Қашқадарёлик Фарида Расулова, уни Ҳасан Чориев жинсий зўрлагани ҳақида Қарши милицияси шантаж ва қийноққа солгани ҳақида гапиради (видео).
Унинг сўзларига кўра, 10 сентябр куни Шаҳрисабздан қўшни Қамаши туманига, ўзи пропискада бўлган ва ногирон ўғли нафақа оладиган жойга кўчиб ўтган.
Баланд Чайла маҳалласида аёлни – маҳалла раиси кутиб олган ва унга уни милиция қидираётганини билдирган, шундан сўнг уни участка милиционерига олиб борган, у ўз навбатида уни Қарши шаҳар ички ишлар бошқармасига олиб борган.
Аёлни кабинетга олиб киришган, бу ерда уни фуқаролик кийимидаги аллақайси Нопўлат Ҳамроев қарши олган – Расулова уни Хасан Чориевникида кўрган, бу одам ҳақида у «ферма муаммоларини ечишга ёрдам беради» деб айтган эди.
Бироқ, Чориев муттасил Ҳамроевни меҳмон қилган ва ёнига доимо пул қистириб келганига қарамай, унинг суҳбатдоши, ўз саҳоватпешасига жуда салбий муносабатда бўлган.
У қишлоқ йиғинига, Расуловани – «халқ душмани» дея эълон қилган, чунки у қариянинг ҳимоясига пикетда қатнашган эди, ва ундан, Чориев аёлнинг ночор аҳволда эканидан фойдаланиб, уни бир неча йил давомида зўрлаб келгани ҳақида ариза ёзиб беришни талаб қилган.
Бунинг эвазига Ҳамроев, унинг кўп миллионли жаримасидан кечиб юборишни ваъда қилган.
Расулованинг қайсарлигини синдириш учун, уни калтаклашган, электрошок билан қийнашган, унинг болаларини ўлдириб юборишларини айтишган, бироқ аёл ўз сўзида собит туриб аризани ёзманган.
Соат учлар атрофида Расуловани, душанба кунигача бир қарорга келишини айтиб, милициядан қўйиб юборишган ва 16 сентябр куни қочишга ва номаълум жойга яширинишга мажбур қилишган.
Ҳасан Чориев август ойида 19 ёшли Матлуба Абдураҳмоновага жинсий тажовуз қилишда айбланиб ҳибсга олинган.
Лидери маҳкум қариянинг ўғли Баҳодир Чориев бўлган «Бирдамлик» мухолифат ҳаракатининг Ўзбекистондаги рахбари Малохат Эшонқулова, мухолифатчининг отасига қарши айбловни тасдиқлаш учун иккинчи “жабрдийда”дан фойдаланишмоқчи бўлишганини айтади.
Uznews.net