
Ўзбекистон ичкарисида ишлаш, айниқса сиёсий мухолифат учун, ҳорижда жойлашган ташкилотлар туҳмати эмас, балки хурмати ва қўллаб қувватлашига лойиқдир, дейишади Тошкентдаги ҳуқуқ ҳимоячилари.
Тошкентдаги ҳуқуқ ҳимоячиси Шуҳрат Рустамовнинг сўзларига кўра, уни Марказий Осиёдаги инсон ҳуқуқлари ассоциацияси раиси Надежда Атаеванинг тарқатган туҳматга узр келтиришга билдирган жавоби ғазаблантирган.
Журналист ва мухолифатдаги “Бирдамлик” вакили Малоҳат Эшонқулова гўёки касал эмас, балки кўзбўямачилик қилмоқда, деган ўз туҳматли билдиришини Атаева хануз асослай олмайди, бироқ касал одамдан исбот талаб қилмоқда.
Атаеванинг ўз баёнотида келтирган баҳоналарини, Рустамов “маҳмаданалик” дея атайди.
Масалан, Атаева, кўпчилик ўзбекистонликларнинг моддий аҳволи уларнинг мамлакат ичкарисидаги нуфузли шифохоналарда даволана олишларига имкон бермаслигини гўёки билмасдан, – нима учун у Қозоғистон ёки Россияга бориб даволанмайди дея писанда қилади.
Надежда Атаева – туҳмат эмас, ҳамдардликка лойиқлигингни исботла 16.05.14
Малоҳат Эшонқулованинг соғлиғи ҳали ҳам яхши эмас 30.04.14
Ўзбекистонда «Бирдамлик» аъзоларини ҳатто онлайн-анжуманга ҳам қўйишмади 28.04.14
Малохат Эшонқулова Самарқандда даволанмоқда 16.04.14
“Бирдамлик”нинг АҚШдаги қурултойи – Ўзбекистондан ким боради? 14.04.14
Америка дипломатлари Эшонқуловага ёрдамни рад этишди 04.04.14
Рустамов, пул йўқлигидан ташқари, Малоҳат ўтган йилги Қаршида ўтказилган пикет учун улкан жаримани тўлаши керак. Ва жарима тўланмагани боис уни чегарачилар Ўзбекистон ташқарисига чиқаришмайди.
Атаеванинг “Сафо Тиббиёт” клиникасида “ҳатто паспортни кўрсатиш шарт эмас” деган иддаоси ҳуқуқ ҳимоячилари ғашини келтиради.
Ҳуқуқ ҳимоячилари ва Малоҳатнинг дўстлари бу клиникага ёрдам сўраб мурожаат этишган, бироқ у ерда агар заҳарланганлик ҳақида шубҳа бўлса, туман поликлиникасидан йўлланма лозимлигини айтишган.
Бу поликлиникага эса Малохат мутлақо боришни истамайди ва шунинг учун ҳам у тиббий ёрдам учун элчихонага мурожаат қилган.
«Туя эмаслигингиз ҳақида маълумотнома келтиринг»
«Атаева Малоҳатнинг заҳарланганига исбот талаб қилмоқда, бироқ бу Ўзбекистон, бу ерда қандайдир далил исботларни йиғиш мушкул», – дейди Ўзбекистон Ҳуқуқ ҳимоя альянси (ЎҲА) лидери Елена Урлаева.
Унинг фикрича, агар ҳатто ҳукумат учун исталмаган одам заҳарланганини шифокорлар аниқлаган тақдирда ҳам, барибир расмий ҳужжатларда ҳукумат учун сал “маъқул” бўлган ташхисни ёзишади.
Атаеванинг тиббий ҳулоса тақдим қилиш талаби, ЎҲА фаолларининг айниқса саволларига сабаб бўлмоқда.
«Маълумотнома беринг – кейин ишонамиз ва туҳматни бас қиламиз», ёки Атаеванинг сўзини қандай талқин қилиш керак?»
Бундан ташқари, ҳуқуқ ҳимоячилари “заҳарланган” деган гап – бор йўғи версия, таҳмин, бироқ бу ерда Малоҳатнинг касаллиги ва унинг мустақил клиникадан профессионал консультация олиш истаги бўлиб турибди.
Шунчаки инсофли одамлар қарши…
Ўзбекистондаги ҳуқуқ ҳимоячиларини, Атаеванинг минглаб чақирим узоқда ўтириб, вазиятни реал ўрганмай туриб Ўзбекистонда ким кўзбўямачилик қилаяпти, ким ҳақиқат тарафида эканини ҳал қилиш мажбуриятини олаётганидан ғазабда.
«Киноя, қабиҳ инсинуациялар – ва бунинг бари оғир касал, ҳукумат томонидан таъқиб қилинаётган аёлга қарши? Тағин Европада соя салқинда ўтирган одамлар томонидан?» – дея ҳасрат қилади ҳуқуқ ҳимоячиси Татьяна Довлатова.
Малоҳат Эшонқулованинг ўзи ҳозир ўта оғир аҳволда.
«Менинг табиблардан умидим кам, менга чиндан ҳам анъанавий тиббий ёрдам зарур», – дейди у.
Бироқ маҳаллий шифокорларга мурожаат қилишни илгаригидек истамайди – қаттиқ қўрқади, нотўғри даволашади ва ўлдиришади деб.
Эшонқулова аллақачон, Атаеванинг ассоциациясининг балчиққа чаплашидан толиққан. Бироқ ҳақорат ва туҳматларни эшитиб ўтиравермоқчи ҳам эмас.
«Даволанганимдан сўнг, мен албатта Надежда Атаева ва унинг отаси ҳақида ҳужжатли филм тайёрлайман», – дейди Эшонқулова.
Ҳуқуқ ҳимоячиларининг сўзларига кўра, Надежда Атаева, Ўзбекистондалиги пайтида, отаси рахбарлик қилган давлат “Ўзнонмаҳсулот” давлат корпорациясидан буюртма олувчи ҳусусий ширкатга рахбарлик қилиб ҳуқуқ ҳимоя фаолияти билан шуғулланиш ҳақида ўйламаган ҳам.
Uznews.net