Учтепа тумани прокурори томонидан акушер-гениколог 400 доллор олгани жинояти тасдиқлангани матуботда эьлон қилинди. Худди бу Ўзбекистон учун бир янгиликдек, ёки ҳач ким порахўрлик қилмайди-ю, биттагина шу акушер-гинеколог пора олиб қўйибди-да.
Аслида, бугун дуога қўл очилса ўт балосидан, сув болосидан сақлагин, деб эмас, аксинча милицияни, шифокорнинг қўлига тушишдан асрагин деб дуо қилиш бошланганига анча бўлди. Чунки, уларни қўлига тушиб қолсангиз, ҳам молингизни олади, ҳам жонингизни.
Бутун дунёда тиббиётда ислоҳот қилинди, энг чекка қишлоқларда замонавий тиббий ускуналар, Тошкент профессорлари бепул касал кўряпти.
Балоними, буни касал бўлиб, шифохоналарнинг эшигида сарсон юрганлардан сўранг.
Туғадиган аёлни ҳали бола бўлмасидан соғлигини аниқлаяпмиз, бола бўлиши билан назоратда, бола ҳам соғлом, она ҳам соғлом, туғаётганда ёки туғиб бўлиб она ҳам бола ҳам ўляпти.
Нимага?
Қани энг замонавий ускунлар, энг билимли шифокорлар. Уларнинг ҳаммаси 5 минг сўмлик пулларнинг, долларларнинг орқасида.
Қачон йирик ўзбек сумлари тахланса, доллорлар чўнтакларга солиб қўйилса, она ҳам бола ҳам соғ қолади.
Шунинг учун келини ёки қизи туғаётган ота-оналар олдиндан акушер-гинекологни ёллаб 400 доллар эмас, 1000-2000 долларни олдиндан бериб, икки жонни саломат шифокорларнинг қўлидан олиб чиқиб кетяпти.
Она-бола ўлими, аёллар туғмаётганидан камайган. Туғишни хоҳлаганлар ҳаммаси туғса, ҳозир отасининг пулига ўқиган чаласавод шифокорлар ҳаммасини ўлдириб қўйишдан ҳам тоймайди. Илоҳим, милициядан, шифокорнинг қўлига тушишдан ўзи асрасин.
Ойша РАҲМОН қизи
“Бирдамлик” Халқ Демократик Ҳаракати Ўзбекистон бўлими фаоли