(сонет) *
Ҳар қаерда Ҳаёт бир асно –
Ватанда ҳам, элда ҳам олис,
Қилгай нуқул жафо нохолис,
Фароғи кам жуда, мустасно.
Не ҳаёндур қилсам насиҳат,
Асру кўп иш ўтди бошингдан.
Гар тилинг ёв ўсмир ёшингдан,
Ўзимда ҳам бор ушбу жиҳат.
Оқибатдан бўлсам-да огоҳ,
Вулқон янглиғ отиламан гоҳ,
Ва бўлурман тепкилашга тўп.
Қовурғалар синади, оҳ, воҳ,
Ошнолардан қолмайди арвоҳ,
Томошабин лек ҳамиша кўўп!
***
Андижон
3 05 2011
*… Сонет – Канадада мухожирликда яшаб ижод этаётган, ўзбек каламкаши Холдор Вулқоннинг 3 май таваллуд кунига бағишлов.