Абдулла Искандар
Ўзбекистонда таниқли инсон ҳуқуқлари ҳимоячиси, айни пайтда қамоқда сақланаётган Мўътабар Тожибоева қамоқхонадан яна бир мактуб чиқарди. Хатда у қамоқхонанинг жазо ҳужрасида чеккан азобларни тасвирлаган ва ўзига зулм ўтказаётган шахсларни бирма-бир санаб ўтган.
М.Тожибоеванинг қамоқхонадан 8 октябр куни чиқарган мактуби унинг укаси Расул Тожибоев қўлига келиб тушган.
“Мактубни ким олиб келиб бергани сир бўлса ҳам, мактубнинг мазмуни сир эмас.», – дейди Расул Тожибоев .
Унинг сўзларига кўра, М.Тожибоева ўзига ўлим таҳдид қилаëтганидан ташвиш билдирган.
“ Мени қамоқхонанинг жазо ҳужрасига қамаб қўйишди. Ҳужрага арқон ташлаб қўйишди. Қани эди Мўътабарҳон жонидан тўйиб ўзини осса деган маънода.»
Яқинда Мўътабарҳон ëтган қамоқхонага кириб унинг ҳолидан ҳабар олдим дейди Расул Тожибоев :
«Соғлиги жуда ëмон эди. Тинмай йўталар эди. Юзлари шишиб кетган эди. Қамоқда опамга тиббий ëрдам кўрсатилмаяпти.
Агар ташқаридан менга ëрдам қилинмаса, қамоқхонада мени ўлдириб юборишмоқчи¸ деди менга.»
М.Тожибоева имзоси билан чиққан бу мактубда қамоқхонанинг унга қийноқлар қўллаётган нозирлар уни давомий равишда таҳқирлаëтганини ëзган.
«Опам қийноқларга дуч қилинганидан сўнг тиббий текширув ўтказилишини талаб қилди. Уни қийнаб калтаклаган қамоқхона нозирлари эса етти ойдан кейин экспертиза ўтказамиз деб калака қилишган.»
дейди Расул Тожибоев.
Мўтабар Тожибоева бундан уч ой олдин ҳам қамоқдан мактуб чиқарган эди. Бу мактуб жамоатчиликка маълум бўлгач Тожибоеваинг аҳволи бир оз бўлса ҳам яҳшиланди дейди Расул Тожибоев
«Ўшандан кейин Мўътабар Тожибоева олдига яқинларига киришга руҳсат берилди. Озиқ овқатлар киритилишига изн бўлди.»
Марғилон шаҳрида тузилган “Ўтюраклар клуби” норасмий инсон ҳуқуқлари ташкилоти раҳбари М.Тожибоева тақдири билан Ўзбекистондаги АҚШ ва Германия элчихонаси ҳам қизиқмоқда дейди Расул Тожибоев
«Яқинда АҚШнинг Тошкентдаги элчихонасида бўлиб опам Мўътабарнинг аҳволи ҳақида батафсил гапириб бердим. Германия элчихонаси вакиллари Мўътабар опам ëтган қамоқхонага боришга хозирланмоқда.»
Марғилон шаҳрида тузилган “Ўтюраклар клуби” норасмий инсон ҳуқуқлари ташкилоти раҳбари М.Тожибоева 2005 йилнинг 8 октябрида инсон ҳуқуқлари ҳимоячиларининг Ирландияда бўладиган йиғилишига кетиш олдидан ҳибсга олинганди.
2006 йилнинг 6 мартида Тошкент вилоятининг Ўртачирчиқ туманида бўлиб ўтган суд қарори билан Нобель мукофоти номинанти М.Тожибоева 8 йилга озодликдан маҳрум этилган.
Халқаро инсон ҳуқуқлари ташкилотлари М.Тожибоевани сиëсий қарашлари учун қамоққа ташланган виждон асираси сифатида дарҳол озод этилишини талаб қилиб келмоқда.