Эгамназар Шайманов. «Бирдамлик” ҳаракати учун.
Шу йил апрел ойидаги митингдан сўнг бетин таъқибларда қолган Қирғиз мухолифатининг “Қанжар” ёшлар қаноти лидери Адилет Айтиқев ўз Ватанини тарк этди.
Эслатиб ўтамиз, собиқ пример министр Фелекс Кулов ташкилотчилигидаги “Қирғизистон фаровон келажаги учун” ва “Реформа учун!” ҳаракати томонидан уюштирилган митинг, 19 апрелга келиб, “оммавий тартибсизлик” келтириб чиқарган, деб топилиб, намойиш бостирилган, мухолифатнинг ўнлаб аъзолари устидан жиноий иш очилган эди. Бир қанча мухолифатчилар, шу жумладан Адилет Айтиқев ҳам Миллий Ҳавфсизлик изоляторида ҳибсда тутилган. 19 апрел воқеаларини таҳлил қилган “Қилим шаъми” ҳуқуқни ҳимоя қилувчи ташкиорти рахбари Азиза Абдрасулованинг таъкидича, бу ҳеч қандай оммавий тартибсизлик эмас.
Шунга қарамай, ҳибс этилган митинг иштирокчиларига ҚР ЖКсининг 233 (оммавий тартибсизлик) моддаси бўйича жиноят ишлари очилиб, “Қирғизистон фаровон келажаги учун” бирлашган жамиятининг “Қанжар” ёшлар қаноти лидери Адилет Айтиқов тўғридан-тўғри 2 ойлик қамоқ жазосига ҳукм қилинганди.
Адилетни ҚМҲХнинг 20-комерасига олиб бориб қамашганлар. Терговчилар ўта қўпол муомалада бўлганлар. “Сени ойна олдига осамиз! Одамларга эса “ўзини ўлдирди” деб тушинтирамиз”-дейишган. МҲТдан мен бундай маомала ва ҳаракатларни кутмагандим. Бу—биз учун жуда шармандали”-деган Адилет «24.kg» Информацион Агентлигининг матбуот анжуманида.
Адилет Айтиқев қўбизчи-бахши ҳамдир. “Гражданлар коррупцияга қарши” ҳуқуқни ҳимоя қилиш ташкилоти директори Толекан Исмоиловага кўра, Адилет икки йиллар бурун байрам чиқишида қўбиз чертиб айтган ўланида Қурманбек Бақиевни нишонга олган. “Энди эса бахши йигит унинг хукумати томонидан репрессияга учраяпти”-дейди ҳақиқатчи аёл.
“Алал оқибат мен ўз Ватанимни тарк этишга мажберман»-дейди Адилет биз билан суҳбатда, олис мамлакатнинг биридаги қочқинлар идорасига хужжатларимни топширдим”.
“Ватанни тарк этиш жуда оғир, айниқса инқилоб амалга ошган диёрни тарк этиш”-деди Адилет хўрсинганча менга қараб—Сизларга оғир бўлганини шу дақиқаларда ҳис қилаяпман”.
Адилетнинг Бишкекдаги сўнгги куни эди. У даврадагиларга ўз ўланларидан айтиб берди. Унинг овозида мунг бор эди. Бу мунгда Ватанни тарк этиш хасратлари зоҳир эди…
Биз қардошларимиздан инқилоб ва демократия борасида ўрнак олсак арзийди. Осиёда ўз инқилоби билан деморатик тамойилларнинг кашшофи бўлган қардошларимизга ҳавасимиз келган бир пайтда юқоридаги воқеа жуда кўнгилсиздир ва кишини ҳайратда қолдиради…