Дилором Бирдамлик Ҳаракати фаоли
Отам қарияпти кўзим ўнгида
Онам қарияпти кўзим ўнгида
Қарияпти ўзим, нигоҳим, кўзим
Қариб бораяпти иштиёқ, тўзим
Бир жон қарияпти кўзим ўнгида
Тарих-эски лашкар, вақт-кекса аскар
Дунё-таманноли қари жодугар
Коинот-мўйсафид дахо кимёгар
Барча аввал-охир, бор-йўқ галма-гал
Замон қарияпти кўзим ўнгида
Кун қариганин кўр, шафаққа қара
Тун қариб бормоқда, уфқ бокира
Сафарлар қариди иззатга кўра
Авайлаб йиғганим ширин хотира
Чунон қарияпти кўзим ўнгида
Айтган, айтилганлар, эшитилганлар
Кўрган кўринганлар, кўрсатилганлар
Ўхшаб-ўхшамаган, ўхшатилганлар
Билганлар, билмаган, ўргатилганлар
Ёмон қарияпти кўзим ўнгида
05.05.07 /1-51
* * *
Эй ҳиммат камари,
Чекил нари
Майли кўкка етолмасам
Дуокаш қўллари бошидан баланд
Наҳотки шу майсачалик бўлолмасам
Гарчи эҳсон-хазина,
Қўл чўзмасман
Берганингдан ортиқмас ҳаққим
Қулман тайин, бандаман шаксиз
Мен тиланчи эмасман, Раббим.
07.05.07 /2-45