Башорат Хидирова
Бирор – бир миллий, этник, ирқий ёки диний гуруҳни бутунлай ё қисман йўқ қилиш учун қилинадиган ҳаракатлар БМТнинг 1951 йил 12 январда қабул қилинган Конвенциясининг 2 моддасига мувофиқ геноцид ( қатлиом) деб баҳоланади.Бутун дунёда одамлар уруш, очлик,қурғоқчилик билан курашаётган вақтда бизнинг Ўзбекистонда инсониятга қарши жиноятлар содир қилинаяпти. Болалар ва катталар мажбуран пахтага чиқарилмоқда. Улар буни хоҳлайдими ё йўқми ҳеч кимни қизиқтирмайди. Улар одам яшашга мослаштирилмаган баракларда яшашга мажбур. Улар ифлос сув ичишади , меҳнатларига муносиб ҳақ тўланмайди. Бу 74 йилдан бери давом этиб келмоқда. Шу пайтгача ҳеч ким шу нарса учун жавоб бермади.Ҳолбуки, 1950 йилнинг 4 ноябрида қабул қилинган “Инсон ҳуқуқларини ва асосий эркинликларини ҳимоя қилиш тўғрисидаги” Европа конвенциясининг 4 – моддасида : “ Ҳеч ким мажбурий меҳнатга жалб қилинмаслиги керак” – дейилган. Бизнинг ҳукуматимиз бунга бефарқ бўлса,мен дунё жамоатчилигини бунга эътибор беришга чақираман.
Бизнинг мамлакатда ҳатто бола туғиш таъқиқланган.1948 йилнинг 9 декабрида БМТнинг Бош Ассамблеяси 260 резолюцияси билан тасдиқланган, 1951 йилнинг 12 январида кучга кирган Конвенциянинг 2 ва 2(d)– моддасида : “ Бирор бир гуруҳ тўла ё қисман қирилиб кетиши учун мўлжалланган шароитларни яратиш,бу гуруҳда бола туғилишини олдини олиш” геноцид деб аталган.
Бизда аёллар спирал қўйишга мажбур қилинмоқда.Поликлиниканинг барча ходимлари уйма – уй юриб спирал қўйишни тарғибот қилишга мажбур қилинмоқда.Мен ўзим ҳам мажбур қилинганим учун уйма-уй юриб аёлларни гинеколок чақираётганини айтишга борганман. Учинчи бола туғилганидан сўнг туғриқхонанинг ўзида аёлдан сўрамасдан унга спирал қўйилади.Агар аёл 4 – болани тўғмоқчи бўлса поликлиникада у яна туғишга журъат этганинидан ғазабланиб урушишади. Худди Хитойнинг ўзи. Ахир Хитой умуминсоний мезонларга бўйсунмайдику,худди Ўзбекистондек Бироқ ёрдам сўрашга жуда уста улар. Яна қайси мамлакатда шундай бедодликлар қилинади? Тошкентдан қишлоқларга гинекологлар бригадаси чиқади ва текширув баҳонасида дарҳол аёлларга спирал қўйилади.Аёл буни билмайди ҳам.Одамлар устида тажриба ўтказган фашистлар ёдга келади.Қаерлардадир нанотехнологиялар мавжуд,бизда эса ўрта асрлар. БМТ 1951 йилнинг 12 январида қабул қилган Конвенциянинг 4 – моддасида: “Конституцияга биноан раҳбар, маъсул ёки хусусий шахс эканлигидан қатъий назар геноцидни ёки 3 –моддада кўрсатилган ҳаракатларни амалга оширган шахслар жазога тортилади” дейилган. Шу Конвенциянинг 5 – моддасида битимга қўшилаётган тарафларни ушбу Конвенцияни кучга киритиш учун ўз Конституцияларига мувофиқ равишда қонунлар қабул қилиш кераклиги кўрсатилган бўлса, 6 –моддасида:” Геноцидни ёки 3 –моддада кўрсатилган ҳаракатларни амалга оширда айбланган шахслар ҳудудида бу ҳаракатлар амалга оширилган давлатнинг маъсул суди томонидан ёки ушбу Конвенция тарафларига нисбатан юрисдикцияга эга халқаро суд томонидан суд қилиниши керак” дейилган.