1, 2. Бағишлов
3. Маснавий (таржима)
***
АХМАД ҲОЖИ ХОРАЗМИЙГА
қўш рубоий
***
Иҳтисоб қилсанг ҳисолин, етмағай субҳа,
Тахлил этсанг ҳасби ҳолин, қолмагай шубҳа:
Ушбу то тирноғи истиъдод мутафаккир –
Ахмад ал Бируний авлодиға мансуб, ҳа!
***
Соҳа-ю мавзуда ҳар ул сўйлагай холис,
Асру файз олурким ул бор давра-мажолис,
Этса ҳам ночор бугун ҳижратда иқомат,
Нур таратгай абр аро ул муштарий олис!
***
Жалолиддин Румийдан
НАЙ НАВОСИ
На хикоят айлагай най, тинглагил,
Ул фироқдин навҳа қилғай, тинглагил:
Келтуришди масканимдин қатъ этуб,
Эркагу зан йиғлади нолам етуб.
Бир ўзимдек излаб афгор, бўзлагум,
Нағма бирла ҳасратимни сўзлагум.
Бўлса мендек кимки аслидин жудо,
Қумсаб аслин васлини, қилғай нидо.
Кўрдим асру давралар нолон ўлуб,
Хурраму бадҳол била ёрон ўлуб.
Ҳар қим унсим ўлди нағмам эшитуб,
Туймади ҳеч кимса лек сирримни туб.
Сиррим эрди мунтабиқ нағмам аро,
Кўзни тўсди, нур сўниб, чобун қаро.
Танга жон, жонга тан эрмасдур бақо,
Жон тайинлиқ касга йўқдур мутлақо.
Най навоси оташ эрур, сас деманг,
Кимда оташ йўқдур, ани кас деманг.
Ишқ эрур бул най куюб, ёймиши ун,
Ишқ эрур май ҳам жўшуб, ўлмиши хун.
Кимки айру ёридин, чин дўсти най,
Қилгай авжи бирла кўб фаррасти най.
Борму найдек заҳри тарёқ дуняда,
Борму бормиш унси ҳар ёқ дуняда?
Най баёни – қонли йўллар ҳақида,
Мажнун ишқи мавзу достон-ақида.
Асли, аҳли хушнамо хушёр эмас,
Тилга гўшдин жуз шафиъ даркор эмас.
Бўлди тун қоронғу ҳар равшан куним,
Бўлди собит ҳажр ила рахзан куним.
Ўтса кунлар ўтсин, армон туйма кўп,
Сен бўл омон, анисим пок, куйма кўп.
Моҳи танҳо сувға меъёр истамас,
Ҳеч сабаб, ўлсанг ғариқ, сарриштамас.
Ҳеч тафаррус қилмаса пухтани хом,
Қил суҳанни қисқа эмди ва мудом.
***
Бўлгил озод, эй ўғил, кишанни еч,
Бўлса ҳам заррина бул завлона, кеч!
Ямни қуймоқ хумчага бир зое иш,
Унга бир кунлиғ сиғар ризқу хўриш.
Нафси асло тўймас очкўз касни ҳар,
Сабр ила қилгай садаф хосил гуҳар.
Кимда-ким ишқи сабаб ўлди юпун,
Тўқдур анда дийда ва иймон бутун.
Шодлан, аё ишқимиз, хабибимиз,
Жумла иллатлардин, эй табибимиз!
Сен эрурсан қалбимизнинг минуси,
То бу кун Афлотуни, Жолинуси.
Жисми хокийни учурдинг арш аро,
Рақс этуб, ўлди ун-ун тоғу хоро.
Кирди, эй ишқ ахли, Турға жону хуш –
Тур тўкулди, қуллади Мусо бехуш.
Гамғусорим бўлса эрди ҳамнафас,
Айлар эрдим най каби анга касас.
Эрур ўз аслидин айру киши гунг,
Килса ҳамки сад шевада ул гурунг.
Равза гулсиз чўлга қолгай айланиб,
Куйлагайму анда илхон андалиб?
Барча маъшуқ, парда як ошиққа сад,
Зиндадур маъшуқ вале ошиқ жасад.
Чун бепарво ишқ ани кўрмаса хуш,
Ул забундур мисли беажниха қуш.
Хўш, кўрай гирдимни қандай мен фақир,
Сочмаса ёнимда нур ёрим, аҳир.
Истагай ишқ ани тил қилсун баён,
Ойинадин акси йўқ надур хаён?
Билки, кўрсатмагай акс ойинанг –
То юзуни қоплагай ғубору занг.
Тингланг, эй ёрон, бу достонимиз –
Ҳасби ҳолу тавбаю пушмонимиз!
***
Андижон
18 12 2011
***
Изоҳ:
*… Рубоийлар рукнлари: фоилотун фоилотун фоилотун фаъ;
*… Маснавий рукнлари: фоилотун фоилотун фоилун.
*… Маснавий, ҳозирда Саудия Арабистонида меҳнат ва ижод қилаётган мавлоно Сайфиллоҳ Шокирийнинг ёрдамида таржима қилинди.