Елена Урлаева, Ўзбекистон Ҳуқуқ ҳимоя Альянси лидери. Фото: Uznews.net

Ўзбекистон ҳуқуқ ҳимоя альянси раҳбари Елена Урлаева шифохонадан чиққанидан сўнг хануз ўзига келгани йўқ.

Яқинда Урлаевани кўришга борган ҳуқуқ ҳимоячилари, унинг соғлиғидан жуда ташвишга тушишган.

«Биз Еленани йўқотаяпмиз…»

«У зўрға ҳаракатланади, ҳатто гаплашиши ҳам қийинлашган», – дейди ўз таассуротлари ҳақида ҳуқуқ ҳимоячиси Шуҳрат Рустамов.

Елена илгариги энергиясини йўқотган, тез чарчаб қолади, вақтининг кўпини тўшакда ўтказади ва “карахт ҳолда” бўлади.

Рустамовнинг фикрича, бундай ҳолатнинг сабаби – шифокорларнинг Урлаевага зўрлаб урган кучли психотроп препаратларидир.

«Агар шундай давом этса, биз Еленани йўқотамиз», – дейди Рустамов.

«Узоқ таъсирли» уколлар

Uznews.net мухбири билан телефон орқали суҳбатидан Урлаева аниқ ва лўнда, бироқ ўта чарчаган овоз билан жавоб берди.

У апрелнинг бошларида шифохонадан чиққанидан буён ўзини жуда ёмон ҳис қилаётганини, заифлик сезаётганини тасдиқлаган.

Унга ойда бир марта қандайдир психотроп препаратни уришади, бироқ бу – «узоқ таъсирли».

Урлаева бу процедурага қаршилик кўрсатишдан ожиз, мажбурий уколларни, «мажбурий даволаш ҳақидаги суд қарори билан изоҳлашади».

Еленанинг эътироф этишича, соғлиғи туфайли ҳуқуқ ҳимояси ишида фаол бўладиган аҳволда эмас.

Сирли хасталик

Лидер Урлаеванинг бугунги аҳволи ўта сирли.

23 феврал куни ЎҲА лидери ноодатий уйқучан бўлиб қолди, уни уйғотишга ҳаракат қилган яқинлари, ташвишланиб «тез ёрдам» чақиришди.

«Тез ёрдам» Урлаевани Тошкент руҳий касалликлар шифохонасига олиб борди, бу ерда у уйғонмасдан бир неча кун қолди.

Урлаеванинг онаси Вера Евстигнеева бунда Еленанинг барча янги, номаълум дўстларини айблади, улар қизига эзотерик адабиётлар беришган ва фараз қилишича, «унга нимадир ичиришган».

Урлаеванинг ўзи, уйқудан уйғонгач, уни зиёрат қилган журналистларга, ўз ғалати аҳволида иккита сабабни кўришини – сўнгги пайтларда унинг олдига келган “ғалати одамлар”нинг унга қаттиқ таъсири ёки гипнозини.

ЎҲА лидери, ўзига келгач, «батафсил вазиятни таҳлил қила бошлаган», бироқ, афтидан тўла ўзига келолмаган.

Ҳуқуқ ҳимоячиларида саволлар бор

Ҳуқуқ ҳимоячиларининг айтишича, одатда Урлаевани, унинг ҳуқуқ ҳимоясидаги фаолияти туфайли «жиннихона»га яширишганида, психотроп уколлар қилинишидан ўзини сақлаган, у тўла кучга ва энергияга эгалигича қолган.

Бу сафар шифокорлар ЎҲА лидерини укол қилиб бир аҳволга келтиришганки, у ҳатто уларга ёзма тарзда миннатдорлик хати ҳам ёзиб берган.

Айни пайтда шифокорлар Урлаеванинг шифохонада экани, у ерга уни замбилда олиб боришганини тан олишмаган ва эҳтимол унинг уйқучанлиги ҳорғинлик туфайли келиб чиққандир.

Ҳуқуқ ҳимоячисида бу юзадан қатор саволлар пайдо бўлмоқда.

Ўзини ўта сокин ва тинч тутган, чарчаган одамга, психотроп моддалар уриш мумкинми? Суд қарори билан Урлаевани шифохонада бир ой қолдириш нимага керак бўлди?

ЎҲА лидери шифохонадан чиққанидан сўнг, унга психотроп моддалар уришнинг нима кераги бор?

«Реабилитация учун ҳорижга кетиш керак»

Рустамовнинг фикрича, ҳукумат айни тарзда Урлаеванинг апрелда “Бирдамлик” мухолифат ҳаракатининг қурултойида иштирок этиш учун АҚШга кетишини исташмаган, бу ерга у фаҳрий меҳмон сифатида таклиф этилган эди.

Бир вақтнинг ўзида кўп йиллардан буён фаол тарзда, Ўзбекистондаги инсон ҳуқуқлари бузилишларини очиқлаб, қўрқмасдан пикетларга чиқиб келган ЎҲА лидерини ҳуқуқ ҳимояси фаолиятидан «четлатиш» ҳам кўзланган.

Айни шундай мисол ўрнида Рустамов “Бирдамлик”нинг Ўзбекистондаги рахбари Малоҳат Эшонқулова воқеасини келтиради, уни фаол сиёсий саҳнадан кетказиш учун заҳарлашган, дея ҳисоблайди.

Ҳозир Эшонқулова шу қадар ориқлаганки, «гугурт чўпига ўхшаб қолган», ва соғлиғининг тикланишига ишонмаяпти.

Ҳуқуқ ҳимоячисининг фикрича, агар Эшонқуловада Самарқандда, халқ табиблари қўлида даволаниш имкони бўлса, суд томонидан мажбурий уколларга ”ҳукм этилган” Урлаева бундан имкониятдан маҳрум.

«Елена зудлик билан шароитини ўзгартириши ва ҳорижга реабилитацион даволаниш учун жўнатилиши лозим», – дейди Рустамов.

Uznews.net