Ҳозирги кунда борган сари ирсий касалликлар кўпайиб бормоқда.
Бу касалликларнинг 90 фоизи бузилган экологик муҳит таьсири остида содир бўлмоқда.
Ҳар йили дунё бўйича ўртача 14 миллион, 1 суткада 40 минг, 1 соатда 1500 бола очлик ва касалликдан ўлмоқда. Экологик инқирозга учраган Орол атрофида ҳар 1000 туғилган боланинг 200-300 нафари нобуд бўлмоқда.
Болаларда, ҳатто катталарда ҳам оёқ, қўл териларининг ёрилиши касалликлари ортиб кетган. Рак касаллиги кундан-кунга кўпайиб, юқумлик касалдек оммалашиб кетмоқда.
Ракни даволаш ҳатто хорижий мамлакатларда ҳам яхши натижа бермаябди. Онкологик касалликлар шифохонасида илгари жуда кам касал бўлса, бугун беморлар касалхонада ётиш учун навбат кутишмоқда.
Шифокорлар беморларни жуда кўп ҳолларда тезда операция қилиб, уларнинг ўлимининг тезлашига сабаб бўлишмоқда. Аслида бу касалликни даволаш, дори-дармони, тиббий назоратдан ўтиш, касалхонадаги жойлар бепул бўлсада, жуда кўп холларда пуллик хизмат кўрсатилмоқда.
Касалликни тез аниқлаш учун хорижда махсус тиббий ускуна бор бўлиб, у орқали қандай даволаш, жарроҳлик керами йўқми аниқ ташҳис қўйиш имкони бор бўлсада, қимматлиги учун вилоятларда умуман йўқ.
Натижада, танада пайдо бўлган шишдан шприц нинаси орқали анализ олиниб, кейин, ана шу шиш ёмонга айланиб кетиш холатлари юз бермоқда.Одамнинг ҳаётидан ҳам қиммат нарса борми, деган саволга эса жавоб йўқ дейиладию, аммо, уни ҳаётини сақлаб қолиш имконини берувчи оддий хориж ускунаси сотиб олинмайди.
Ойша РАҲМОН қизи
“Бирдамлик” Халқ Демократик Ҳаракати
Ўзбекистон бўлими фаоли