Шу йилнинг 13- сентябрь куни BBG (Brodcasting Board of Governors)нинг, Эшиттиришлар Таркатиш Бошкарувчиларининг Кенгашини Вашингтон шахрида бўлиб ўтган йиғилишига бориб, бу улкан маъсулият ва хурматга эга ташкилот нурли ишларини ривожи борасида марузаларни, тортишувларни ва муҳокамаларни тингладим. Бу биз «Бирдамлик» фаоллари олиб бораётган кундалик ишларимиз билан уйгунлигини англаб хурсанд бўлдим. Йиғилишда BBGнинг стратегияси, келажак режалари хусусида мухим гаплар бўлди. BBGнинг барча ҳайъат аъзолари ва раҳбарият масуллари АҚШ солиқ тўловчиларининг ҳисобидан, молиялаштирилаётган сармоядан то 1 центига қадар ўз ўрнида, мақсадли фойдаланиш, молияни беҳуда сарфламаслик борасида жон куйдиришиб сўзлашди. Бироқ, менинг назаримда, уларнинг бу каби барча эзгу ишларини “Озодлик” радиосининг ўзбек хизматидаги ходимлари, тарафкашлик, аравани курик олиб кочиш дардига мубтало бўлган кишилар ҳавога совуришмоқда. Худди мана шу нарса алам қилади одамга ва буни АҚШ масуллари хам билишлари керак.
Шу Ўзбекистон ахли учун мухим масалаларга ва муаммоларга BBG нинг Эшиттиришлар Таркатиш Бошкарувчиларининг Кенгашини масуллари этиборини қаратишга уриндим. Йиғилиш давомида жаноб Виктор Ҳендерсон Аше ( Victor Henderson Ashe), жаноб Деннис Мулҳаупт (Dennis Mulhaupt), ҳамда мазкур йиғилишга таклиф этилган жаноб Алан Л. Ҳеил (Alan L. Heil)лар билан учрашиб, суҳбатлашиш имкониятидан фойдаланиб, “Озодлик” радиосидаги кечириб бўлмайдиган нуқсонларга тўхталдим ва суҳбатдошларимга мазкур радио эшиттиришларидаги бирёқламаликка оид ўз фикрларим ва фактлар баён этилган Мурожаатнома матнини тақдим этди. (http://www.wdscode.guru/birdamlik/?p=23831#more-2383)
Шу йигилишга АКШ Давлат Департментининг Котиби Хиллари Клинтоннинг қисқа муддатга бўлса-да ташриф буюриши, хамма анжумон иштирокчиларига кутаринки кайфият такдим этди. Мажлис регламентининг тиғизлиги туфайли, ҳарчанд истамай Клинтон хоним билан хизмат юзасидан учрашиш менга насиб этмади. Лекин қўлимдаги мавжуд барча маълумотларни Клинтон хонимнинг ёрдамчисига топширишга муваффақ бўлдим.
Тақдим этилган ҳужжатлар орқасида журналист Дилмурод Саиднинг 87 ёшли онаси Толипова Ҳамида аянинг Клинтон хоним номига ёзилган, истиробга тўла Мурожаати ҳам бор эди. Кекса онахоннинг
Хатини илова қиларканман, АКШ ДавлатДепартментида, бу довюрак журналист такдирига эътибор қаратишларини ва уни имкон қадар тезроқ қамоқдан чиқаришда кўмак қўлини чўзишларини илтимос қилдим. АКШ Давлат Департменти Котибининг ёрдамчиси бу илтимосимни ва мактубни албатта Клинтон хонимга етказишга ваъда берди. Бу йиғилиш бир неча соат давом этди ва иштирокчиларни нурли ишларга йуналтирди.
Мажлис тугаши билан, хурматли устозимиз ва қадирдон акамиз Бобур Маликовга қўнғироқ қилдим. У киши, одатдагидек, уйларига таклиф қилди.
Мен эса бугун кеч бўлиб қолганлиги сабабли Меҳри келинойимларни ортиқча ташвишга қўйиш ноқулайлигини айтдим. Биз кафелардан бирида кўришиб, баъзи бир масалалар хусусида маслаҳатлашиб олишга келишдик. Ва шу дакика эслай кетдим. Миллатимиз вакиллари, Ватанимиз фарзандлари кайси китъа, кайси мамлакатда яшамасин Бобир акани яхши билишади ва эъзозлашади.Чунки Бобир ака, она юртимиз, жонажон диёримизнинг тикланиши ва ривожи учун бетакрор хисса кўшган, ўзбеклар авлоддан авлодга ўз хурматини ворис этаётга, улуг давлат арбобимиз, мамлакатимизнинг биринчи президенти Йулдош ота Охунбобоевнинг набираларидир.
Бобир аканинг ўзлари хам забардаст ва машхур шахс. У киши Ўзбекистонда муҳим , ҳукумат, ташкилотлар, идоралар ва фукоролар фаолиятларини йулга кўювчи Олий Суд раиси , мамлакатимиз Адлия вазири, сўнг эса Ўзбекистоннинг АҚШдаги биринчи элчиси лавозимларида ишлаган. Хозир эса АҚШ Давлат Департментида маслахатчи ва муаллим булиб фаолият олиб бормокда. Ва доимо ўткир билим, катта тажриба сохиби, элпарвар ва хакикатпарвар эканликларини бутун хаётлари давомида намоён этиб келмокда.
Бобир ака билан сухбат мазмунан чукурлиги, турли-туман мавзуларни камраб олганлиги ва акамизнинг бетакрорликлари туфайли мени ўзига ром этди. Акани элимиз такдири, иктисодий, ижтимоий, сиёсий, маънавий муаммолари кўп ва хўп безовта этиши янада ойдинлашди.
Сухбат айланиб шахсий ҳаётимиз мавзуларига тақалди. Шунда Бобир акани, туғилган кунлари 2 сентябрь куни муборак 64 ёшлари билан табриклашни унитганим ошкор бўди. У киши гап орасида «Мен катта қувонч сохибиман. Набиралик бўлдим. Набирам ҳам айнан 2 сентябрь куни туғилди»,- деб қолдилар. Набираларининг исми Жўрабек экан. Мен акани, чин қалбдан табрикларканман, Маликовлар авлодининг кенжа вакилига, давомчисига узоқ умр, бахт-саодат тиладим. Ўзларига хам юрагимдан отилиб чикаётган кутловларимни айтдим.
Йўлдош Охунбобоевнинг набиралари Бобур Маликов сингари, у кишининг набиралари Журабек ҳам, худи боболари каби ҳамиша халқимиз дарди билан
яшашини, элимиз ардоғида бўлишини чин дилдан тиладим. Кичик Жўрабекнинг илк қадамлар ташлаши Ватанимиз Ўзбекистоннинг зулм занжирларини улоктириш, элимиз хаётини ижобий ўзгариш кунларига, нурафшон дамларига тўғри келсин деб астойдил тилак билдирдим. Жўрабекка ўзбек халқининг истиқболига, саодатига шерик бўлиш, ўз халқига бел боғлаб хизмат қилиш насиб этишини ич-ичимдан истатим ва шуни ният қилдим.
Бобур Маликов билан бўлган узоқ суҳбатимиз юртимиз ва дунё муаммолари атрофида бўлиб, мен учун бир катта сабок, ўзида нур ва иликликни мужассамлаштирган малакани ошириш мактаби бўлди десам муболага бўмайди. Ва шу сабаблар заминида бу учрашув менинг унитилмас хотиротимга айланди. Шу кун яна бир бор, хаётимиз гулшани – нурли ишлар ва унитилмас учрашувлар эканини бехос сездим ва идрок этдим.
Баҳодир Чориев