БАХОДИР ЧОРИЕВ, “Бирдамлик” лидери.
Мени шоир Холдор Вулқонни “Нима қилмоқ керак?” номли мақоласини қизиқиш билан ўқиб чиқдим. Мақолада ўртага сурилаётган мухолифатни бир фракциясини тузиш таклифи бизга маъқул. Бироқ биз мухолифатни бир ғоя атрофида бирлашишига шубҳа билан қараймиз. Агар бу таклифга кўпчилик кўшилса биз ҳам бажонидил қўшиламиз.
Бизни курашимиз фақат демократик тамойилларга асосланган бўлмоғи керак. Бугунги кунда Диний ва Туркий ғояни байроқ қилиб бўлмайди. Сабаблари: Россия ва Хитойни территориясида туркий ва мусулмон халқлари истиқомат қилишади. Бу иккала давлат мана шу ғояни ичкарида кўтарилишидан жуда қаттиқ ташвишдалар. Тасаввур этинг, Ўзбекистон, Исломий ёки миллий давлатга айланди. Бу албатта Россия ва Хитойда яшаётган давлатларга албатта катта таъсир қилади.
Иккинчиси масала, диний давлатчилик Ўзбекистонда яшаб, ишлаётган давлат хавфсизлик ёки Ички Ишлар ходимлари норозилигига қаттиқ дуч келади. Уларни келажаги жуда ташвишли бўлади. Шу сабабдан ҳам улар табийки диний давлатчиликка қарши қаттиқ курашадилар.
Демократик давлатчиликда уларга нисбатан деярли жазоланувчи чоралар кўрилмайди. Нари борса ишидан кетади ва оиласи ҳамда бола чақаларига ҳеч ким тазйиқ ўтказа олмайди.
Қисқаси бугунгу кунда ўзбек мухолифати ва халқи бўғзигача ботқоқликда ботиб ётибди. Ботқоқликда ботиб ётган бошқаларни қутқариш бу ақлсизликдир. Шунинг учун бизни биринчи мақсадимиз ўзимизни ўзимиз бир амаллаб ботқоқликдан чиқариб олайлик.
ФРАКЦИЯ ИШИГА ОМАД!