Носир Зокир
Араб мамлакатларида бўлаётган воқеалар кўпчиликка, Россиядаги 1991 йил август ойидан бўлиб ўтган воқеаларни эслатиб юборган бўлса, ажаб эмас. Ўша даврнинг қаҳрамони – Россия Федерациясининг биринчи президенти Борис Ельцин ҳаёт бўлганида, шу кунларда 80 ёшга тўлган бўлар эди.
Ельцин аввал Олий Кенгаш (Верховный Совет)нинг раиси бўлиб сайланган, кейин Россияни биринчи президенти бўлиб сайланганда, Наманганлик демократлар номидан акамиз Ёкубжон Холиков, Ельцинни табриклаганлар, ва бу табрикка берилган миннатдорчилик жавобнинг матни, халигача каминангизда сақланади.
Ельциннинг ютуғлари, баъзи бир комунистик рухдаги, сиёсатчилар қаршилигига қарамай, бозор-иқтисодиётига зудлик билан ўтиш сиёсати бўлди.
Тасаввур қилинг, тишингиз оғриябди. Даволашнинг иложиси қолмаган бўлса, олдирганингиз яҳшими ёки ўзи тўкилиб, чиқиб кетгунча чидаб юрганингиз яҳшими. Олдирмасангиз, узоқ муддат азоб чекиб юрасиз, томири билан олдириб ташласангиз, бир оғрийди-да, жонингиз ором олади. Ельцин бошлаган бозор-иқтисодиётига ўтишдаги бу сиёсати, бугунга келиб, Россияни дунёдаги иқтисодиёти ривожланган мамлакатлардан бирига айлантирди. «Бозор-иқтисодиётига босқичма-босқич ўтамиз» деган, Марказий Осиё республикалари ахолиси, хозирда Россияга бориб, мардикорчилик қилиб юрибди.
Ельцинни яна бир ютуги, ОАВларига тўла эркинлик бергани бўлди. Ҳатто, ўзини танқид қилувчи баъзи журналистларни давлат мукофотлари билан тақдирлаганларининг гувоҳи бўлганмиз.
Ельциннинг энг ката хатоси эса, Чеченистонга армия киритганлиги бўлди. 1994 йил 12 декабр куни, бу ҳақдаги маълумотни, машхур хофизимиз Дадахон Хасанов уйларида, «Озодлик» Радиосининг рус хизмати хабарларидан эшитиб, мухокама қилган эдик.
1999 йил 31 – декабр куни Россия телеканаллари орқали Ельцин истеъфога чиққанлигини эшитдик. У, баъзи-бир, қила олмаган ишлари учун Россия ҳалқидан узр сўради. Лекин Ельцин 9 йил мобайнида олиб борган сиёсат туфайли, Россия бугун ҳар томонлама бақувват мамлакатга айланиб бормоқда. Албатта Россияни биринчи президенти Борис Ельцин баъзи диктаторларга ўхшаб, хокимиятга ёпишиб олгани йўқ. Собиқ иттифоқ худудида ўз обруйи билан истефога чиққан у биринчи президент бўлди.
Навбат кимда экан?
Омон бўлинг!