Исмат Хушев
Мен Баҳодир ҳақида ўйлаганимда беихтиёр Шахрисабз ва “Оқ сарой” ёдимга тушади.
Даставвал унинг “Кеш” жамоа хўжалигида амалга оширган ҳайратомуз ва ибратли ишлари боис маълум тасаввурга эга эдим.
Кейинчалик, ҳали Бош муҳаррир бўлиб “от устида” юрган пайтларимда унинг АҚШ элчихонаси олдида бир гуруҳ қариндош ва юртдошлари билан амалга оширган норозилик митинглари ҳақида эшитиб, ажиб ҳайратларга ошно бўлгандим.
Кейин унинг Америка Қўшма Штатларидан сиёсий бошпана олганини айтишди.
Бугун ўзбек мухолифати ҳақида гап борса, бошқалар қаторида албатта унинг ҳам номини тилга олишади.
Баҳодир тиниб-тинчимас йигит. Шу билан бирга очиқ кўнгил ва хотамтой инсон.
Мен туғилган куни баҳонасида ажойиб бир ҳаракатнинг ғаройиб лидери бўлмиш жасоратли ҳамюртимни чин дилдан муборакбод этиш имконига эга эканимдан бахтиёрман.