Жиззах вилояти Ғаллаорол тумани ХТБ мудирининг буйруғига биноан барча мактаб ва ўқув муассасаларидаги мураббий ва ўқитувчиларнинг ойлик маошларидан ҳар ойда мажбурий равишда бир кунлик иш ҳаклари ушланиб қолинмоқда.Ҳар бир ўқитувчининг бир кунлик иш ҳаққи тахминан 40.000 сўмни ташкил этади. Ғаллаорол тумани бўйича 90 та умумтаьлим ўрта мактаби бор. Бир ойда мажбурий равишда ушлаб қолинган бир кунлик иш ҳаққи милион-милион сўмни ташкил этади.Бундан ташқари расман эьлон қилинган шанбалик, яьни умумхалқ хашари учун барча ўқитувчиларнинг ойлик маошларидан мажбуран икки кунлик иш ҳақлари ушланмоқда.
Ўқитувчининг олаётган икки кунлик иш ҳаққи тахминан 80.000 сўмни ташкил килади.Бундай қароқчиликдан норози бўлган ўқитувчилар ХТБдаги ҳисобчиларидан нима сабабдан шанбалик кўпайиб кетаётганлигини сўрашганида бу мудирнинг буйруғи деб жавоб берган.Мудир Абдуғофур Норқулов хашардан тушаётган нақд пул тушимининг бир сўмига ҳам хиёнат қилинмасдан туман ҳокимлиги қошидаги Нуронийлар жамғармасига ўтказиб берилаётганини айтган. Ҳеч қаерда ҳар ой тўхтовсиз хашар бўлмаса керак. Шанбалик, яьни хашар расман эьлон қилинганида барчамиз қатнашишимиз шартлигини жуда яхши биламиз.ХТБ мудирининг буйруғига биноан ўтказилаётган ҳар ойлик хашар нима сабабдан бошқа ташкилотларда йўқ? Ўз ҳуқуқларини билиб ҳақларини бекордан – бекорга ўзгаларга бермайдиган баьзи бир ўқитувчилар ҳар ойда ёлғондан бўлаётган хашар учун бир сўм бермасдан тўғри қиладилар.Ҳамма ўқитувчилар улардан ўрнак олса яхши бўларди.
Шундай ўқитувчилардан бир нечтасини мисол келтирсак бўлар эди, аммо ўзлари илтимос қилишгач уларнинг исми – шарифларини кўрсатмасликка қарор қилдик.Расман эьлон қилинган шанбаликка ҳеч қайсимизнинг қаршилигимиз йўқ, аммо ҳар ой ўтказилаётган шанбалик бир эмас бир кун ўқтувчиларнинг сабр косасини тўлдиради.
Г.Бердиева. Жиззах.