Интернет сахифасида менинг номимдан берилган маколани укиб, узимда «портлаш» хис килдим. Бу кандай кабихлик, ким макола ёзишга журъат килди.. .ахир мен эмас-ку!!!…
Асли исмим Мубуда. Таниш-билишларим Махбуба деб аташади. Маргилон шахрида тугилганман. Мактабни аъло бахоларга битириб, яхши жойларда ишладим. Обру-хурмат, таниш-билишлар орттирдим. Турмушга чикиб, улар билан бахтли хаёт кечириб келаётган эдик. Бандачилик экан, турмуш уртогим хаётдан куз юмди. 3 нафар фарзандим ва жуссамдаги мургагим билан бева колдим. Эримнинг вафотидан кейин бир вактлар уйимизга тез-тез кадам ранжида килаётган кариндошлар, таниш ва билишлар холинг нима буляпти, деб сураб хам келишмади. Умр оккан дарёдек окиб, кичигим хам киз тугилди. Уларни вояга етказишда махалла-куй, куни-кушнилар ёрдамларини аямадилар, огиримни енгил килишга кумаклашдилар.
Анна шундай доруломон кунларни куриб, фарзандларим билан тинч ва осуда хаёт кечираётган кунларимда, кимдир менинг номимдан интернет сахифасида макола берибди. Бу гапларни эшитиб, узимни куярга жой тополмадим. Махалладагиларнинг «дардингизни дунёга достон килишга уялмадингизми, сизга ким 2 та нон олиб келади ёки рахмат айтади, тузини еб, тузлугига тупуриб нима килардиз…» деган гаплари мени пичоксиз суйди. Шу кунга кадар интернет мавжудлигини билсамда, бирор маротаба уни кандай ишлашини курмаганлигим алам килди. Мени уша хат ким томонидан ёзилгани ва ундаги гаплар кизиктирди. Не куз билан курайки, маколанинг бошланишида, кора хижоб кийган ёшгина аёлнинг сурати куйилган.
Хатни укиб чикиб, янада ахволим огирлашди. Асабларим дош беролмай, хушумни йукота бошладим. Миямда чархпалакдек айланаётган саволлар мени кийнайди. Бу курук гаплар, курук сафсата, ёлгон маълумотлар кимга керак? Ким мени номимдан гапиришга хукук олди? Ким мени оилавий ишларимга аралашишга журъат килди? Ана шу маълумоти учун уша киши канча маблаг олди экан? Агар одамларга куйиб берсанг, сенинг устингдан «магзава» агдариб, номингни, «ёмон отликка» чикаришдан, дуст-душман, эл-юрт олдида кадр-кимматингни тукишдан тоймас экан… Вужудимни нафрат чулгади.
Шу онда интернет деган турдан нафратланиб кетдим. Зиёли оиланинг фарзанди булганим учун окни корадан, яхшини ёмондан ажрата оламан. Маколанинг айрим жойлари мени таажжублантирди. Масалан, «4 нафар фарзандим билан акамнинг уйида яшаяпман. Акам дардман, кандли диабет билан огриган, бир оёкларини кесиб ташлашган» деб курсатиб куйибди. Во ажабо! «Ёзувчи» менинг хонадонимга качон келган эканки, акамнинг касаллигигача билса… ахир акам бундан 3 йил илгари вафот этган-ку! Унинг вафотидан кейин 2 кизимни турмушга бердим, набирали хам булдим. Хозирда 2 кизим билан яшаяпман. Якинда махалладаги тадбиркорлардан бири «кам таъминланган, бокувчисини йукотган» аёл дея менга согин сигирни боласи билан хадя килди. Оллохга шукрона келтириб, яшаб келаяпман. Тинч ва осуда хаёт кечираётганим, оёк ва кулларим бутлиги, кузларим куришининг узи мен учун бахт. Менга яна нима керак?!… Турмуш уртогимга келсак, хакикатдан хам умр йулдошим 13 йил илгари вафот этган. Нега энди утган йилларни эслатиб, ярамни янгилашади! У кишини гурида тинч ётишига халал беришади!
Сузимнинг якунида «хат муаллифи»га баъзи гапларимни етказиб куймокчиман: агар сенда озгина виждон булганида эди, мен билан юзма-юз гаплашиб, аник маълумотларни олган булардинг. Бугун мен сен уйлагандек огир шароитда яшаётганим йук, болаларим хам оч колгани йук. Нега мияга тушган куртдек мени кийнаяпсан? Мени номимдан гапиришга ким хукук берди сенга, манкурт! Мени хам узинг каби «ватангадо» килмокчимисан? Иссик-совук кунларимда ёнимда турган кишилардан, якинларимдан айирмокчимисан? Мен мана шу жаннатмакон юртда тугилганман, нон ва тузини ичдим ва унга хиёнат килмайман…
Куриб куйинг! Суратдаги мен Мубудаман ва мен уз хаётимдан мамнун турибман.
Мубуда Умаралиева, Маргилон