НОРОЗИЛИК ПИКЕТИ ЎТКАЗИШ ИСТИГАДИГИ ФАОЛЛАР ЕМАГАН СОМСАСИГА ПУЛ ТЎЛАШДИ, БИРОҚ …
Қирғизистон қирғинига 2 йил тўлди. Бу деган гап барча хўрликлару камситишлар, тақиру ноҳақликлар ортда қолди, ўзбекларга нисбатан нописанд муносабатларга барҳам берилди деган гап эмас. Кўп афсуски, Қирғизистонда истиқомат қилаётган ўзбеклар ҳаёти ҳамон хатарда, таъқибу таҳдид остида қолмоқда. Ўзбек миллатининг эртасидан қайғураётган ҳар бир ҳамюртимиз бу ҳолатга бефарқ қараб туриши мумкин эмас. Жумладан “Бирдамлик” фаоллари ҳам.
Илгари хабар берилганидек, “Бирдамлик” Халқ демократик ҳаракати Ўзбекистон бўлими фаоллари 12 июнь куни соат 11.00 да Қирғизистон элчихонаси олдида қўшни мамлакатда умргузорлик қилаётган миллатдошларининг тинчлиги, эрки, озодлиги йўлида ўзбекларга нисбатан қўлланилаётган таҳқирларни зудлик билан тўхтатишни сўраб норозилик пикети ўтказиш мақсадида белгиланган вақтда кўзда тутилган манзил томон ошиқишди. Ба]зилар тонги саҳарда, айримлар ҳатто бир-икки кун олдин.
– Биз нафақат фаолларимизни, балки барча дўстларимизни, таниш-билишларимизни бўлажак пикетга чорлагандик. Келишувга кўра, 12 июнь куни маҳаллий вақт билан соат 10.30 да элчихонага яқин бўлган Ирригация институтининг олдида тўплана бошладик, – дейди Ҳаракатнинг Ўзбекитсон бўлими етакчиси Малоҳат Эшонқулова, – Мен айтилган вақтдан ҳийла кечроқ, тахминан соат 10.40 ларда Ирригация институтининг дарвозаси ёнига етиб келдим. Ўзбек, қирғиз, рус, инглиз тилларида шиорлар битилган 25 дона плакатни рулеть шаклида ўраволиб, скочлаб қўлтиқлаб олгандим. Қўлимдаги плакатларда “Ўзбек-қозоқ миллатининг ўзаги бир””, “ Азимжон Асқаровга озодлик!” , «Ўзини химоя қилган ўзбеклар озод этилсин», «Йўқолсин миллатчилик», «Фарғона водийсига тинчлик», «Временное правительство КР к ответу», «Свободу защишавшимся узбекам», «Свободу Азимжону Аскарову», Қирғизистонлик ўзбеклар ўз ерларида!”, “Қирғизистонлик Ўзбекларга нисбатан камситишлар тўхтатилсин!” деган мазмундаги бир қатор шиорларнинг ўзбек, рус, қирғиз, инглиз тилидаги варианларити акс эттирилган эди.
Энг ачинарлиси, илгариги хабарларимизда айтилганидек, айнан пикет ўтказилиши лозим деб топлиган кунда , “Бирдамлик”нинг витлоят бўлими етакчилари ИИБ ва МХХ ходимлари томонидан уй қамоғига олинди. Саиджаҳон Зайнобиддинов, Носир Зокир, Саида Қурбоновалар ИИБ ходамларининг “соқчилиги”да остона ҳатлаб уйларидан бир қадам ташқарига чиққан эмас. Аммо кўнгилни тўқ қиладиган ҳолат шундаки, юқорида исм-шарифлари зикр этилган етакчиларимиз гарчи ўзлари Тошкенту азимга етиб кела олмаган бўлсалар-да, бўлажак тадбирга ўз атрофига жипслашган 2-3 нафар фаолларни сафарбар этишни унутмаганлар. Мен Ирригация институти дарвозаси олдига келганимда, пикетда иштирок этувчилар сони 30 нафардан ошиб кетганига гувоҳ бўлдим. (33-ё 34 нафар эди, адашмасам). Хавфсизлик нуқтаи назаридан биз Ирригация институти ёнида ҳар томонга сочилик турардик. Очиғи, шунча одам тўпланади деб ўйламагандим. Уларни кўриб, кўнглим анча кўтарилганди. Аммо бу ҳолат узоққа чўзилмади. Шу тобда мобиль телефоним жиринглаб қолди. Гўшакни кўтарсам, Намангандан Маҳмудхон Довудхонов исмли талаба укамиз экан. Маҳмудхон ҳам тонги соат 4.00 да йўлга чиққан эканлар.
– Опа, мана, давондаги ГАИ постида шеригим билан менинг паспортимизни олиб қўйишди. “Кимсан, қаерга бораяпсан, нимага бораяпсан?” дея аввалига хўп савол-жавоб қилишди.
Тошкентга, айлангани, десак, унашмаяпти. Баҳоналарини қаранг, “Ўзларинг Наманган институтида ўқисанглар Тошкентда нима қиласизлар? Ҳали ёшсизлар, Тошкентга бориш учун ота-онангиздан розилик хати олиб келганмисизлар? Йўқми? Агар шундай бўлса, Сизларни Тошкентга қўйиб юбораолмаймиз. Ортингизга қайтиб, ота-онангиздан розилик хати келтириб беринг, кейин бемалол, ўтиб кетаверинглар”, дейишмоқда. Аслида эса уларнинг бу гаплари бизларни Тошкентга ўтказмаслик учун навбатдаги бир баҳона. Агар биз ота-онамиздан розилик хати келтириш учун ортга қайтган тақдирда ҳам пикет вақтига улгуриб етиб бора олмаслигимизни яхши билишади-да. Вақт тушликка яқинлашавергач, паспортимизни ўзимизга қайтаришди, аммо киракашни пишиқлаб улгуришган экан. Такси ҳайдовчиси “Документим хато экан, ортга қайтмасам бўлмайди” деб қолди. Натижада, трасса йўлда яёв қолдик.. Бошқа такси тутишга ҳарчанд уринмайлик, бўлмаяпти. Энди ортга, уйга қайтишга мажбурмиз. Айтингчи, бу ходамларнинг ноқонуний ҳаракатлари устидан қаерга арз қилсак бўларкин, – деди хафсаласи пир бўлган Маҳмудхон бесамар кетган вақтига ачиниб….
Биргина Маҳмудхон ва ўртоғини эмас, Қашқадарёдан пиктега қатнашиш истагида келаётган “Бирдамлик”нинг “Ёшлар қаноти” бўлими ёшларини ҳам Қарши-Тошкент йўлининг ГАИ постларида турли баҳоналар билан ушлаб турилган.
– Опа, биз иккита таксида 8 киши бўлиб йўлга чиққандик. Соат 11.00 да етиб бора олмайдиганмиз. Йўлда, ГАИ постида анча дилхираликлар бўлди. Учрашганимизда бафурча айтиб берармиз. Узоғи билан соат 11.30 да келишилган жойда бўламиз. Эндигина Иппадромга яқинлашиб қолдик. То Ирригация институтига боргунга қадар ярим соатлар ўтиб қолади. Илтимос, бизсиз тадбирни бошламай туринглар, – дея телефон орқали илтимос қилди Фазлиддин.
Узоқ-яқиндан пикетга келаётган фаолларга телефонда аниқ манзил ҳақида тўлиқ ахборот берарканман, атрофни кузатдим: кузатувчи сифатида таклиф этилган дипломатик корпус вакиллари ҳам, мустақил журналистлар ҳам кўринмади. Бироқ Ирригация институтидан Қирғизистон элчихонасига олиб борувчи йўлни, биздан 500 метрча нарини фуқаро формасидаги 30 нафардан ортиқ номаълум шахслар ҳар хил маркадаги енгил автомашиналарда тўсиб турганига гувоҳ бўлдим. Бу пайтда тахминан соат 11.10 лар эди. Биз Ирригация институтининг дарвозасидан секин-аста элчихона томон одимладик. Аммо ҳаммаси бўлиб 5 қадам ҳам босиб улгурмадик. Ирригация институти билан Қирғизистон элчихонаси йўлида сунъий девор ҳосил қилган ИИБнинг фуқаро формасидаги ўзларини таништиришни истамаган 30 нафардан ортиқ ходими, кутилмаганда, институт тарафга, биз томонга ёпирилишди. Бир зумда атрофимизни 30 дан ортиқ ходамлар ўраб олишдиди.
– Яхшимисиз, опа, сиз яна келдингизми?, – савол ташлади ИИБ ходамларидан бири.
– Ҳа, келдим, – дейишим билан улар ёппасига пакатларни очишни талаб қилиб қолишди.
– Плакатларингизни очинг, пикетингизни бошланг! – дея талаб қилди улардан бири.
– Нега энди?, – дедим ажабланиб, – Биринчидан, биз Ирригация институти биноси олдидамиз. Биз институт биноси олдида эмас, Қирғизистон элчихонаси олдида очамиз плокатларимизни, йўл беринг, элчихона томонга ўтайлик..
– Опа, хомтама бўлманг, нима, сизларни Қирғизистон элчихонаси томонга ўтказади деб ўйлаяпсизларми? Ўтказмаймиз. Қирғизистон элчиси пикет ўтказилишига қатъий қаршилик кўрсатибди. “Шусиз ҳам ўзимиз қимирлаб, зўрға илиниб турибмиз, бизга тўпалон керакмас” дейишибди. Шунинг учун ҳам биз шу ерда турибмиз-да. Сизлар ҳокимиятдан рухсат ҳам олмаган экансизлар. Элчихона олдига бориб плакатларни очиш орзуингизни унутинг, яхшиси шу ерда оча қолинглар, – дея ҳазил-мазах қилдифуқаро формасидаги ИИБ ходамларидан бири, – Плакатингизни очасиз, кўрамиз, ўқиймиз, кейин машинага ўтирасзилар, биз билан идорага борасиз, савол-жавоб қиламиз, – қўшиб қўйди у.
– Нега энди силар билан бирга кетишимиз керак экан Тошкент шаҳар ҳокимиятига 22 май куни ҳам почта орқали, ҳам ўз қўлим билан билдирги тақдим этганман. Ҳокимиятдан умуман жовоб бўлмаган бўлса, бу ҳокимиятнинг муаммоси. Биз Конститутцияда кўрсатиб қўйилганидек, фуқаролик бурчимни бажарганмиз, Шаҳар Ҳокимиятига ҳам, ҳатто шаҳар ИИБ сига ҳам бир эмас, икки маротаба билдирги ёзганмиз. Иккинчидан, ярим йўлда бизнинг олдимизни тўсишга ҳаққингиз йўқ. Кўриб турибсиз, ҳали биз кўчада кетаётган шунчаки фуқаролармиз. Ҳали амалий ишга ўтган, плокатларни очган эмасмиз. Яъни, сизлар айтмоқчи бўлган “тартиббузарликни”, “жиноят”ни ҳали содир этиб улгурмадик. Қачонки элчихона қаршисига бориб, лоақал икки дақиқа плокатларни очиб турсаккина, ана ўшанда таъбирларингиз билан атйганда “жиноят устида” қўлга олишингиз мумкин. Йўл беринг, ўтиб кетайлик. Ёки “Йўқ, тарқалинглар, пикет ўтказмайсизлар” деб айтинг, биз ортга қайтамиз, дедим уларга ўзимнинг ҳақлигимни исботлашга уриниб.
Фуқаро формасидаги ИИБ ходимларидан бири қўполроқ экан:
– Эй, опача, кўмам маҳмадонолик қилманг, бизнинг вазифамиз, тартиббузарлик ё жиноят қилишга йўл қўйиб бериш эмас, ёнаман деган оловни ўчириш, билдингиз?! Тезда плокталарни очинг!, – деди буйруқ оҳангида ва қўлимда рулет шаклида ўралиб турган плокатларни шаҳд билан тортиб олди-да очиб, барча ходамларнинг қўлига битта-битта тарқатиб берди. Ўз-ўзидан маълумки, улар инглиз ва қозоқ тилидаги матнлар мағзини чақишолмади.
– Опача, бошқа тилларда нималар деб ёзгансизлар? – деди энсасини қотириб, – тушунтириб беринг!
– Элчихона қаршисига бориб турайлик, ўша ерда плакатлардаги талабларимизни тушунтираман, – дедим.
– Нима?!, – деди афтидан ИИБ ходамларининг каттаси зарда билан, кейин плакатларни йиғиштириб, ёнидаги югурдагига узатди-да: “Буларни мошиннинг бардачогига ташла!” деди-да, яна қайта мен томон юзланди, – Яхши гапга тушунмайсиз чоғи, қани, машинага ўтиринг!,
Худди мана шу амирона овозни кутиб тургандек, фуқаро формасидаги ички ишлар ходамлари пикет иштирокчиларига ташланишди. Талотўп бошланди. Бир сўз билан атйганда, ИИБ ходамлари фуқароларга ҳайвонларча муносабатда бўлди. Нафақат эркакларни, ҳатто бир аёлни уч-тўрт киши бўлиб қўлларини қайириб олиб, судраб, зўрлик ва куч ишлатиш йўли билан итариб-туртиб 
машжбуран илгаридан эгарлик отдек тайёрлаб қўйилган махсус машиналарига тиқишди. Мени шу тезкор гуруҳ раҳбарининг қора рангли некциясига (машина маркасини билмайман, нексия башара эди) машинасига ўтқазишди. Бундоқ қарасам, толатўпни сёмка қилиб, суратга олиб юрган Зарнигор Ҳакимовага ҳам икки ходим ёпишиб қолишди. Қизнинг қўлларини қайириб, фотоаппаратини тортиб олишаркан, уни ҳам куч ишлатиш йўли билан машинага тиқишди. Мен ўтирган машинага дўкон эшигидан чиқаётган бир ёшгина ҳомиладор аёлни ҳам тўрттаси судраб келиб тиқиб қўйишди. Қарасам, аёл ҳомиладор экан. У қўрқиб кетганидан йиғларди. Мен элчихона яқинидаги почта бўлинмасида ишлайман. Дўконга сув олиш учун чиққандим. Нима гап, нега мени ушлашди. Қўйиворинглар, мен ҳеч нарсани билмайман. Ишга қайтишим керак, раҳбарларим уришишади. Агар ишонмасангизлар, ишхонамга қўнғироқ қилишларинг мумкин” деб зорланарди келинчак. Аммо ИИБ ходамлари унинг ёлворишларига парво ҳам қилишмасди. “Идорага борсак, аниқлаймиз. Айбсиз бўлсангиз, жавоб бериб юборамиз” деди рўлда ўтирган ходим совуққонлик билан ва машина маторини ўт олдирди. Шу пайт телефоним жиринглади: Самарқандлик фаолимиз Зарбуви қўнғироқ қилаётган экан. “Малоҳат опа, биз – тўрт киши Самарқнаддан келдик. Ирригация институти ёнидаги бир симичкафуруш опанинг ёнида турибмиз. Энди қайси томонга юришимиз керак?” деб қолди. “Ортингизга қайтинг, ҳозир тўпланиб улгурганларни уриб-суриб, машинага тиқиб, ички ишлар бўлимига олиб кетишаяпти. Энди қачон чиқишимизни билмаймиз. Ортга қайтиб, бирор жойда ҳордич чиқариб туринглар, кейинроқ ўзим қўнғироқ қиламан” дея жавоб қилдим фаолимизга. Шунда ИИБ ходимларидан бири “Э-я, тўпалончиларингиз яна бор эканми? Келишибдими, қани, бу ерга чиқирингчи? Бир кўриб қўяйлик” деб буюрди ИИБ ходими менга. “Телефонимнинг қуввати тугаб қолди” дедим беҳафсала. “Ҳа, жуда ишониб қолдик гапингизга?” кесатди у. “Менга қаранг, мана бу аёл хомиладор экан. Агар қўрққанидан тўлғоқ тутиб, йўл-пулда туғиб қўйса, алвидо “постим” деб қоласизлар. Бу келинчакнинг умуман бизнинг бўлажак пикетимизга алоқаси йўқ. Нима қиласизлар идорага олиб бориб, сарсон қилиб, шу ернинг ўзида раҳбарларига қўнғироқ қилиб, аниқлаб, аёлни қўйиб юборинглар, тинчлик керак бўлса сизларга!” деб бир эмас, ўн бор талаб қилдим улардан. Йўқ, улар ҳам инсон экан. Ҳартугул, гапларимни эшитишди. Ҳомиладор аёлнинг кимлигига телефон орқали аниқлик киритишди-да, уни “қафасдан” озод қилишди. Анча енгил бўлдим. Ушла-қоч, ур-йиқит билан соат 12.00 ларга яқин бизни Мирзо булуғбек туман ички шлар бошқармасига олиб келишди. Келиб кўрдимки, ҳарқалай, пикетда иштирок этиш мақсадида келган ўттиздан ортиқ фуқаролардан анчаси “тут-а-тут!” чоғида қочишга, бекинишга улгуришган экан. Биз, бор-йўғи 10 нафар фуқаро ИИБчиларнинг тўрига тушган эканмиз.
Бизнингдек 10 нафар “жиноятчи”ларни тегов қилиш учун саккиз ярим соатлик фурсат керак бўлди. Бизни сўроқ-савол қилишга ИИБнинг терроризимга қарши кураш бўлимининг 4 нафар ходими беркитилган экан. Салкам соат 12.00 дан то 20.30 га қадар бўлган саккиз ярим соатлик тергов жараёнида, таассуфки бирор бир ИИБ ходими ўзини таништиришни лозим топмади.
Дервоқе, терроризмга қарши кураш бўлимининг ходамлари плакатларимизни олиб келиб ўз хоналарига, оёқ остига, полга қараб улоқтиришди….
Шахсан мени тергов қилган ходамга “Терговнинг ҳам ўз йўл-йўриғи бор эмасми? Аввал исм-шарифингизни, лавозимингизни, шахсингизни таништириб, кейин терговни бошламайсизми?” дегандим, у менга нописанд ва норози қараш қилиш билангина кифояланди, холос. Тергов ниҳоясида “терговчим”нинг номи Алишер эканлигини ҳамкасби унга исмини атаб мурожжат қилганида билиб олдим.
Бизларни ИИБ биносига олиб киришлари билан потоаппарат ва ведеокамералар олиб қўйилди. Нафақат олиб қўйилди, балки олинган барча ведиотасвирлар ва фотосуратлар ИИБ ходамлари томонидан ўчириб ташланди. Ҳатто барчанинг қўл телефонларини ўчириб, териб олиб қўйишди.
Ниҳоят тергов ҳаракатлари “бир ёқли бўлгач”, “қапқон”га тушган 10 нафар фуқародан уч киши –яъни, мен – Эшонқулова Малоҳат, Абдураҳмонова Саноат, Уралов Сардорлар Ўзбекистон Республикаси МЖтК 201 – моддасининг 1-қисми билан айбдор деб топилиб, иш зудлик билан судга оширилди. ИИБ ходамлари бизни кеч соат 20.30 ларда “дело”мизга қўшиб, Жиноят ишлари бўйича Мирзо Улуғбек туман судига олиб боришди. Ўзини Аширматов деб таништирган судья раислигида 15 дақиқа давом этган суд жараёнида биз- уччаламиз ҳам Ўз. Рес. МЖтК 201 – моддасининг 1-қисми билан айбдор деб топилиб ҳар биримизга энг кам ойлик иш ҳақининг 80 баравари миқдорида – 5.033.600 ( беш миллион ўттиз уч минг олти юз) сўм жамира жазоси тайинланди.
Суд жараёни ва судья томонидан чиқарилган қарорнинг ноқонунийлиги – бу таҳлилга муҳтож бўлган алоҳида катта бир мавзу. Шу боис, суд ва суд қарори масаласига кейинроқ алоҳида тухталишни, урғу беришни лозим топдик. Яхшиси, ушбу хабаримизда Мирзо Улуғбек туман ички ишлар бўлими терроризмга қарши кураш бўлинмаси ходамларининг ҳаракталарига тавсиф бериш билан чекланишг қарор қилдик.
Мени тергов қилаётган Алишер исмли ходим тергов охирлаб қолган бир пайтда Ҳакимова Зарнигорнинг кўзидаги кўзойнак шунчаки қўёшдан сақланиш учунгина тақилмаганлигини, аслида у махсус ведиокамерали очки эканлигини пайқаб қолди. Эсхонаси чиқиб ктеган ходамлар зудлик билан З. Ҳакимовадан “Очки”ни тортиб олишди. Очкининг флишкасини олиб, “чиғириқдан” ўтказиш мақсадида ўз “махсус лаборатория”ларига жўнатишди.
Суд жараёни тугагач, суд қарорини олиш учун то суд котиби қарор матнини тайёрлагунга қадар кутиб ўтиришимизга тўғри келди. Мобиль телефонларимиз, 
“ведио очки” ва фотоаппаратимизни қайтариб олиш учун яна Мирзо Улуғбек туман ИИБ биносига қайтганимизда тунги соат 22. дан ўтиб бўлган эди….
Шукурки, ИИБ ходамлари моб. Телефонларимиз ва фотоаппаратларимизни тилхат асосида яна ўзимизга қайтариб беришди. Бироқ, негадир ведиокамерали очкимизни қайтаришни исташмади.
“Алишер исмли ходимисиз билмасдан ведиоочкиларингни уйига олиб кетиб қолибди. Эртага кечқурун соат 17.00 дан кейин келинг, эртага топтириб бераман” деди ўзини Илёс ака деб таништирган ИИБнинг терроризмга қарши кураш бўлими бошлиғи. Зарнигор албатта бу таклифга кунмади. Ҳуқуқшунос маслаҳатига кўра мен дарҳол ИИБ бошлиғи А. Т. Юнусов номига ведио очкини қайтаришларини сўраб ариза ёздим. Ушбу аризамни топшириш учун яна ярим соат ИИБда қолиб кетишимзга тўғри келди, бирорқ барибир ИИБ ходамлари юқоридаги мазмундаги аризамни қабул қилиб олишдан бош тортишди.
“Телефон рақамимни ёзиб олинг: 267-72-76. Исмим Илёс. Ведиоочкингизни олиб кетган Алишернинг раҳбариман. Аризабозлик қилишнинг ҳожати йўқ, менга ишонинг, эртага олбатта асбобингизни топтириб бераман” деди Илёс ака мени ишонтиришга, тинчгина ортга қайтишга кўндириш учун муомалага ўтиб…
Барча фаоллар ўз уйларига етиб боришганларида, соат миллари 13 июннинг илк дақиқаларини кўрсатарди…
Мана сизга қирғизистонлик миллатдошлари тақдиридан қайғуриб, пикет ўтказишга бел боғлаган “Бирдамлик”чиларнинг бир кунлик қисмати! Зеро бизнинг ниятимиз ҳолис эди. Мақсадимиз
қўлимиздаги плакталарга 4 тилда битилган шиор ва талабларда ҳам аниқ ва тиниқ акс эттирилган эди:
Қирғизистонлик ўзбеклар ўз ерларида!
Ўзбек – Қирғиз миллатининг ўзаги бир!
Азимжон Асқаровга озод этилсин!
Ўзини химоя қилган ўзбеклар озод этилсин!
Йўқолсин миллатчилик!
Фарғона водийсига тинчлик!
Қирғизистонлик миллатдошларимизнинг камситилишига чек қўйилсин!
Қирғизистон фожиасининг айбдорлари қонун олдида жавоб берсин!
Қирғизистонлик ўзбекларга озодлик!
Қирғизистонлик ўзбекни таҳқирлаш тўхтатилсин!
Қирғизисизтон қирғини қурбонларининг оила аъзолари Қирғиз ҳукумати томонидан ҳар томонлама қўллаб-қувватлансин!
Қиғизистонлик ўзбекларга тенг кўз билан қаранг!
Временное правительство КР к ответу!
Свободу защишавшимся узбекам!
Свободу Азимжону Аскарову!
Узбеки в Киргизстане на своей земле!
Корни узбеков и Киргизов единый!
Свобода Узбеком защищавшие свою жизнь!
Мир Ферганской Долине!
Прекратить насилие над Узбеками В Киргизстане!
Под суд виновников Киргизской трагедии!
Всяческая поддержка правительства Киргизстана жертвам Киргизской трагедии!
Равноправие Узбеком в Киргизстане!
Uzbek people in Kirgizstan are in their Land !
Uzbek and Kirgiz peoples’ roots are same!
Freedom to Azimjon Asqarov!
Freedom to Uzbek people who defended their safety!
Get away Nationalism!
Peace to Fergana Valley!
Temporary Government of KR is being accused in crimes!
Freedom to Uzbek defended people!
Stop the Humiliation of Uzbek people in Kirgizstan!
Freedom to Uzbek people in Kirgizstan!
Law obligation to the Guilty Kirgizstan tragedy people!
Let support Victims of Kirgizstan tragedy by the Kirgizstan government!
Equal rights to Uzbek people in Kirgizstan!
Кыргызстан коргоогаланын айбкерлери закон алдында жооп беришсин!
Кыргистандагы коогаланда каза тапкандардын уй-жактама колдоп куббатталсын!
Кыргыстандагы озбектерге тен коз менен карагила!
Кыргызстандык улутташтарыбызды кемситилиши токтотулсун!
Кыргызстандык озбектер оз жеринде!
Озбектер менен кыргыз улутунун тамыри бир!
Азимжан Аскаров азат кылынсын!
Озуну коргогон озбектер азат кылынсын!
Жоголосун улутчулук!
Фергана оронуна тынчтык!
“Биpдамлик”чиларнинг 12 июнь кунги ҳаракатини Ўзбекистон суд-ҳуқуқ тизими пикет ўтказиш учун ҳокимиятдан тегишли тартибда рухсат олинмасдан, ноқонуний тарзда куча юришлари, митинглар, йиғилишлар ўтказишга уриниш деб баҳолаб, жазо чораларини қўллашни лозим деб топди. Бироқ, эслатиб ўтаман, Ўзбекистон Республикаси Конститутциясининг VIIIбоб: Сиёсий ҳуқуқлар бўлимининг 33-моддасида “Фуқаролар ўз ижтимоий фаолликларини Ўзбекистон Республикаси қонунларига мувофиқ митинглар, йиғилишлар ва намойишлар шаклида амалга ошириш ҳуқуқига эгадирлар. Ҳокимият органлари фақат хавфсизлик нуқтаи назаридангина бундай тадбирлар ўтказилишини тўхтатиш ёки тақиқлаш ҳуқуқига эга” дея белгилаб қўйилган. Биз бор йўғи Конститутцияда кўрсатиб ўтилган ўша ҳуқуқимиздан фойдаланишни истаган эдик, холос. Ҳокимиятдан тегишли тартибда рухсат олиш масаласига келсак, шахсан мен шу йилнинг 22 -23-июнь кунлари Тошкент шаҳар ҳокими номига, қолаверса, Тошкент шаҳар ички ишлар бошқармаси бошлиғи номига “Бирдамлик” халқ демократик ҳаракати Ўзбекистон бўлими етакчиси сифатида ўтказилиши режалаштирилган пикет хусусида бир эмас, икки маротаба билдирги ёзиб, ҳам почта орқали, ҳам ўз қўлим билан олиб бориб топширганман, хатто билдирги нусхасига қабул қилиб олинганлиги хусусида имзо ҳам қўйдириб олганман. Демакки, биз Ўзбекистон Республикаси Конститутцияси ва қонунлари талаб доирасида фуқаролик бурчимизни ўз вақтида адо этганмиз. Билдиргиларимизга тегишли идоралар ўз вақтида жавоб қилишмаган бўлса бизда нима гуноҳ? Тушуниш қийин… Ё у, ё бу маънода жавоб ололмаган бўлса “Бирдамлик”чилар айбдор бўлиши керакми? Қизиқ…. Ва яна Қирғизистонлик миллатдошлари тақдирига қайғуришнинг, ҳаётидан ҳавотир олишнинг, қўшни мамлакатда яшаётган ўзбекларнинг топталаётган ҳақ-ҳуқуқини тиклаш учун кўмак қўлини чўзишга интилишнинг нимаси ёмон?
“Бирдамлик” халқ демократик ҳаракати фаолларига нисбатан ҳукумат ғайриқонуний тарзда қандай жазо чорасини қўллашидан қатий назар кўнгилларга таскин берувчи бир нраса борки, у ҳам бўлса, ўззбекистонлик юртдошларимиз қирғизистонлик миллатдошларининг тақдирига бефарқ эмас. Бу, куни кеча ўтказилиши режалаштирилган пикет мисолида ўз исботини топди. Пикетда иштирок этиш мақсадида мамлакатимизнинг турли вилоятларидан 50 нафарга яқин фуқароларнинг, гарчи хавфни, хатарни сезган бўлса-да, ҳар қандай таҳдидларга мардонавор туриб, Пойтахтга етиб келиши, Қирғизистон элчихонаси томон боришга бўлган уринишининг ўзиёқ юқоридаги фикирларимизнинг далили.
Кимларнингдир назарида “Бирдамлик”чилар ютқазгандек кўриниши мумкиндир? Тўғри, қирғизистонлик миллатдошларининг тақдиридан қайғурган “Бирдамлик” халқ ҳаракати фаоллари пикет ўтказиш мақсадида то элчихона биқинига қадар бориб-да, гарчи ўз талаб ва шиорлари битилган плокатларини 2 дақиқа бўлсин кўтариб туришга муваффақ бўлмаган бўлса-да, турли вилоятларда истиқомат қилувчи лоақал 50 нафар фуқароларнинг бошини бир мақсад йўлида бирлаштириш, бирлаштира олиш борасида “Бирдамлик” муваффақият қозона олди деб иккиланмасдан айта олишимиз мумкин.
Малоҳат Эшонқулова
“Бирдамлик” Халқ демократик ҳаракати Ўзбекитсон бўлими етакчиси