Маълумки, мен Сизларнинг сайтингизга Жиззах вилоятида бўлаётган турли
кўзбўямачиклар ҳақида мақола ва хатлар ёзиб келаман. Менинг
мактаблардаги юлғучлик ва баъзи тиббий муассасалардаги
кўзбўмачиликларни фош этиб ёзган мақолаларимни ҳам ўқувчилар ҳукмига
ҳавола этгансизлар. Худди шу хил ҳаракатларим сабаб, менинг ўзимга ва
яқинларимга босим ўтказиш бошланган. Шу йил 24-июн куни мени Ғаллаорол
туман ички ишлар бўлимига олиб кетишди. Жиноят қидирув бўлими (ЖКБ)
бошлиғининг олдида укам Йўлдошев Икром ўтирибди. Мен жкбнинг бошлиғи
Фурқатдан нима учун укам у ерда ўтирганлигини сўрадим. У менга
укангиз қўл остидаги ишчилари билан бирга жиноят қилган деб айтди.
Укамни четга чақириб нима гаплигини сўраганимда чойхонасига 4-та
Самарқандлик аёллар овкатланиш учун киришганини овқатланиб бўлишгач
чойхонага қайтиб кириб 500-доллорлик телефонимни ўгирлаб олдиларинг
деб туман ички ишлар бўлимига ариза беришганини айтди. Аризада яна
1кг жизнинг ўрнига 05кг жиз беришди, овкатланганимизга 75.000.минг сум
пул олишди, деб қўшимча қилишган эмиш. Жкбнинг бошлиғи укамдан
чойхонанинг ҳужжатларини: ишчиларининг медосмотирини, Давлат солиқ
қўмитасидан керакли ҳужжатларни ҳокимият тамонидан рухсат берилган-
берилмаганлиги ҳақидаги ҳужжатларни тақдим қилишини талаб қилибди.
Укамнинг менга билдришича,бир неча кун олдин, унга 15 ёшли йигит
чойхонага келиб, ўзининг яшаш шароити оғирлигини, кийими йўқлиги учун
мактабга чиқмаётгани, кийим-кечак олиш учун бир жойда ишлаши
лозимлигини айтган. Укам кўнгилчан: йигитчани тугри тушуниб чойхонада
у бу ишларни килиб туриши учун ишга олган, хар куни булган савдога
караб 8.000.-10.000. минг сумдан пул бериб турган. Хозир укамга опанг
болалар меҳнатига қарши курашади, сен вояга етмаган болани меҳнатга
жалб қилгансан деб жиноий иш очган. Ҳозир Ғаллаорол туман ички ишлар
бўлимига укам билан бирга тўрт киши суруштирувга катнашмокда.Мен 24
июнда кеч соат 6-лардан 12гача ушлаб ўтиришди. Укамни ишчилари билан
бирга мендан сал олдинрок куйиб юборишибди.Укамни хозир ички ишларга
катнашдан бошка иши колмади. Жкб бошлиғини айтишича, агар айблари
исботланса, укам давлатга ким канча минг сўм жарима тўлар эмиш. Мен бу
вокеани тасодифий булган деб тушунмадим, бу вокеа атайлаб мен учун
уюштирилган деб биламан.Сабаби ички ишлар булими 1-муовини Фарход
Туйчиев мендан тушунтириш хати ёздириб олишга харакат килди. У қаерда
қанақа тренинг бўлган бўлса кимлар катнашган, кимлар дарс ўтган,
ҳаммасини исми ва фамилиясини қўшиб тушунтириш хати ёзишимни талаб
килди. Мен у айтган шакл ва мазмундаги тушунтириш хатини ёзмадим.
Менга нисбатан дунедаги барча “чиройли” сузларни ишлатди.
Фарходнинг айтишича бу тушунтириш хати Жиззах вилояти Ички ишлар
бўлими бошлиғи А. А. Азизовга керак эмиш. Улар мени ёзишга
мажбурлашди, агар ёзмасам юкорида ўтирганлар қандай ёздириб олишларини
ўзлари яхши билишини айтишди. Ушбу хат мақоламда, нималар ёзиб
берганимни изохлаб утаман. Мен уларга тренингда қатнашганлигимни, аммо
иштирокчилардан ҳеч кимни танимаслигимни ва фамилияларини ҳам
билмаслигимни, тренингда кампютерни қандай ишлатишни ўргатишганлигини
ёзиб бердим.Качонки,Тошкентда биронта йигилиш буладиган булса мен шу
йигилишда қатнашсам хужайинимни ишдан бушатиб Юборишларини ҳам
айтишди. Максадлари мени хар тамонлама сиқувга олиш.
Мен ҳам сал кам журналист бўлиб қолдим. Ўзбекистон президенти хар бир
гапида журналистларга ҳаётдаги воқеаларни борича ёзинглар, деб талаб
қиляпти. Мен у айтгандек қиляпман. Бир бошда бир ўлим, бандасининг
қўлига кирган тикон хам яратган эгамнинг амри билан кираркан.
Пешонамда борини кўрарман, шундай экан, ҳақиқат ва адолат йўлидан
чекинмайман. Уларнинг айтишича, менинг орқамда суянадиган ҳеч ким йўқ
экан. Барча муаммоларни ўзлари ҳал килар эмиш. Мен Аллоҳга ва
ҳақиқатга, қолаверса, Бирдамлик ҳаракатига суянаман. Биздайларга бир
нарса бўлса, Сизлар сўраб суриштирарсизлар, деб умид қиламан.
Гавхар Бердиева.
ТАҲРИРИЯТДАН: мўътабар ва азиз синглимиз, Гавхархон! Сиз ҳақ йўлдасиз!
Сиз халқнинг ва ҳақиқатнинг, керак бўлса, Ўзбекистонда тўғри ишлаётган
маъмурларнинг ҳам дўстисиз. Ҳукуматнинг ҳам, кучишлатар тизимларининг
ҳам душмани эмассиз! Турли муассасаларда ишлаётган баъзи бир чаласавод
терговчи маъмурлар нозўровон йўл билан курашаётганларга босим ўтказиб,
ўзларининг ноқонуний ҳаракатлари билан Ўзбекистондаги шусиз ҳам омонат
бўлиб қолган тинчликка раҳна етказаётганларини, уларнинг бу
ҳаракатлари президентга ҳам ёқмаслигини (ахир унга тинчликнинг
бузилиши керак эмаску, тўғрими?) билишлари керак. Биз Сиз ҳақингизда
яхши фикрдамиз, суриштирамиз, керак бўлса, ўз каналларимиз орқали
президентга, Вилоят ва Республика прокурорига, Инсон ҳуқуқларини ҳимоя
қилувчи халқаро ташкилотларга мурожаат қиламиз. Сизни бор кучимиз
билан ҳимоя қиламиз. Сизга куч қувват ва бардамлик тилаймиз.
Бошқарув номидан Баходир ЧОРИЕВ.