Кизил хоч ташкилотининг Узбекистондаги Ваколатхонасига,
Киргизистон муваккат хукумати президенти Роза Отунбаевага.
Узбекистон президенти Ислом Каримовга.
УЗБЕКСТОН ИНСОН ХУКУКЛАРИ МУСТАКИЛ ТАШКИЛОТИ БОШКАРУВИНИНГ МУРОЖААТИ
Хурматли жаноблар! Гарчи, Уш ва Жалолободда киргинлар бир оз тухтаган булса-да, милиция ва тергов органлари томонидан узбекларни камаш, кийнаш, куппа-кундуз куни калтаклашлар давом этаётганини, хурланган, хакоратланган жабрдийдаларга берилган гуманитар ёрдам бошкалар томонидан талон-тарож этилаётганини оммавий ахборот воситаларида укиб, куриб ва эшитиб турибмиз. Узбеклар бу хил ходисаларни «улганнинг устига тепган», дейишади. Минглаб инсонларнинг улими, уй-жойсиз колиши каммидики, Киргиз кучишлатар тизимлари, фашистик тудалар – оиласидан, бола чакасидан, якинларидан ажралган, уй-жойи ёниб кетган кишиларни камаш, тергов килиш ва кийнаш билан шугулланса! Бу киргинни уюштирган карокчи тудалар, уларга кушилган расмийлар, Киргизистоннинг обрусини туширишни истаган, унинг демократик жамият куришини истамайдиган типлардир. Киргизистоннинг юкори мартабали амалдорлари халкаро кучларни киришига хам каршилик билдираётгани бу республикада давлатчиликнинг тамойиллари ва хатто Аскар Акаев даврида шаклланган демократия хам инкирозга учраганининг белгисидир. Халкаро Инсон хукуклари ташкилотларининг вакиллари эндиликда Киргизистоннинг рахбарлари ёлгон маълумот таркатиш, халкаро ташкилотларни хам алдаш йулига утганлигини айтмокдалар. Хукумат эса уларга ён босаётгани, уз обрусини узи тушираётгани аник. Интернет сайтларда чикаётган хабарлар, помфлетлар, нафрат тула шеърларнинг ёзилишига Уш ва Жалолобод киргинигина эмас, хукуматнинг бу киргинга, кийнок ва ноконуний жазоларга бепарво караб тургани хам сабабдир. Купгина зиёлилар, шоирлар, сиёсатчилар, оддий одамлар Вактли хукуматни фашистлар хукумати, дейишга хам огиз жуфтлашаётгани, Отунбева хукуматининг обруси кун сайин кутарилиш урнига пасаяётганининг белгисидир. Нега шу пайтгача Олой тогларидан, Бишкекдан Уш ва Жалолободга етиб келиб, халкка карши курол кутарганларнинг исм-фамилиялари ошкор этилмади? Нега уларнинг энг ашаддийлари халигача тергов бераётгани йук!? Нега июнь вокеаларини мустакил текширадиган Халкаро комиссия иш бошлаб, бирон натижага эришганини эшитганимиз йук?! Факат фашистларга ухшаб иш килган тудалар учунгина эмас, БМТ, Европа Иттифоки сингари халкаро ташкилотлар учун хам Уш, Жалолобод, Бозоркургонда яшаган, яшаётган фукаролар иккинчи нав одамлар булиб колдими?! Балки боскин пайти ёш-яланглар кулига курол бериб, уларни одам улдиришга йуллаган милиция ва харбийлар хозирда уларни кочириб хам юбораётгандир? Тушунамиз, этник узбеклардан хам айбдорлар топилар, аммо асосий зарбани еган, улдирилган, уйлари ёкилган, хонавайрон булган асосан узбеклар жамияти эканлигини бутун дунё куриб турибдику! Фукаролар хамма нарсага, очликка, мухтожликка, хатто йукотишларга чидашлари мумкин, аммо нохакликка, зулмга, андишасизликка чидайолмайди+
Киргиз хукуматидан, куч ишлатар тизимлардан анидишалирок булишни, айбсиз кимсаларни эмас, жиноятчиларни тез тутиб камашларини, элга уларнинг кирдикорларини ошкор килишларини, жамоатчиликка бу хакда ошкора хисобот бериб туришларини, айни замонда узини химоя килган, кули кон булмаган бечора, айбсиз узбекларга зулм утказилмаслигини, аксинча, уларни озод килишни талаб киламиз. Узбекистон хукумати эса, хеч булмаса, узининг ярадор булган миллатдошларини уз касалхоналарида даволашга ёрдам беришни уюштириши лозим. Токи, зулм зулмни тугдирмасин, Марказий Осиёда хам Чеченистондаги каби террор харакатлари бошланиб кетмасин! Халкаро ташкилотлар хам уз вазифаларини сидкидилдан амалга ошириб, дипломатик миссияларини бажариб, халкаро текшириш натижаларини эълон килсинлар. Уйлари ёкилган, якинлари киргинбарот килинган Халк Сизлардан шуни кутишга ва талаб килишга хакли!
УИХМТ бошкаруви номидан Исмоил Одилов.Ботир Норбоев.Бахтиёр Исабеков.