АНА ХАЛОС!: Жиззахлик суд ижрочилари қутириб кетишганмиш: 10 ёшли қизчанинг қўлини қайириб, уй калитини олиб, қўрқитиб, бехуш қилганмиш-у. уйни ўмарганмиш! Қизча касалхонага тушиб қолганмиш. Буни кўрган прокуратура кўрмасликка олаётганмиш.
Аввал хабар берганимиздек, 2013 йил 13-декабр куни Суд ижрочилари департаменти Жиззах вилояти Мирзачўл тумани бўлинмаси ходимлари Гагарин шаҳри, Ғалаба Маҳалалси, Қамарова кўчаси, 34-уй, 12-хонадонда яшовчи «Норали» фермер хўжалиги раиси Кўчаров Улугбек ва унинг хотини уйда йўқлигидан фойдаланиб, уйида колган 10 ёшли қизчаси Кўчарова Сабринанинг қўлидан куч ишлатиш йўли билан уй калитларини тортиб олишиб, бостириб киришади.
Қўрқувдан тилсиз бўлиб қолган қизча хушидан кетади ва фермернинг қўшниси Усмонова Роҳила қизчани тез тиббий ёрдам машинасини чақриб касалхонага олиб боради.
Ижрочилар фермернинг хотининга тегишли бўлган 1 минг 600 АҚШ долларини, тилло тақинчоқларини ва бошқа уй буюмларини олиб чиқиб кетишади.
Бу ҳақда фермер Мирзачўл тумани прокуратурасига ўз вақтида мурожаат қилган. Лекин натижаси бўлмаган.
Фермернинг ери 2010 йил оптимизацияга тушиб, тумандаги бошқа «Бахтиёр Абдусаматов» фермер хўжалигига ўтиб кетган. Лекин ОАТБ Мирзачўл тумани агробанкининг кредит бўлими ходимлари давлат эҳтиёжлари учун харид қилинадиган пахта хом ашёси ва ғалла етиштириш учун кредитлар ажратиш тартиби талабларини бузишиб, фермернинг ери бошқа фермер хўжалигига кушиб берилаётганлигини била туриб, унинг розилигисиз юқоридан келган оғзаки топшириққа асосан мажбурий тартибда бўш бланкага муҳрини бостиртириб фалсификация йўли билан маблағни ўтказиб юборишган.
Натижада фермернинг гарданига 16 000 000 сўмлик қарз илиб қўйилган.
Орадан 3 йил ўтиб банк фермерни судга беряпти. Ҳозирги кунда фермер уй жиҳозларидан айрилиб хонавайрон бўлиб, уйидан олиб кетилган моддий бойликларини қайтариб олиш мақсадида ҳуқуқни муҳофаза этувчи орган ваклилари идорасида сарғайиб нажот кутмоқда.
2014 йил январь.
Жабрланувчиларнинг ва гувоҳни овозли интервьюси