Тошкентда ёлғиз кекса аёлларни ўлдириш давом этмоқда: апрел ойида 63 ёш Людмила Проскурякова ва 85 ёш Любов Одиловаларнинг ўлдирилгани маълум бўлди.Милиция маълумотларига кўра, пенсионерни ваннадан бўғиш аломатлари билан топишган.
Икки кун илгари Феруза мавзейида 63 яшар Людмила Проскуряковани ўлдирилган ҳолда топишганди.
Қўшниларнинг айтишича, бу аёлни ҳам бўғиб ўлдиришган, унинг квартирасидаги тилла, пул ва қийматли буюмлар ўғирланган.
Милиция ходимларининг тасдиғича, ушбу қотилликлар «иссиқ излари» бўйича фош қилинган, жиноятчилар ушланган.
Проскуряковани ўлдиришда унинг набираси – 18 яшар Илья гумон қилинмоқда, Одиловани ўлдиришда эса – илгари ХУМШда (хусусий уй-жой мулкдорлари ширкати) ишлаган аллақандай Исмоил ушланган.Айрим милиция ходимлари, кампирларни тунашга ихтисослашган банданинг қўлга тушмаслиги, унинг пойтахтда «оммалашгани» сабабидир дея тахмин қилишади.
Банда икки йилдан буён жонбозлик кўрсатмоқда
Милиция учун кўпроқ, Тошкент ва Тошкент вилоятида 2011 йилнинг мартидан буён ҳаракат қилаётган банда айниқса ташвиш туғдирмоқда.
Ушбу банданинг барча жиноятлари умумий аломатлари – жумладан, жабрдийдаларни скоч билан боғлашади, оғзига эса тиқин тиқишади.
Пенсионерларнинг квартираларидан бандитлар фақат тилла ва пулларни олишади, маиший техника ва бошқа қийматли буюмларга тегишмайди.
Банда шу баҳорда ҳам ўзини бир неча намоён қилган.
Сўнгги талончилик 4 апрел куни, Тошкентдан унча узоқ бўлмаган Чирчиқ шаҳрида юз берган, ўша куни – тахминан соат 17 ларда ўзларини газ идораси ходими дея танитган эркак ва аёл, 84 яшар Ангелина Лисованинг квартирасига киришган.
Унинг қўл-оёқларини скоч билан боғлаб, бандитлар 950 минг сўм ва илк бор қийматли нарсаларни олмаслик қоидасини бузиб, хрустал вазани олишган.
Бандитларнинг илгариги қурбонлари – Тошкентнинг Ҳамза туманидаги, Авиасозлар мавзейида яшовчи 76 яшар Ирина Матрошкинадан фарқли, бу сафар кампир тирик қолган.
Матрошкинанинг жасадини 20 март куни кечқурун топишганди. Милиция маълумотларига кўра, унинг қўл-оёғи скоч билан боғланган, ўнг қўлининг тирсагида тан жароҳати бор, квартира таланган.
1 март куни эса пойтахтнинг Чилонзор туманидаги Қизил шарқ мавзейида 82 яшар Насиха Атнабаева ўлдирилган.
Бор-йўғи икки кун ўтиб Учтепа туманидаги Чилонзор мавзейининг 14 кварталида яна бир кеса аёлни талашган, бироқ у тирик қолган.
Пойтахт милиция бўлимларидан бирининг, ўзини Бекзод дея аташларини сўраган мулозими фикрича, банда аъзолари ўз олдиларига кампирларни ўлдиришни мақсад қилишмаган, “шунчаки талончилик пайтида кечирилган жисмоний зўравонлик, қўрқув ва стресс, кекса аёлларнинг бемаврид ўлимига сабаб бўлган».
Бандитлар одатда ёлғиз нафақахўрларнинг квартираларига турли коммунал хизмат ходимлари қиёфасида киришади. Қоида бўйича, бу жуфтлик – эркак ва аёлдир.
Баҳорги қотилликлар бўйича милиция ориентировкасида гумондорлардан бирининг аломатлари келтирилган: тахминан 35-40 ёшлардаги эркак, осиё миллатига мансуб, бўйи 170 сантиметр, болонье куртка кийган.
Жиноят хроникаси
Илк бор банда ўзини 2011 йилнинг 20 мартида, Олмазор туманининг Себзор мавзейидаги квартирага кириб 78 ёшли Раъно Ортиқованинг уйига киришда кўрсатган.
Иккинчи жиноят 2012 йилнинг 1 июнида Юнусобод туманида содир этилди – бу сафар қурбон 87 яшар Мария Ерёнина бўлди.
Банда ўз ҳаракатларини 2012 йил охири – 2013 йилнинг бошларидан фаоллаштириб келади.
Шу тарзда 2012 йилнинг 11 декабрида Чилонзор мавзейининг 3-кварталида 80-ёшли Анна Куршева ўлдирилган.
Тошкент вилоятининг Ангрен шаҳрида 25 декабр куни 79 ёшли Екатерина Матакова туналган.
30 январ куни банда Тошкентга “қайтган”, Қорасув мавзейидаги 83 ёшли Марина Карнишинанинг квартираси таланган.
Агар бунга қадар қариялар тирик қолган ва фақат гап талончилик ҳақида борган бўлса, 5 феврал куни илк бор банда қотилликка қўл урди – Чилонзор мавзейининг Чилонзор кўчасида 86 ёшли Тамара Тамразованинг уйи таланганидан сўнг унинг жасадини топишди.
Келгуси қотиллик Миробод туманида, икки ҳафтадан сал кам вақт ўтиб содир бўлди, 17 феврал куни Госпитальний мавзейида яшовчи кекса нафақахўр Ҳакима Авлонова бандитлар қўлида ҳалок бўлди.
Милиция қаерда?
Бекзоднинг фикрича, гап нафақат тажрибали жиноятчилар ҳақида бормоқда, уларнинг бошчиси милиция ишининг оператив усуллари билан яхши таниш.
“Милицияни коррупция адо қилмоқда, пул ҳақида эмас, иш ҳақида ўйлайдиган ҳалол хизматчилар кам қолган”, – дейди Бекзод.
Унинг фикрича, бугунги ўзбек милициясининг профессионал маҳоратининг пастлиги, бандитларнинг шунча узоқ муддат қўлга тушмай келаётгани сабабидир.
Ҳуқуқ ҳимоячилари ҳам, жиноятчилар қидируви бўйича милиция ўз вазифасини рисоладагидек бажармаëтганини, натижада бу фақат ишларнинг уйдирилиши ва бегуноҳ шахсларнинг айбланишига олиб бораëтганини айтмоқда.
Сўнгги пайтларда банда анча сурбетлашди, улар ёлғиз кекса аёлларнинг уйларига ўртача икки ҳафтада бир марта «ҳужум» уюштиришмоқда.
Uznews.net