Ҳўкиз, яъни бичилган мол бутун ер куррасини битта ўзим бир шохимда кўтариб тураман, дер экан. Бу албатта бўлмаган нарса. Шунчаки кимдир тўқиган латифами ё ривоят. Лекин Бирлик деган гуруҳчанинг гуруҳбози Абдурайим Пўлатнинг бир ўзим бутун дунё мувозанатини сақлаб турибман, деган тентакона ўй суриши латифа ё ривоят эмас, балки айни ҳақиқат.
Авваллари кўпчилик унинг мияси кирди-чиқди бўлиб қолган, дейишса ишонмасдим. Ишонсам ҳам, нима кераги бор ўзи руҳи бузуқ дардманд одамни касаллигини юзига солиб, деган андишада юрардим.
Лекин жиннини-жинни деса пичоқ дами кўтарилади, деган нақл нақадар топиб айтилганлигига яна бир бор шоҳид бўлгач, унақанги руҳий беморларни арқон билан боғлаб ёки кишанлаб қўймаса атрофдагиларга кўп зиён етказиши мумкинлигини кўрдим.
Неча йилларки Пўлатов фақат бир ўзим айтганим тўғри, қолган бутун бошли ўзбек халқи қорамол, дея ўзининг Ўзбекистон диктатори Ислом Каримовга садоқатли хизматини хаспўшлашга уринади. Аслида ўзи ҳўкизлигини унутиб, тез-тез ўзи каби мухолифатни бўлиб ташланишига хизмат қилган бошқа бир сафдошини қанақадир рақам билан хоинликда айблаб келади. Бу айтаётганларим янгилик эмаслигини кўпчилик билади. Янгилик шундаки, Пўлатовнинг руҳияти кеча ё бугун эмас анча илгари, адашиб мухолифат ичига кириб келгандаёқ бузуқлигига исботнинг топилганида.
Балки интернетни мунтазам кузатиб борадиганлар кўришгандир. Яқиндан буён видеотасвирда кўринишидан террорчи қиёфасида намоён бўладиган Абдурайим Пўлатовнинг аслида кимлигини ошкор этувчи лавҳа тарқатила бошланди. Уни бир қарашда «яна анави руҳи бузуқку», деб ўтказиб юборгандим. Лекин қайси манбаъни қарамайин қирчанғи эшак суйкалган каби ўша лавҳа. Ҳа, бир гап бор шекилли , дея синчиклаб кўрдим. Не тонгки видеолавҳада диктаторни, диктатурани йиқиш йўлига чиққан халқни Пўлатов деган зот, зўравон ҳукуматга таслим бўлишимиз керак, деб йўлини тўсиб турибдику. Токи одамлар ҳафсаласи пир бўлиб ортга қайтмагунча у таслим бўлишни такрор-такрор қайтариб туради ўша видеолавҳада.
Ўша даврларда халқ куч эди, денгиз эди. У ҳар қандай тўсиқни енгадиган қудратга айланганди. Лекин ўша кезларда Пўлатов сингари режим малайлари халқнинг ҳурлик учун ёниб турган юрагига сув сепганлари тарихда ҳеч кечирилиб бўлмас хоинликдир.
Эй, одамлар кўзингизни очинг! Бугун ҳам Пўлатов ва унинг ҳамтовоқлари ҳукумат билан мулоқот, муроса қилиш керак, дея аҳмоқона даққи ақидаларини сингдиришга уринишмоқда.
Дарвоқе бу галги мавзуга асос бўлган видеолавҳани сиз ҳам кўринг. Одам қиёфасидаги дажжолнинг бугун ўзи қорамол, деб атаётган халқнинг шаштини қандай синдирганига гувоҳ бўласиз.
Ризо Обидов,