“Бирдамлик” Халқ Демократик Ҳаракати раҳбарияти ташаббуси билан бошланган тадбирларда Наманганлик ҳаракат фаоллари ҳам фаоллик билан иштирок этаётган эдилар. Улар ўта қийинчилик билан топилган етти дона Ўзбекистон Конституциясини халққа тарқатиб, тарғибот-ташвиқот ишларини олиб бораётган бир пайтда – 5- Декабрь куни кутилмаганда, “Бирдамлик” Халқ Демократик Ҳаракати Наманган вилояти бўлими етакчиси, Ҳаракатнинг Фарғона водийси бўйича корденатори Носир Зокирни аввал қўл телефонига номаълум киши қўнғироғ қилиб, “Агар тайёрлаган расмларингизни юборсангиз Ўғлингизни ҳам, ўзингизни ҳам, матбуот котибингизни ҳам тиқамиз” деб дўқ-пўписа қилаган. Орадан бир оз вақт ўтгач Н.Зокирни тўшакда михланиб касал бўлиб ётган, Эндигина шифоҳонадан муолажаа олиб қайтган турмуш ўртоғини ва бола-чақаларини олдидан олиб чиқиб вилоят Ички ишлар бошқармасига олиб боришган. У ерда, адашмасак, Тошкентдан, вазирликдан келган куч ишлатар тизимларининг раҳбарлари бўлишса керак, улардан бири Н.Зокирга “Биз сизни ҳурмат қиламиз. Агар олган расмларингизни бирор бир фаолингиз жўнатса ҳаммангиз тиқиласиз, туманларга чиқиб йиғилишлар қилаяпсиз, тадбирларингизни ўтказаяпсиз, биз бирор марта қаршилик қилдикми? Йўқ. Ҳурматингизни билиб юринг” деган. Уни телефонига ёзилган бир кунлик расмларини ўчиртириб ташлаган. Н. Зокир ўта босиқлик билан Ўзбекистонда Конституция моддаларини нима сабабдан ишламаётганини уларга фактлар орқали тушинтиришга ҳаракат қилган. Н.Зокир фаолларга тазйиқ кучайиб кетмаслиги учун улар билан ортиқча тортишиб ўтирмаган.Буни фойдаси йўқ ҳам эди. Ҳуллас уч кун давомида қилинган ишларимиз кўкка соврилди. Конституцияни ҳимоя қиламиз деб, ўша Конституцияга зид равишда тазйиққа учраш, ғалати бўлар экан. Яна бир хабарни айтиб ўтишни лозим топдик. Аниқ маълумотларга қараганда Қўқонлик, илгари “Бирдамлик”ка кириб кейин чиқиб кетган бир собиқ сафдошимиз, милиция органи ҳодимлари билан келишиб бизларни ортимиздан иғво тарқатиб юрибди экан. Уни милиция ҳодимлари бузуқчилик қилаётганини видео тасмасига ёзиб олиб қўлга туширган экан. Биродарлар! Биз Сизларни ҳозирги мураккаб шароитда мана шундай кимсалардан эхтиёт бўлишга чақирамиз.
“Бирдамлик” Халқ Демократик ҳаракати Наманган вилоят Матбуот хизмати