл туман ҳокими ва Қоракўл туман прокурорига ариза билан мурожаат қилиб, агар оиласига қарши таъқиблар тўхтатилмаса, мингга яқин киши билан “президентлик сайлови” га қадар Президент Ислом Каримов истеъфосини сўраб пикет ўтказишини маълум қилган эди.
Олтиева Гулноранинг сиёсий фаолияти сабабли, ҳозирги кунда унга қарши жиноий иш қўзғатилди.