Носир Зокир.
Ноодил хукмрон фақат ўзи учун яшайди. Ўзини мавқеини сақлаш учун ҳар нарсага тайёр туради. Шу кунларда Россия телеканали орқали Сталин ҳақида бадиий ва хужжатли фильмлар намойиш этилмоқда. «НТВ» телеканали орқали 9 май куни «Ғолиб ва Ғолиблар» номли Сталин ҳақида хужжатли фильм намойиш этилди.
«Хадеб Сталин ҳақида ёзаверар экан-да» деб мендан хафа бўлманг. Чунки, тарихий ҳақиқат шулки, Ленин, Сталин Гитлер, Муссолини, Франко кабилар асрнинг золим хукмдорлари сифатида, тарих сахифаларидан ўрин олишган. Уларнинг йўлидан кетаётган, улар сингари сиёсат олиб бораётганлар, бугун ҳам хокимият тепасида утиришибди. Албатта янгича сиёсат , янгича найранглар билан.
Юкорида айтиб ўтганим «Ғолиб ва Ғолиблар» номли хужжатли фильмда Сталин 2-чи Жаҳон урушидан кейин, уруш ғолиби фақат ўзи бўлиб қолиши учун, урушдан кейин халқ орасида обруйи ошиб бораётган генераллар қомонлардан тортиб, урушдан мажрух бўлиб қайтганларгача бир бошдан йўқ қила бошлайди.
Сталин аввал бир неча генералларни халқ душмани сифаида хибсга олиб, улардан Жуковга қарши кўрсатмалар ёздириб ола бошлайди. Лекин Жуковни отиб ташлашга Сталининг зулм машинаси ҳам кучсиз эди. Чунки, Жуковни обруйи 2-чи Жахон урушидаги ғалабага катта хисса қўшган Америка ва Англияда ҳам баланд эди. Сунг Сталин Жуковга карши кўрсатма берганларни отдириб ташлайди. Сталинни ўзи Америка ва Англия ёрдамида Гитлер устидан ғалаба қозониб Жуковга карши кўрсатма берганларни Америка, Ангиля махфий хизматларига ишлаганликда айблайди. Албатта, юкорида айтиб ўтганимдек Сталин халқ орасида ғолиб сифатида фақат ўзининг номи янграшини истар эди.
Сталинни асосий таянчи бўлмиш НКВД ходимлари, бир генерални қийнаб, «уруш ғолиб фақат Сталин» деб айтишга мажбур қилишади. Фильмни кўриб туриб, хозирги Сталинчалар хаёлимга келди. 1991 йил 17 март куни, собик совет иттифоқини сақлаб қолиш учун умум-халқ референдумида, бутун ҳалқни иттифоқда қолишга овоз бердирган, мустакиллик учун курашган мухолифатчиларни бир бутун СССР деган давлатни бўлиб юборишда айблаган шоввозлар, орадан 5 ой ўтигач ўз республикаларини мустакиллигини ўзлари эълон қилдилар. Ва хозиргача мустақилликни асосчиси сифатида ўзларини тарғиб қилмоқдалар.
Юкоридагига ўхшаган кўрсатувлардан бирида, бир уруш қатнашчиси чиқиб, «Бу ишлардан Сталинни хабари бўлмаган» деди. Агар рахбар ўз мамлакатида бўлаётган ишлардан хабари бўлмаса у ўша мамлакатни рахбари эмас. Агар, хабари бўлса, демак барча ишлар уни хоҳиш-иродаси билан бўлади. Бу исбот талаб қилмайдиган аксиомадир.
Амир Темур айтади-ки «Агар қонунлар бажарилмаётган бўлса, бунга хукмдор айбдор; у ёки бажариб бўлмайдиган қонунлар жорий қилгaн, ёки қонунларни бажара олмайдиганларни хоким қилиб тайинлаган».
Соғ бўлинг.