Альянснинг матбуот марказига мажбурий оғир меҳнат натижасида Фарғоналик маҳкума Султонова Гулбаҳорнинг 6 ойлик ҳомиласи тушгани ва унинг оғир аҳволига маъмурият эътибор бермаётгани тўғрисида Зангиота туманида жойлашган 14-колониядаги маҳкумалардан хабар келди. Султонова Гулбаҳор бу колонияда маҳкумаларга нисбатан қилинаётган муносабатга норозилик белгиси сифатида колониядан қочмоқчи бўлган, аммо маҳкумалар аввал бу ҳақда ҳуқуқбон Елена Урлаевага хабар беришга уни кўндиришган.
Елена Урлаева маҳкумалар билан учрашганда уларнинг ҳуқуқлари бузилиш ҳолатларига тез эътибор қаратишга ваъда берган эди.Султонова Гулбаҳор билан бўлган телефон суҳбатидан сўнг дарҳол 291 68 95 рақамини териб ИИВнинг ишонч телефонига қўнғироқ қилган ва Султонова Гулбаҳор ҳақидаги маълумотни қабул қилишни талаб қилиб, бир соатдан сўнг 14 –ЖИЭКдаги маҳкумаларнинг ҳимояси учун ҳуқуқбонлар Ўзбекистон президенти қароргоҳини пикет қилишларини айтган. Ўша пайтда Елена Урлаеванинг уйида ҳуқуқбонлар Гавҳар Бердиева ва Акромхўжа Муҳитдиновлар бўлиб, улар пикетга бориш ниятида плакат тайёрлашмоқда эди. Бу ҳуқуқбонлар ортидан бир нечта машинада пойлоқчилар эргашиб келишган эди. Ишонч телефонига қўнғироқ қилинганидан сўнг уйнинг қаршисида, президентнинг Қибрайдаги қароргоҳига борадиган йўлда турган шу автомашиналардан бири қароргоҳ томонга елиб кетди. 5 минутдан сўнг ИИВнинг навбатчи қисмдан қўнғироқ қилиб ҳуқуқбонлар қачон пикетга боришларини Елена Урлаевадан сўрашди. Елена Урлаева бир неча минутдан сўнг плакатлардаги гуаш қуришини ва уйдан унча узоқ бўлмаган қароргоҳга етиб бориш учун яна бир неча минут кетишини айтган.Бир неча минутдан кейин Елена Урлаевага бир маҳкума қўнғироқ қилиб кутилмаганда маҳкума Султонова Гулбаҳорни экспертизага олиб кетишганини айтган. Ҳуқуқбонлар пикетни қолдиришган ва навбатчига маҳкумага тез кўрсатилган ёрдам учун миннатдорчилик билдиришган. Иш 14 минутда ҳал бўлган. Ҳуқуқбонлар ИИВнинг бунчалик тез ҳаракат қилишини кутмаган эди.Альянс ҳуқуқбонлари Султонова Гулбаҳорни ва шу колониядаги маҳкумаларни ҳимоя қилиш ниятидалар ва Халқаро Қизил Хоч ташкилотини делегатларини бу колониянига боришга чақиришади. Альянс ҳуқуқбонлари Ўзбекистон ИИВнинг ЖИЭББсидан Султонова Гулбаҳорга тез тиббий ёрдам кўрсатишни, прокуратурадан 14 – ЖИЭКсининг айбдор ходимларини жазога тортишни талаб қилади.
Альянснинг матбуот маркази. Тошкент,Ўзбекистон.