“Бирдамлик”нинг атрофида бирлашайлик!

Юрт тақдири учун дадил одимлайлик,

Ҳақ-ҳуқуқи поймол бўлган юртдошларим!

“Бирдамлик”нинг атрофида бирлашайлик,

Ҳақнинг қарор топиши-чун элдошларим!

Барҳам топсин десангиз гар қоғозбозлик,

Сохта ваъда, мулозамат ва такаллуф.

“Бирдамлик”нинг атрофида бирлашайлик,

Токи, яккаҳоким бўлсин халқдан мағлуб!

Сўнгсиз азоб, густоҳларга чек қўяйлик,

Инсон эрки, манфаатлари топталмасин.

“Бирдамлик”нинг атрофида бирлашайлик,

Она-диёр шаъни, номи булғанмасин!

Ёруғ кунга ёруғ юз-ла етишайлик,

Халқ ғалаба нашидасин қучсин эмин.

“Бирдамлик”нинг аторфида бирлашайлик,

Турмушимиз фаровону бўлсин эркин.

“Бирдамлик”нинг атрофида бирлашайлик!

Бир ёқадан бош чиқариб курашайлик!

Асил ЭЛЎҒЛИ