Ўзбекистон Республикасида мавжуд қонунчиликни амалда қўлланилишини, қонун ҳамма шахс ва фуқаролар учун бир хилда амал қилинишини таъминлаш йўлида жойлардаги айрим ҳокиму тўралар билан курашиб келаёт 2-гуруҳ ногирони, 2 нафар фарзандини ёлғиз тарбиялаётганган журналист Дилдора Боймуродованинг ноқонуний ҳатти-ҳаракатларини ва ҳаттоки ишдаги камчиликларини излаб топа олмаган МХХ ва ИИБ ходимлари 2012 йилнинг 8 декабрь кунида «ёлланган барзанги аёллар»га Дилдорани вояга етмаган қизи ва жияни билан биргаликда калтаклаттириб, ноқонуний суд уюштириб, 397 минг сўмдан жарима қўллашган эди. Д. Боймуродованинг айтишича, айни пайтда суд ижрочилари уюштирилган жиноят бадалини тўлашларини сўраб тез-тез “айбдорлар”га хабарномалар жўнатиб туришибди. Аслида эса ўзини ҳимоя қила олмайдиган ногирон аёлнинг 16-17 ёшли фарзандларини тарбиялаб ўқитишига имконияти зўрға етиши ҳаммага ойнадек равшан.
Шунга қарамай ҳақиқатга тик қараб ўрганган журналистга нисбатан янгича тайзиқлар пайдо бўлмоқда. 8-март Халқаро хотин-қизлар куни ва 21 март Наврўз байрамларида ҳам журналистни ўз уйидан кўчага чиқиши таъқиқланиб қўйилди. Бу каби ноқонуний ҳаракатларнинг сабаби ҳокиму тўраларнинг ҳақиқатан чўчишидамикин? Ва ёки ногирон аёл овозини мутлақо ўчириб, балиққа айлантириб қўйиш операциясининг бир кўринимикин бу?
Фирдавс НАРИМОНОВ
“Бирдамлик” Халқ Демократик ҳаракати Навоий вилоят бўлими фаоли