Якинда «Бирдамлик» сайтида кетма кет маколаларим чиккандан сунг уйимдан «мехмонлар» аримайдиган булиб колди.
2011 йил 6 март куни, уйимга, илгари Пахтакор хокимлигида ишлаган Убайдулла Низомов, Самарканд хужалигидаги «Кир дала» фермер хужалиги рахбари Урозали Турдалиев, Самарканд Кишлок Фукаролар йигини раиси Нормамат Жиянов ва яна бир ёш йигит кириб келишди. Бу йигит узин таништирмади. Урозали ака – Синглим Мен Сизга хеч нарса ёзиб бермаганманми, ёзиб чикаринг деб илтимос килмаганманми, нима учун Сиз raп угирлаб ёзаяпсиз? Ёшим бир жойга борганда мени сарсон килдингиз. Бугун эрталаб манна бу КФЙ раиси мени чакириб «Сиз ёзибсиз» деди. Мен кариганимда «ёзувчи» деган номни олдим.
Самарканд кишлок фукаролар йигини раиси Жиянов Нормамат эса «Бу кишининг угилларидан бири Тошкентда укишда укийди. Сиз бу ишингиз билан углининг оёгига болта ураётганингизни биласизми узи? Углига ёмон булади. Шуни Сиз биласизми?» деди.
Бу гапни эшитиб турган Убайдулла ака мийигида кулиб ерга караб куйди.
Мен албатта фермердан хафа булмадим. Аммо жамият катта ишонч билдириб, унга суяниб иш юритиш максадида куйилган, жамиятнинг ёш кадри булган бу маъсул ходимнинг, яъни Самарканд КФЙ раиси Жияновнинг саводсизларча айтган гапларидан ва фикрлашидан хафа булиб кетдим, кунглим озди. Бу раис билан кандай raп талашасан ёки фикрлашасан? Бундай фикрдаги ходимдан манфаатдор ким. Жамиятми? Халкми? ???…
Мен
-Урозали ака уша кунги ахволингизга ачиндим. Сиз гапираётганингизда мен уша ерда эдим. Мен Сиз мисолингизда бутун туманимиздаги (бир иккитадан ташкари) фермерларнинг барчасининг ахволи хакида, туманимиз банкларида булаётган холатлар хакида, фермерлар билан тузилган шартномалар томонлар томонидан вактида бажарилмаётганлиги, бундан фермерлар, ишлаётган ишчилар зарар кураётганликлари, бу йил эртаги томорка учун ер ажратилмаслигини эшитган фермер ишчилари ишдан совиб колаётганликлари хакида гапирдим ахир, -дедим.
-Сайда синглим. Буларнинг бари уткинчи холат. Утиб кетади. Худо хохласа хаммаси яхши булади Бундан кейин ёзсангиз ёзган кишидан албатта рухсат олиб ёзинг, хупми, – деб маслахат берди Убайдулла ака. Ёш йигит сухбатимизга кушилмади. Бу йигитни аслида ким томонидан жунатилгани маълумдир.
-Дастурхон олиб келинг бир тишлам нон олайлик. Бундан кейин ёзсангиз айтиб кейин ёзинг, хупми, – дейишди.
7 март куни эса, бир йигитча келиб телефон номеримни отаси сураётганлигини, отасидан эса кандайдир доктор сураётганлигини айтди. Мен телефон ракамимни бериб юбордим. Бир соатлар утгач телефон булди. Олдим. Тугрукхона мудири Абдуволи Косимов экан. Чиройли сурашди. Сурашдим.
– Опа нималар килиб юрибсиз? Бошим балога колиб кетди, -деди.
– Кимдир Сизни безовта килаяптими? Ёрдам бери юборайми? – дедим.
-Йуге, факат «Сенинг ишчиларинг айтибди. Уларни тартибга ололмайсанми? дейишдида деди.
– Сиз уларга «Мен иш пайтида ишларини назорат киламан, уларнинг фикрларини бошкаролмайман. Бундай килишга хаким хам йук» демадингизми. Бундан ташкари мен Бирон жойда «Абдували Косимов ёки тугрукхона мудири» деб ёзибманми? Мен хамширалар хангомаси оркали Пахтакор туманида пластик накт пул катори ишламаётганлигини бундан ахолии кийналаётганлигини, зарар кураётганлигини, назорат килувчи ташкилотлар томошабин булиб турганлиги хакида ёзганман, – дедим.
– Гапларингиз тугри, факат «тугрукхона» деб ёзибсизда. Хамширалар ёки касалхона ходимлари деб ёзганингизда буларди. Шуни тугрилаб куйинг, хупми? – деди.
Кай куз билан курайин, 3 кун утгач, 10 март куни бу сафар уйимга яна 3 таси бирин кетин кириб келди. Бир узини Инобат деб таништирди. Бири Раъно экан. Бири Раънонинг кариндошиман деди. Буни карангки, улар гуё бир бирларини билмасдан тасодифан бирга келишгандек тутишди узларини. Тажрибамдан, менга эса бу холат аллакачон ёд булиб кетган.
Уйимга киритмасликка хам хаким бор эди. Бирок уларнинг фикрини билишга кизикдим. Бундан ташкари Узбекларда «Уйга келганни ит копмас» деган накл бор.
Узини Инобат деб таништирганлари менга «Сизмисиз Сайда деганлари? Ёзиб эвазига четдан катта доллар олаётганингиз, бунинг жиноят эканлигини биласизми? Бунинг учун жавоб беришингизни биласизми? Гапиринг гапларингизни ёзиб олаяпман» дедида сумкачасини очиб ниманидар чирсиллатди.
– «Сиз кайси ташкилотдансиз?» деб савол бердим. У,
– Тошкентдан Президентликданман, – деди. Менинг гапимни эшитмасдан гапида яна давом этиб кетди.
– Сиз она (Раънога караб) нега йиглиб келиб утирибсиз? Бу кишини судга, (мени курсатиб) беринг. Оилангизнинг тинчини бузаяптими? Сизнинг нима хакингиз бор оилаларни бузишга. Сизнинг четдан доллор олаётганингизни керакли органлар айтишди. Бунинг учун жавоб берасиз хали. Мен керакли жойлардан билдим. Хали бунга аниклик киритаман. Куркмайсизми? Болаларингиз бор экан. Сиз пластика карши чикиш билан Президентимизга карши чикаяпсиз. Шуни билаяпсизми? Булар келинларингизми? Нечта келинингиз бор? Келинларингиз шу раддомда тугдими. Нима докторлар карашмадими, – дея бир канча саволлар берди.
Раъно йиглашга тушди.
– Оилам бузилиб кетай деяпти. Давленам кутарилиб кетаяпти, – деди. Ёнидаги аёл,
– Агар бунга (Раънони курсатиб)бир нарса булса сизни тинч куймайман – деди.
Раънога караб
– Сизни хакингизда оилангиз бузилиб кетадиган даражада ёки кон босимингиз шиб кетадиган даражада нималарни ёзибман, айтингчи
Хурматли Президент вакили Иноботхон! 3 та келиним бор. 4 углим бор. Яхшилаб эшитиб куйинг. Мен, Аллохдан бошка хеч кимдан куркмайман. Агар укиган булсангиз, мен туманимизда пластикдан ахолининг чунтаги зарар кураяпти. Нак пул каторида юрмаяпти. Буни назорат килувчи ташкилот ходимлари эса пашшанинг оёги ботмайдиган килиб чой дамлашадида ичиб утиришади деганман. Ёзганим учун хам президентлик хабар топибди. Кандай яхши булибди. Мана келибсиз. Булмасам хабар топармидингиз?
Сиз айтаётган жиноятларни эса 2007 йил туман буйича, кишлогимизда катта-катта мажлислар утказишиб мени хоинликда, халк душманлигида, катта катта доллар эвазига ишлаётганлигим тугрисида роса ёпиштиришди. Уларга хам худди Сизга айтилган гапларни айтишган «Курбонова ёзиб чикаргани учун чет элдан катта катта долларлар олади» дейишган. Уша пайтда гапирганларнинг купчилиги тушуниб етишгач кечирим сурашди. Куркишга келсак, пешонамда ёзилгани булади. Такдиримга нима ёзилган булса кураман. Кочиб кутилолмайман. Мана уйим, куриб турибсиз, – дедим.
Инобат (агарда хакикий исми булса) уйимдан чикиб кета туриб -Менга ушанака дейишганди. Уйингиз неча хона? – дея суради.
– Уч хона, – дедим.
– Келинларингиз билан сикилиб колмайсизми? Мен Сизнинг уйингизни бошкача тасаввур килгандим. Бунча хароба ахволда яшайсиз? Сиз кайси хонада турасиз? – деди. Мен курсатдим.
Шу вакт, катта келиним,
– Аям буровнинг кийналганини курса чидаб туролмайди. Узининг ёнидан харажат килиб булсада ёрдам беради – деди.
Инобатни эшикнинг олдида машина кутиб турган экан. Кузатиб куйдим. Кетди. Билмадим навбатдагилари кимлар ташриф буюрар экан?
Улар кимнингдир тайзиги ости да уйимга бостириб келганлигини биламан. Келган пайтидаёк участкавойни суриштирдим. Бирок учаска нозири жойида йук экан.
PS:
«Яна, янги «мехмонлар»дан яна бирининг ташрифи:
15 март куни, эрталаб 9-00 ларда, Чаманзор КФЙ участка нозири Ахмад Каххаров ташриф буюриб, устимдан шикоят ариза тушганлиги ва тезликда Пахтакор туман ИИБ олиб кетишга келганлигини билдирди. Мен, айбланувчиманми, жабрланувчиманмигувохманми, шу важлар курсатилган чакирув когози булсагина боришлигимни билдириб уз ишимда давом этдим.»
Сайда Курбон. 16.03.2011 йил.
Жиззах вилояти. Пахтакор тумани.