| Оврўпо парламенти Марказий Осиёга нисбатан янги стратегия лойиҳасини эълон қилган. Лойиҳада иттифоқ Марказий Осиё давлатлари билан муносабатларда авваламбор демократия ва инсон ҳуқуқлари масалаларига урғу бериши лозимлиги таъкидланади. |
Келгуси ҳафтада эса Оврўпо Иттифоқининг Андижон воқеаларидан сўнг Ўзбекистонга қарши киритилган жазо чораларини кўриб чиқиши кутилмоқда.
Британияда чоп этиладиган «Экономист» ҳафталиги Оврўпо Иттифоқининг зулмкор режимларга нисбатан сиёсатини таҳлил қилувчи мақола чоп этган.
«Экономист»нинг ёзишича, агарда Оврўпо золим раҳбарларга қарши стратегия ишлаб чиқмоқчи бўлса, ҳозир бунинг учун энг қулай вақтдир.
Американинг куч нуқтаи назаридан режимларни ўзгартириш сиёсати кўп самара бергани йўқ, деб ёзади ҳафтанома.
Келгуси ҳафта Оврўпо Иттифоқи Зимбабве, Эрон, Бирма ва Ўзбекистондаги вазиятни кўриб чиқишини эслатиб ўтган «Экономист», иттифоқ тинчлик, демократия ва фаровонликни тарғиб қилиш каби хаёлий мақсадлардан амалий сиёсатга ўтиш белгиларини намоён қилаётганлигини тахмин қилади.
Айни вақтда Оврўпо Ўзбекистон каби табиий заҳираларга бой мамлакатлар билан борди-келдисида ҳамиша ҳам бир ёқадан бош чиқармайди, деб ёзилади мақолада.
Оврўпо Иттифоқи йиғилишларида саҳна ортида рўй бериши эҳтимоли бўлган сўзлашувлар ҳам келтирилган «Экономист»да.
Масалан, бир мамлакат вакили «бизнинг жазо чораларимизнинг умуман кучи йўқ, бирон нарсага тиши ўтмайди», деб нолиса, бошқаси «ҳа, бу диктатор ваҳший эканлигини биламиз, лекин биз иш юритаётган анави бошқа диктатордан кўпда фарқ қилмайди-ку», дея жазо чораларини умуман савол остига олади.
Яна бири эса «янги жазо чораларини киртиш ва ё-да минтақадан чиқиб кетиш умуман фойдасиз. Хитой, Ҳиндистон, ё ана боринг Россия қачон биз ўринни бўшатишимизни кутиб туришибди», дея башорат қилади», деб ёзади ҳафталик.
«Экономист»нинг ёзишича, аксар Оврўпо давлатлари кўпда айтган гапларининг устида турмасликларини тан олишдан ҳам бош олиб қочадилар.
Бирор бир диктатор ўта ғалати бўлса ҳам у билан иш юритишимиз керак, деган қарорга келишдан беш дақиқа ўтмасдан, дипломаталр Оврўпо Иттифоқи билан музокаралар бошлаш учун инсон ҳуқуқлари соҳасидаги ижобий ўзгаришларни гўёки пайқай бошлайдилар.
Масалан, кузатувчилар Олмониянинг Ўзбекистонга нисбатан жазо чораларини юмшатиш томон ҳаракатлари ортида энергетика ва стратегик мақсадлар ётишини айтишса, Ўзбекистон билан диалогга киришиш тарафдорлари мамлакатда ижобий ўзгаришларни кўраётганликларини айтишади.
Ижобий ўзгариш сифатида эса балки Андижондаги ҳодисалар ҳақида маълумот берган ва кейинчалик қамоқ жазосига ҳукм қилинган Гулбаҳор Тўраеванинг озод қилиниши назарда тутилгандир, дея тахмин қилади «Экономист».
Американинг ҳозирда жаҳон муаммоларини ечишда қўли-қўлига тегмай қолган экан, тазйиқкор режимлар билан иш юритиш каби вазифа бир оз бўшаб қолган.
Ҳозирда туғилаётган савол эса Оврўпо Иттифоқи ана шу вазифани эгаллай оладими йўқлигида, дея савол қўяди «Экономист».
Лойиҳада иттифоқ Марказий Осиё давлатлари билан муносабатларда авваламбор демократия ва инсон ҳуқуқлари масалаларига урғу бериши лозимлиги таъкидланади.
Келгуси ҳафтада эса Оврўпо Иттифоқининг Андижон воқеаларидан сўнг Ўзбекистонга қарши киритилган жазо чораларини кўриб чиқиши кутилмоқда.
Британияда чоп этиладиган «Экономист» ҳафталиги Оврўпо Иттифоқининг зулмкор режимларга нисбатан сиёсатини таҳлил қилувчи мақола чоп этган.
«Экономист»нинг ёзишича, агарда Оврўпо золим раҳбарларга қарши стратегия ишлаб чиқмоқчи бўлса, ҳозир бунинг учун энг қулай вақтдир.
Американинг куч нуқтаи назаридан режимларни ўзгартириш сиёсати кўп самара бергани йўқ, деб ёзади ҳафтанома.
Келгуси ҳафта Оврўпо Иттифоқи Зимбабве, Эрон, Бирма ва Ўзбекистондаги вазиятни кўриб чиқишини эслатиб ўтган «Экономист», иттифоқ тинчлик, демократия ва фаровонликни тарғиб қилиш каби хаёлий мақсадлардан амалий сиёсатга ўтиш белгиларини намоён қилаётганлигини тахмин қилади.
Айни вақтда Оврўпо Ўзбекистон каби табиий заҳираларга бой мамлакатлар билан борди-келдисида ҳамиша ҳам бир ёқадан бош чиқармайди, деб ёзилади мақолада.
Оврўпо Иттифоқи йиғилишларида саҳна ортида рўй бериши эҳтимоли бўлган сўзлашувлар ҳам келтирилган «Экономист»да.
Масалан, бир мамлакат вакили «бизнинг жазо чораларимизнинг умуман кучи йўқ, бирон нарсага тиши ўтмайди», деб нолиса, бошқаси «ҳа, бу диктатор ваҳший эканлигини биламиз, лекин биз иш юритаётган анави бошқа диктатордан кўпда фарқ қилмайди-ку», дея жазо чораларини умуман савол остига олади.
Яна бири эса «янги жазо чораларини киртиш ва ё-да минтақадан чиқиб кетиш умуман фойдасиз. Хитой, Ҳиндистон, ё ана боринг Россия қачон биз ўринни бўшатишимизни кутиб туришибди», дея башорат қилади», деб ёзади ҳафталик.
«Экономист»нинг ёзишича, аксар Оврўпо давлатлари кўпда айтган гапларининг устида турмасликларини тан олишдан ҳам бош олиб қочадилар.
Бирор бир диктатор ўта ғалати бўлса ҳам у билан иш юритишимиз керак, деган қарорга келишдан беш дақиқа ўтмасдан, дипломаталр Оврўпо Иттифоқи билан музокаралар бошлаш учун инсон ҳуқуқлари соҳасидаги ижобий ўзгаришларни гўёки пайқай бошлайдилар.
Масалан, кузатувчилар Олмониянинг Ўзбекистонга нисбатан жазо чораларини юмшатиш томон ҳаракатлари ортида энергетика ва стратегик мақсадлар ётишини айтишса, Ўзбекистон билан диалогга киришиш тарафдорлари мамлакатда ижобий ўзгаришларни кўраётганликларини айтишади.
Ижобий ўзгариш сифатида эса балки Андижондаги ҳодисалар ҳақида маълумот берган ва кейинчалик қамоқ жазосига ҳукм қилинган Гулбаҳор Тўраеванинг озод қилиниши назарда тутилгандир, дея тахмин қилади «Экономист».
Американинг ҳозирда жаҳон муаммоларини ечишда қўли-қўлига тегмай қолган экан, тазйиқкор режимлар билан иш юритиш каби вазифа бир оз бўшаб қолган.
Ҳозирда туғилаётган савол эса Оврўпо Иттифоқи ана шу вазифани эгаллай оладими йўқлигида, дея савол қўяди «Экономист».
Манба:Би-Би-Си.