Эгамназар Шайманов.
“Бирдамлик”фаоли
Бугун Бишкек шаҳрида Алишер Соиповнинг фожеали ўлими юзасидан “Эркин фикрлаш қадри — Алишер Соипов хотираси” мавзусида сиёсий медиа – экспертлари доира столи ташкил этилди. Бунда Алишернинг хаёти ва фаолияти ёдга олинди. Фожеа юзасидан фикрлар билдирилди.
“ У Ўзбекистон ичидаги хаётни яхши биларди.ва ўзбеклар хаётини яхши ёритарди”-дейди Ҳуқуқ ҳимоячиси Азиза Абдурасулова.
“Алишернинг вафоти бизнинг юрагимизни ларзага солди-дейди унинг хамкасби, журналист Лайла Сариалиев-Уни Қирғизистонда – Демократик тамойиллар билан Марказий Осиёда донг таратаётган диёрда ўлдирдилар. Бу эҳтимол, икки қўшни давлат дўстлигига раҳна солиши мумкиндир, лекин барибир ёлланган қотиллик фош этилиши керак!”
Анжуманга тўпланган иштирокчилар, шундан сўнг Бишкекдаги Ички Ишлар Вазирлиги биноси олдида митинг ўтказдилар.Бу ерда мотам рамзи сифатида қўлларига қора боғичлар боғлаган элликка яқин журналист иштирок этди.
“Бизнинг бу тадбирдан мақсадимиз қотилни тутиб жазолаш-дейди тадбир иштирокчиларидан Марат Тукаев,- ИИВ бу ишни охирига етказиши керак”.
Мен ҳам Ўш вилоятида бўлганимда доим ортимдан ўзбек МҲҲ ходимлари кузатишарди-дейди “озодлик” радиоси мухбири Элмурод Юсуфалиев, ўзбек органларининг Қирғизистондаги ҳаракати бизни ҳам хавотирга солади.
Тадбир иштирокчилари мотам рамзи — қора боғичларни ИИВ биноси панжараларида қолдирдилар.
Икки хафта бўлди, Андижон воқеаси иштирокчиси бўлган бир юртдошимизни номаълум шахслар тортқилаб колибди. Бу ерда зохир булган бошқа юртдошларнинг сайхаракатлари туфайли уни олиб кетиша олмаганлар. Олдинги куни яна бир қочқинимизни давлат рақамисиз машинада олиб кетишга уриниш бўлган. Хотини, бола чакалари «дод» деб ёпишишгач, илож қила олмай, қочкинни роса калтаклашиб кетганлар. Юзи таниб бўлмас даражада момоталоқ бўлиб кетган. Уни бир неча халқаро ташкилотга олиб бориб, энди қайтгандим, Алишернинг вафоти хақидаги хабар келди.
Ўзбекистонда «жабр» кўриб, бугунги кунда АҚШдан бошпана топиб, фаровонликка эришган ҳамшаҳарим Алишернинг «СНБ ходими» эканлиги ҳакда гапирганида, очиғи ҳамшаҳарнинг ўзи шубҳалироқ эканлиги боис, Алишерга кўпроқ ишончим ошганди. Алишер билан икки бор учрашдик. Бирида у мени, иккинчисида мен уни саволларга тутдик. «Орқамда кузатув бор»-деганди Алишер сўнгги учрашувни ора йўлда қолдириб.
«Сиёсат» газетаси нашр этилганидан сўнг ўзбек хукумати унга нигоҳини тикди. Бир қанча ҳукумат нашрларида у танқид остига олинди. Шу ғараз нигох унинг хаётига нуқта қўйди,-дейман мен. Алишерни ўзбек ҳукумати ўлдирди!!!
Ўлимидан уч кун бурун ҳам, ундан олдин ҳам ўзбек ҳукумати сайтлари, теле-радио матбуоти Алишер Соиповни танқид қилгандилар. Асосий мақолалар авторлари – Ўш вилояти турғунлари. Бу холат бизга таниш, – ўзбек ҳукумати ўз принсипига қарши чиққанларга карши пул ишлатиб, кимларнидир сайратиб» қўйишади.
Алишернинг ўлимига, у таъсис этган «Сиёсат» газетаси сабаб эканлиги аниқ. Ўзбек ҳукумати соф ўзбек тилида чиқаётган энг хур овоз бу газетанинг Ўзбекистонни оралаб кетишидан қаттиқ қўрқди. Алишер ташкил этган бу газета ўзбек халқи тақдиридаги энг демократик газетадир!
«Сиёсат» газетасининг бундан кейинги сонларини ҳам, худди Алишер чоп этганчалик қилиб чиқарамиз! Алишернинг иши ўлмайди»!- дейди газета мухаририяти аъзолари.
Балки қўлингизга Алишер мухаррилигидаги “Сиёсат” газетаси етиб бормагандир. “Ситёсат”нинг бугунгача 27 та сони босмадан чиқди ва қўлма-қўл бўлиб кетди. Эҳтимол, бу газета Ўзбекистонни ҳам оралаб улгиргандир.
Азиз сафдошлар, Сиз ушбу газетани ўқиб кўрсангиз, кечаги фожеа ҳақда кўп нарсани ойдилаштириб оласиз.
“Алишер” мухаррирлик қилган газета сайти:
http://siyosat.uzbek.kg/