7 ёшли Машуров Муҳаммадни сиқувга олаётган 211- мактаб директори Мансурова Зулхумор ва шу мактаб педагогларининг бедодлигини тўхтатишни талаб қилиб, Тошкент шаҳридаги Халқ Таълими Вазирлиги биноси ёнида ҳуқуқ ҳимоячиси Урлаева Елена 2012 йилнинг 13 январ куни соат 11 да пикет уюштирди. Пикет давомида ҳуштак чалиб турилди. 19 қаватли вазирликнинг деразаларидан ходимлар ташқарига қарашди. Бир неча милиционерлар югуриб келиб, плакатларни йўқотишни талаб қилишди. Урлаева Елена Халқ Таълими Вазири чиқишини талаб қилди. 10 минутдан кейин Вазирликнинг вакили Носиров А. чиқиб, Ўзбекистонда қоғоз тақчиллиги сабабли президент совғалари – алифбе ва ёзув дафтарларини макулатура учун олиш тўғрисида буйруқ борлигини тасдиқлади. Машуров Муҳаммаддан ҳам ҳамма китобларни олиб қўйишган эди, лекин пикетдан кейин ҳаммасини қайтариб беришди. Улар 211-мактабда Муҳаммадга рисоладагидек ўқишга қўйишмаётгани, педагоглар доимий равишда ўқувчилардан пул талаб қилишлари, мактаб деворлари таъмирга муҳтож эканлиги, уларнинг сувоғи тушиб кетаётгани, мактаб ёпиқ режимдаги объектга айлантирилиб, унга ота – оналар киритилмаётгани ҳақидаги аризани Еленадан қабул қилиб олишди. 2012 йил 12 январда Урлаева Елена 211 – мактабга борганида иккита ўқувчи 9 ёшли болани шавқатсиз ураётганини гувоҳи бўлган, лекин педагоглар милиция ва шифокор чақириш тўғрисидаги Урлаева Е.нинг талабини бажариш ўрнига, калтак еб йиғлаётган бечора болани синфга олиб кириб кетишган. Еленани эса мактабдан чиқариб юборишган. Пикетдан сўнг Урлаева Елена ҳеч қандай тўсиқсиз мактабга кирган, Машурова Лилия эса Машуров Муҳаммадни олиб кетган. Эҳтимол, мактаб директори Мансурова З. бошлиқларнинг олдига чақирилган бўлса керак.
Альянс матбуот маркази. Ўзбекистон, Тошкент.