Носир Зокир
Қутби Носирова деган журналист аёлни эслайсизми? Тўғри бундай номларни бугун кўпчилик эсламайди. Айниқса қайта қуриш пайтидан бошлаб хозиргача хокимиятни қайсидир бўғинида ишлаётган амалдорлар, Қутби Носировага ўхшаган мард журналистларни номини эшитса, хозир хам алахсираб, бир чўчиб тушсалар керак.
Опани ўша пайтларда эълон қилган мақолалари катта шов-шувларни келтириб чиқарар эди. Яқинда Қутби Носированинг 1990 йил чоп этилган «Муштум» журналини кутибхонасидан ўрин олган, «Хар қалай олдинда нур бор» деб номланган рисоладаги «Қарсакбозлар ишлар қалай» номли мақоласини қайта ўқиб чиқдим ва қаттиқ таъсирландим. Чунки хозир хам қарсакбозлар бир зални тўлдириб, қўллари қавариб кетгунча қарсак чалаяпдилар. Шу мақолани сизларга хам илиндим. Қутби опа бу мақолаларини киноятли фикрлар билан бошлайдилар. Бу фикрлар худди бугун янграётгандек туюлади.
«Ў, ошна , бошингдан тилла сочворсаям , кам сочяпсан дейдиган ношукур экансан. Куфр кетма. Юртимизни саховатини қара, қуёш мўл-кўл нур сочиб турибдими, уйингда бўлмаса бўлмабди. Лекин қувури шундоқ қишлоғингдан ўтиб мағрибу машриқни обод қилиб ётибдику. Кўчангга асфалт кирмаган бўлса нима бўлибди. Хар қалай, эшак-ўлов адашмай юриб турибдику. Борини жиловини бўшатиб юборган ўзинг, яна тутайсана? Шох Искандарнинг сартароши дардини қудуққа айтгандек, пана-панада жириллаганинг жириллаган. Гапинг былса баралла айт. Унга у гапни , бунга қараб бу гапни маъқуллайсан. Юртнинг кафилини олган каттанг, саратонда бозор кезиб «шафтоли нега 3 сўм?- деб савол беради. Ўзини шу тариқа халқни холидан хабар олган kилиб кўрсатарди. Нарх навони кўтарилиши нимадан келиб чиқишини нахотки тушунмаса…
Одамларга ишонч йўқолди. Ихлос қайтди. Улар «катта»ни бозор айланиб, нархни тушира оладими, « энди кимга кимга ишонса булади?» деган хулосага келишди… Ў, ошна , гапларимни ёқмаяпдими, нега мудрайсан? Кўзингни катта оч, эл севган ижодкорлар хайқирдилар… «Бас Етар!» ўзинг ўйла, ошна, бизда одамлар… эндигина ошкора фикрлашга ўрганаётган эди.
Бу эса баъзиларга «Бош кўтариш» бўлиб туюлаяпди. Фитрат зап топиб айтган экан. «Тафаккури юксак бўлмаган одамлар, қўйларга ўхшайдилар», хар хусусда чупоннинг тобейидирлар. «Э , сен бу гапларга тушунармидинг ошна. Сенга отпуска олиб тушунтиришга туғри келади. Халқ ноумид шайтон дея, амалий ўзгаришларни кутди. Турмушни яхшиланишига, пахта яккахокимлигини тугалланишига , пахта ва пиллани нархи оширилишига , хонадонида қут-барака ошишига умид боғлади. Ёзувчи олимлар, қадрият масалаларини кўтариб чиқа бошлашди. Афсуски, уларни тинглаш, тахлил қилиш ўрнига, ошини ошаб, ёшини яшаб бўлган услублар ишга солинди.
Яна «тинчланинг, ишлар жойида! »деган амирона хирқи овоз қулоқларини қоматга келтирди. Вахоланки, жумхуриятнинг 43-45 фоиз ахолиси бечора-хол хаёт кечиряпди. Март ойида бўлган агросаноат ходимлари қурилтойида бормидинг ошна? Машхурликка умидвор бир ёзувчимиз, Сиз бизнинг Наврузимизни қайтариб бердингиз, бу жасоратингиз учун рахмат, дея ялтоқланишидан хам уялмади. Товба бундан минг йил аввл хам Навруз юқоридан тушган қарор билан нишонланганмикин…
Ижтимоий – иқтисодий муаммола қон тўкиш йўли билан хал этишга хаммамиз қаршимиз. Аммо анна шу муаммолар неча ёки бугун пайдо бўлиб қолмаганку…
Анна шундай шароитда ёшларни курашчан рухда тарбиялаш ўрнига, «Тинчланинг болаларим» дея, лоқайдликка, хотиржамликка чақирмаяпмизми? Э, ошна сен билан мени ана шундай тарбиялашган. Ошкора фикр айтиш учун рахбарни кетишини пойлашимиз, шундан ў, ошна, кЎзингни оч.
Рахбаринг обруси халқига фидойийлиги, халқ йўлида олиб бораётган хайирли ишлари билан ўлчанади. Халқ яна кутмоқда.. бу ёғи нима былади? Тамом.
Нима учун бугун матбуотда ана шундай муаммолар ёритилмайди? Нега совет даврининг қайта қуриш йиллари ёритилган. Нима, ўша пайтдаги муаммоларнинг барчаси ўз ечимини топиб бўлдими? 20 йил ичида бошқа муаммолар пайдо бўладими? Матбуотда «Демократик ислохотларни чуқурлаштириш» деган сўз хар куни янграйди. Демократик ислохотлар матбуот эркинлигидан бошланади. Кўриб турибмизки матуботимиз, 90- йилларидан орқага қараб кетибди. Тушунмадим, ўзи нимани чуқурлаштиряпмиз, мақтовними?
***
Саломат бўлинг!