Носир .Зокир
11 – 12 май кунлари Осиё Чемпионлар лигаси ва ОФК кубигида қатнашган Тошкентнинг «Пахтакор», «Бунёдкор» ва Қаршининг «Насаф» жамоалари араб жамоаларидан мағлубиятга учраб, курашдан чиқиб кетди. Президент қизи ва унга яқин бўлган бойвачча Миродил Жалоловга тегишли бўлган «Бунёдкор» жамоасига айнан чемпионлар лигаси кубогини қўлга киритиш учун таниқли мураббий Сколлари ва футбол юлдузи Ривалдо каби ёлланган эди. Сколларига йилига 25 милион доллар, Ривалдога эса 12 миллион доллар пул тўлашга келишилган.
Миродил Жалолов ҳибсга олингач ва унинг асосий даромад манбаи бўлган «Зерамакс» компанияси фаолияти тўхтагач, жамоа парокандаликка учради. Оддий ўзбекистонликлар тирикчилик илинжида ўзга юртларда мардикорчилик қилаётган, мамлакат фуқароларининг кўпчилиги зўрга тирикчилик қилаётган бир шароитда миллионлаб долларни кўкка совуриш тўхтатилди. Агар Миродил ва уни гумашталари 2 юлдузни футбол орқали Ўзбекистон номини дунёга танитиш мақсадида олиб келишган бўлса, энди бу шармандаликлар учун ким жавом беради?
«Пахтакор» «Насаф» «Навбаҳор» жамоалари халқ жамоаларидир. Бу жамоалар ҳар қандай шароитда ҳам қийинчилик билан бўлса ҳам фаолият олиб бораверадилар. Лекин «Бунёдкор» сунъий равишда ташкил этилган эди. Ҳукумат томонидан тузилган партиялар билан халқ томонидан тузилган партияларнинг фарқи катта. «Юқори”дан ташкил этилган жамоалар билан халқ жамоаларининг ҳам фарқи шундай бўлади.
Ҳеч нарсани сунъий равишда ташкил қилиб бўлмайди. Сунъийлик вақтинчадир. «Бунёдкор» жамоасининг тақдири фикримиз исботидир
Саломат бўлинг!