Юртимизда рўй бераётган салбий холатларга,албатта, шахсан ҳозирги вақтдаги президент лавозимида легитим-нолегитим холатда фаолият юритиб келаётган Ислом Каримов шахсан жавобгар. Бунга шубҳа йўқ
Лекин, ҳамма нарсани лекини бор-да! Айрим сафдошларимизнинг президент Каримовнинг шахсиятига ҳақоратли чиқишларига мен умуман қаршиман!
Бу менинг шахсий ўз фикрим ва демократик сўз эркинлиги ва цензуранинг интернет нашрларида йўқлиги туфайли,ўз фикримни баён этишга қарор қилдим.
Тушунаман,нафрат кучли! Лекин, хақиқий сиёсатчилар шахсий хиссётларини жиловлаши лозим эмасми?
Ўзбекистон Республикаси Олий Кенгашининг 1991 йилги 7 сессиясида Жахонгир Маматовнинг «Ўзбекистон онангизни маҳрига қолганми»?деган ҳақоратли гапларига Каримов ўта совуққонлик билан жим ўтирганини ўз кўзим билан кўрганман.
Яна бир жиҳати, Каримовнинг оммавий ахборот воситалари орқали бирор марта сўкинганлигини ҳеч ким кўрмаган.
2013 йил июнь ойидаги «дангасалар»дан кейин, Каримовнинг обрўйи тушиб кетди.
Камера ортида, сўкинаётган, хақорат қилаётган,дўппослаётган бўлиши мумкин.
Бунинг эҳтимоли 99,99%. Бу бошқа масала
Лекин, эсдан чиқармайлик Каримов, оммавий ахборот воситалари орқали бирор марта хеч кимни хақорат қилгани йўқ. Каримов ҳар қандай ҳолатда ҳам 24 йил мобайнида публика олдида ўз совуққонлигини сақлаяпти.
Каримовнинг узоқ вақт 24 йил давомида тахтда қолаётганлигининг сабабларидан ҳам бири шу эмасмикан?
Энди, биз мухолифат вакиллари нима қилаяпмиз? Айрим муҳолифатчилар, Каримовнинг хароми эканлигини айтишиб,шахсан Каримовнинг шахсиятига хақоратли гапларни айтишмоқда.
Бу билан, Каримовнинг онаси, хозирда гўрда ётган Санобар бибини хақорат қилиб қўймаяпмизмикан? Нима қилган бўлса Каримов қилди. Онаси бу ерда нима сабабдан хақорат олиши керак? Келинглар, акалар, тоғалар, амакилар, ҳаммамизни ҳам она туққан. Каримовнинг онасини тинч қўяйлик.
Каримовнинг зино туфайли дунёга келгани ҳақида ҳеч қандай исботи йўқ ёки ҳеч ким ДНК текширувини ўтказган эмас.
Биз демократлар эканмиз демократчасига ишлайлик.
Шахсий хиссиётларимизни ҳам жиловлаб, ақл билан иш кўриш керак эмасми?
Яна бир масала. «zamondosh» сайтида бир куни антиқа мақолага кўзим тушиб қолди. «Гулнора киндигини кўрсатди».Кечирасиз-у, бу эркакни иши эмас.
Каримов оиласидаги муаммолар, бу Каримовнинг шахсий муаммоси эмас-ми?
Отанинг фарзанди ноқобил чиқса, бу отанинг ташвиши деб биламан.
Киндигини кўрсатган Ўзбекистонда битта Гулнора эмас. Нимага бошқалар билан ишимиз йўғу, билиб олганимиз Гулнора.
Рақибининг нозик жойини топиб олиб,ўша нозик жойига уриш, бу номард боксчининг иши. Ютқизсак ҳам ҳалол ўйнаб ютқизайлик, шунда тарихда қоламиз.
“Озодлик” радиосида ҳам Гулнора, ББСда ҳам Гулнора!
Бу мавзуни тугатишимиз керак. Миллат келажаги, Каримовдан кейин, Ўзбекистонни нима кутаяпти? Туркманистон вариантими ёки демократия йўли бўладими?
Вайрон бўлган иқтисодиётни тиклаш,Туркманистон вариантига йўл қўймаслик ҳақида ўйлашимиз керак.
Қуруқ Каримовнинг шахсиятига тегадиган гаплар билан биз ҳеч қандай натижаларга эриша олмаймиз-ми деб қўрқаман!
Айрим интернет нашрларида «Йўқол, Каримов» , «Каримов кет» деган хитоблар пайдо бўлиб колган. Мен уларнинг ўрнида бўлганимда, «Каримов, истеъфо беринг», «Каримов эркин сайловларга йўл очинг», «Каримов-муҳолифат партияларини рўйхатдан ўтказишга тўсқинлик қилманг»,деган бўлар эдим.
Балким,мен ноҳақдирман. Лекин, бу менинг шахсий фикрим!
Албатта, Ўзбекистонда хуқуқ тартибот бўлиши шарт.Хуқуқ тартибот ўрнатилмаган жамиятдаги бошбошдокликни тасаввур қилиш қийин эмас.
Ҳар қадамда товламачилик, ўғрилик, қотиллик, қон тўкиш……Ахир бу дахшат-ку!
Лекин, хозирги биздаги тинчлик,хақиқатан ҳам тинчлик! Буни қадрига етиш керак. Ҳар қандай ақли расо одам буни қадрига етади. Лекин, бу тинчлик даврида, кимлардир юқори даражадаги қонунларда ёзилган ва ёзилмаган имтиёзларга эга бўлишлари керак, деган гап келиб чиқмайди.
Юртимиздаги сиртдан қараганда тинчликка,фаровонлик, арзончилик,реал доимий иш ўринлари, инсон хуқуқларининг хурмат қилиниши кабилар ҳам қўшилганда борми?Биз,хукуматдан норозилар,айнан,шу муаммоларнинг ечилишини истаймиз, холос.
Ҳеч кимда, хокимиятни зўрлик билан Каримовдан тортиб олиш истаги йўқ. Зеро, хозирги хукумат, ушбу муаммоларни 23 йилдан бери еча олмаяпти экан,унда «жойни бўшатиб қўйинг» дейиш хар қандай фуқаронинг конституцион муқаддас хуқуқи.
Биз мухолифат вакилларига шу хуқуқни амалга оширишга тўсқинлик қилинаяпти. Шуни учун биз норозимиз.
Ҳеч ким,жумладан, «Бирдамлик» Ҳаракати мамлакатимиздаги тинчликка раҳна солиб, ғалаёнлар келтириб чиқармоқчи эмас.
Биз, ўзларингиз чиқариб қўйган, Конституция ва қонунларнинг сўзсиз ишлашини, қонунларда кўрсатиб ўтилган нормаларни президентдан тортиб, мактаб қоровулигача ҳурмат қилинишини ҳоҳлаймиз.
«Бирдамлик», бўлиши мумкин, эҳтимоли бўлган ғалаёнларни олдини олиш учун ҳаракат қилаяпти.
Эртага, 2014 йилда АҚШнинг ҳарбий кучлари Афғонистондан чиқиб кетган тақдирда, диний экстремистларнинг хуружини Ўзбекистонга киритмаслик учун ҳам, демократик мухолифатга эркинлик берилиши керак.
Мана шу эркинликни беринг, бизларга.
Муаммо фақат шунда.
Ҳукуматнинг мухолифатни душман сифатида кўриши, норозиларни фикрини инобатга олиш у ёқда турсин, ҳатто қатағон қилинишини мен ҳеч тушуна олмайман.
Ҳукуматнинг тўғри қарорларини қўллаб қувватлайлик, нотўғри қарорлар бўлса, ўз фикримизни айтиб, аргументларимизни баён қилайлик. Бунинг нимаси ёмон?
Шахсан,мен Ўзбекситоннинг Камчик довонидаги темир йўл қурилишини ва Рогун ГЭСи бўйича Ўзбекистон хукуматининг позициясини қўллаб қувватлайман.
Инфляция, ишсизлик даражасининг юқоридагилигига норозиман.
Ушбу камчиликларни бартараф этиш бўйича, хукумат томонидан умуман амалий ишлар амалга оширилмаяпти.
Банкларда нақд пул тақчиллигини келтириб чиқарилаётган сабабларни бартараф этиш ўрнига, тадбиркорларга нақд пул топшириш бўйича зўрма зўракичилик қилинмоқда.
Ўзбекистонда хали ҳам қўшиб ёзиш авжига чиққан. Масалан, пахта мавсумидаги пахтани сотиб олишлар,ўқитувчи врачларни мажбуран пахтага чиқарилишлари,жуда шармандали холат ва хеч кимга сир эмас.
Бу сирдан ҳамма воқиф. Лекин,бу хақида очиқча гапирган одам, жиноятчига айланади.
Ушбу муаммоларни ечиш учун замонавий бозор иктисодиёти тадбирларидан фойдаланилса,ушбу муаммолар автоматик равишда ўз ечимини топади-ку.
Ҳукуматда ёки умуман хоҳиш йўқ, ёки хукуматнинг мақсади тушунарсиз?
Аҳолига газ,электр энергияси каби коммунал тўловларни етказиб бериш ва етказиб берилган коммунал хизматларини хақини ундириш механизмини ташкил қилиш ҳукумат учун ҳеч нарса эмас.
Лекин, ҳукумат шуни ҳам қилмайди,қилишга бир ҳаракатлар ҳам кўрмаяпмиз.Албатта,бу халқ орасида тушунмовчиликлар келиб чиқишга асос бўлаяпти.
Нимага газ йўқ, деган саволга,Каримов ёки Ўзбекнефтегазни каттаси чиқиб, жавоб берсин, «Оғайнилар,акалар,укалар,опа сингиллар,хавфсизлигимизни таъминлаш учун кўп маблағ,куч ишлатар тизимларига кетмоқда, айтайлик, фалон миллиард доллар, шуни учун табиий газни асосий қисмини четга экспорт қилишга мажбурмиз, шуни учун бошқа альтернатив ёқилги махсулотларини ғамлаб қўйинглар», деб.
Бизда бўлса, жим-жит қоғозда, ҳамма нарса бор. Яна одамлар ишлатмаган газига ва светига қарз қилиб ҳам чиқарилади.
Аслида,касалхоналарда светнинг йўқлигини ҳеч нарса билан оқлаб бўлмайди.
Туғуруқхоналарда, совуқда кечқурун, фонарлар ёруғида чақалоқлар туғилаяпти экан. Ахир, бу дахшат-ку!
2014 йил «Соғлом бола» деб эълон қилинди.
2014 йил мўъжиза рўй бериб, касалхоналар тўлиқ, узлуксиз свет билан таъминланармикан.
Ишонгим келаяпти-ю, лекин ишона олмайман.
Ёки бўлмаса,оғайнилар, биз ўз аҳолимизни иш билан таъминлай олмаяпмиз. Шуни учун, ҳалол меҳнатни айби йўқ.
Вақтинчалик, Россия Федерацияси ва бошқа мамлакатларга бориб, ишлаб келинглар, Ўзбекистонда қолган оилангизни хавфсизлигига биз кафолат берамиз.
Россиянинг ҳукумати раҳбарлари билан келишиб олганмиз.
Элчихонамиз сизларга кўмаклашади, энди тўғри тушунинглар, бошқа чора йўқ, деб айтилса ҳам бўлади. Ўзбек халқи меҳнаткаш, сабрбардошли халқ.
Ие, юртбошимиз бизга ишониб мурожаат қилиб ўтирибди, деб яхши кўрмасмиди?
Йўқ. Бизда ТВда ҳамма нарса яхши, ҳамма нарса ОБОД. Муаммо йўқ. Бўлишиям мумкин эмас. Лекин, фактлар аҳвол ёмонлигини кўрсатмоқда.
Бу билан ўтган асрнинг 60 йилларидаги КПСС рахбариятининг биз коммунизмда 80 йилларда яшаймиз,деган ваъдасига ўхшаб қолмайдими? 80 йилларда СССР қандай аҳволга келганини ўзимизга маълум.
Мухаммад Али Уроқов